سؤال عن اماكن لبيع الكراسي الكهربائية في لندن ؟

[نوف بنت تركي]

بسم الله الرحمن الرحيم

السلام عليكم ورحمة الله وبركاته


احبتي اعتذر اولاً ان كان موضوعي في غير مكانه المناسب:icon_neutral:
واعتذر عن طلب المساعده منكم بدون حتى موضوع ترحيب او اي مشاركة معكم . لكن انا سفرتي قريبه واضطريت احط الموضوع بسرعه علشان يمدي تردون علي وتساعدوني جزيتم خيراً قبل السفر :icon_redface:
وإذا كتب لي الله ورجعت من السفر إن شاء الله ابشرو بالخير :icon_mrgreen:

احبتي انا ان شاء الله عندي سفره قريبه راح اروح لندن
وحاولت بالسفر امر على المانيا لكن ما قدرت

لأني سمعت ان فيه كرسي كهربائي في المانيا بطاريته على جنب والكرسي خفيف ومتطور مره .. واتوقع قالو ان سعره تقريباً 20 الف

اتمنى إذا احد يعرف شيء عن الموضوع يساعدني
وإذا احد يعرف شي عن اماكن كراسي كهربائيه في لندن ياليت يقول لي بأسرع وقت . لأني محتاجه كرسي كهربئي خفيف اقدر اتنقل به لكل مكان
ولفيت شارع الضباب اللي بالرياض كله مالقيت طلبي :tongue_smilie:



وعندي سؤال ثاني بعد اذنكم:icon_redface:

بطاقة الأحتياجات الخاصة من وين اقدر اخذها . هل لها اماكن معينه اقدر اخذها منه ؟<< انا من سكان الرياض :icon_mrgreen:



واللي يساعدني له هديه من لندن

واسفه طولت عليكم

ومشكورين مقدماً:icon_redface:

 

[المغامر]

رد: سؤال عن اماكن لبيع الكراسي الكهربائية في لندن ؟

وعليكم السلام ورحمة الله وبركاته​

حياك الله اختنا الفاضله
واهلاً وسهلاً بك في منتدى الاسره الواحده ​

اولاً: اسال الله العلي القدير ان يشفيك شفاءً لا يقادر سقماً
وان ييسر لك سفرك وتعودي لوطنك معافاه ان شاء الله.​

ثانياً: بالنسبه للكراسي الكهربائيه والعاديه تجلب لنا من الخارج
وبامكانك شراء ما تريدين من هناك افضل
لانه سيصنع الكرسي على مقاسك بالضبط وبالمواصفات التي تريدين
انا سبق وان اشتريت كرسي من المانيا بالمواصفات التي اريد
والمقاس بالضبط واقل قيمه من هنا بكثير ​

ثالثاً: بالنسبه لبطاقة التاهيل تستطيعي التقديم عليها
بمركز التاهيل الشامل الاقرب اليك وخلال اسبوعان تحصلي على رقم المستفيد واستلام بطاقة الاعاقه
اما بطاقة الصراف للإعانه فلا تقل المده عن ستة اشهر لكي تستلميها ​

ارجو ان اكون افدتك وتحت امرك باي استفسار​

ودي وعاطر تحيتي​

 

[نوف بنت تركي]

رد: سؤال عن اماكن لبيع الكراسي الكهربائية في لندن ؟

الله يحييك اخوي

اااامين جزاك الله خير واياك يارب

انا اعرف انو في المانيا فيه اللي يفصلون عرسي على طلبي . بس انا ما اقدر امر على المانيا وسفرتي لبريطانيا وكنت اتمنى احد يفيدني بأماكن هناك في لندن لأني تعبت وانا ابحث بالنت مالقيت شيء

ثالثاً: بالنسبه لبطاقة التاهيل تستطيعي التقديم عليها
بمركز التاهيل الشامل الاقرب اليك وخلال اسبوعان تحصلي على رقم المستفيد واستلام بطاقة الاعاقه

انا ابي البطاقه اللي تنحط ع السياره والبطاقه اللي تكون معي لأن برا لازم تكون معك هالبطاقه وتحتاجها كثير

ومشكور وما قصرت

 

[المغامر]

رد: سؤال عن اماكن لبيع الكراسي الكهربائية في لندن ؟

[align=center]
حياك اختي

بالنسبه للكراسي المتحركه مندوبين الشركات تجيك وين ما كنتي حتى لو كنتي منومه بالمستشفى وتقدم عروضها وانتي تختاري الافضل

وبالنسبه لبطاقه الاعاقه مثل ما قلت لك تاخذيها من التاهيل واطلبي منهم بطاقة المواقف
كلها تاخذيها بوقتها اول ما يصدر لك رقم مستفيد

وتحت امرك باي استفسار

واذا تقدري تدخلي المنتدى من هناك تعطينا معلومات عن علاجهم والكراسي تفيدي اخوانك واخواتك

بالتوفيق ان شاء الله

[/align]

 

[نوف بنت تركي]

رد: سؤال عن اماكن لبيع الكراسي الكهربائية في لندن ؟

الله يحييك

طيب عندك ارقام للمندوبين؟؟



واذا تقدري تدخلي المنتدى من هناك تعطينا معلومات عن علاجهم والكراسي تفيدي اخوانك واخواتك

بالتوفيق ان شاء الله

ان شاءالله ابشر

ولك جزاك الله خير

 

[نوف بنت تركي]

رد: سؤال عن اماكن لبيع الكراسي الكهربائية في لندن ؟

اخوي المغامر انا دخلت على طلبك

وبصراحه رجعت خالية اليدين من لندن

طول سفرتي وانا اكلم واحوس بلندن ومراكزهم وبالقرى اللي جنب لندن .. وما لقيت طلبي

و بصراحه ما سألت عن علاجهم .. وكراسيهم نفس اللي عندنا مالقيت شيء ابهرني عندهم

الا جهاز يركب على اي كرسي عندك مكون من: بطاريه وحده(وهي حجمها كبير) ، وايطار ينحط على ايطار الكرسي ، واليد اللي تتحكم بالحركه
وهاذي تقريبا سعرها بالسعودي حوالي 24 الف ، وتطلب طلبيه حوالي 10 ايام يعني مو جاهزه . ويوصلونها داخل بريطانيا ،، ولازم عندك فيزا بريطانيه

يعني لبن العصفوره اسهل منها :glare:
وعلى كل معداتهم الي تتركب بتصير بعد ثقيله ولا استفدت شيء

ورحت مركز قالو وزن الكرسي ببطاريته 45 كيلو . وخقيت قلت جيبوها ويوم شفتها لقيتها اثقل من اللي شاريتها من الضباب هنا .

وسلامتكم :icon_mrgreen:

 

[ياحبذا الجنة]

رد: سؤال عن اماكن لبيع الكراسي الكهربائية في لندن ؟

جزاك الله خير