سؤالين اتمنى الاجابة عليهما

[زهرة التقى]

السلام عليكم ورحمة الله وبركاته .
عندي سؤالين اتمنى ممن يعرف الاجابة يفيدني بها :
السؤال الاول :
فتاة قد وقعت على ورقة بأنها تقبل أن تتزوج شخص مصاب بفقر الدم المنجلي بالرغم من عدم توافق التحاليل كونها مصابة ايضا وقد تم الزواج وانجبا اطفال مصابين فهل يستحق الاطفال المصابين اعانة التأهيل الشامل ام لا ؟
السؤال الثاني :
هل مرض الثلاسيميا له إعانة من التأهيل الشامل أم لا ؟

 

[ضوء القمر]

رد: سؤالين اتمنى الاجابة عليهما

الى الآن مافي قانون أو نظام يمنع المتزوج المصاب أو الحامل من الزواج بإمرأه حامله أو مصابه وحتى لو وقعوا على أوراق رسميه بمعنى انهم يحق لهم العﻻج والإعانه مادام أنهم يستحقون وتنطبق عليهم الشروط ويمكن بعدين يخلون نظام اللي وقع على أوراق انه يحرم من الإعانه والعﻻج من الحكومه

ياليت يتم فرض قانون يمنع المصابين بالزواج من المصابات أو الحامﻻت لنفس المرض والله فرحنا يوم تم تطبيق الفحص قبل الزواج بس مافي قانون يمنع أو يجبر أحد أن مايتزوج للأسف الشديد وكأنك يابوزيد ماغزيت ويستاهلون ماجاهم اللي مايسمع الكﻻم وخل الحب يفيدهم الحين أيش ذنب اعيالهم بس آه يالقهر آه آه. والمشكله مجربين آﻻم المرض ويخلون عيالهم ينتقل لهم حسبنا الله ونعم الوكيل والله قلبي يتقطع على العيال اللي والديهم تسببوا فيهم وأقولها من قلب الله يهديهم بس والله لو بيدي شي أقدر أسويه ﻻأطلع فتوى تحرم هذا الزواج حتى لو تم التوقيع

بالنسبه للثﻻسيميا المصابين يستلمون إعانه فقط للمصابين وليس الحاملين والله أعلم

قلبي يوجعني اذا سمعت انه في أحد تزوج بنفس حالتهم

والله العظيم الناس تبي تفتك من المرض وبعض الناس يتسببون في نقل المرض لعيالهم آه يالقهر

قبل أبائنا مانلومهم ﻻنهم ماعندهم فحص والعلم مو متطور بس الآن كل شي متطور والفحص الحكومه تخسر مليارات والنهايه حب ما حب بﻻ حب بﻻ هم وأهم شي صحة عيالي وياجماعه متى بتحسون متى لين مايطيح الفاس في الراس واذا مات قدام عيونكم ذيك الحزه ماينفع الندم يكفي عذاب وآﻻم وموت

أعتذر على كﻻمي بس قلبي محروق على عيالهم وعيال المستقبل حرام حرام كفايه

 

[عيسى محمد]

رد: سؤالين اتمنى الاجابة عليهما

نعم وبكل تأكيد لهم اعانه
خذوا التقارير وقدموها على التأهيل

 

[هيلين]

رد: سؤالين اتمنى الاجابة عليهما

ليه بس تجنو ع العيال وربي حرام عليكم

لمتى الجهل .............

 

[زهرة التقى]

رد: سؤالين اتمنى الاجابة عليهما

شكرا لكم احبتي على الإجابة ...
وبالنسبة للي تزوجوا من بعض وهم مصابين حتى احنا ماقبلنا بهالشي وقلنا ان فيه ضحايا لهالشي وهم ابنائكم ، فقالوا انهم مايبون عيال لكن ماقدروا يصبروا بعدين انهم يعيشوا بدون طفل .. والنتيجة ايش ؟
طلعت نسبة الطفل في المرض اعلى من نسبة امه وابوه بس مانقول غير الله يهديهم ويعينهم ويعين الطفل على المه ووجعه ومرضه

 

[قاهر اليأس]

رد: سؤالين اتمنى الاجابة عليهما

لاحول ولا قوة الا بالله الحين هم مخلفين عيال ليه بالله على شان يحملونهم أسآ الدنيا يعنى خلفوهم علشان يعيشون مرضا .. يعنى ليه كذا هالعالم ذى وش تحس به .

 

[جبل]

رد: سؤالين اتمنى الاجابة عليهما

شكرا لكم احبتي على الإجابة ...
وبالنسبة للي تزوجوا من بعض وهم مصابين حتى احنا ماقبلنا بهالشي وقلنا ان فيه ضحايا لهالشي وهم ابنائكم ، فقالوا انهم مايبون عيال لكن ماقدروا يصبروا بعدين انهم يعيشوا بدون طفل .. والنتيجة ايش ؟
طلعت نسبة الطفل في المرض اعلى من نسبة امه وابوه بس مانقول غير الله يهديهم ويعينهم ويعين الطفل على المه ووجعه ومرضه

[align=center]كان الله في عونهم جميعاً ونسأله تعالى ان يشفيهم ويشف مرضى المسلمين

ما عاد ينفع يااخوان اننا نلوم الاخت (زهرة التقى) ونزيد الموضوع مآسي بالكلام

عموما اذا كان الوالدين مصابين يستحقون الاعانة لكل واحد منهم مبلغ شهري 833

واذا كانا حاملين للمرض وليس مصابين بشرط ان تصل النسبة الى 40% فاكثر فهم يستحقون ايضا

وينطبق نفس الكلام على الابناء اذا بلوغوا عمر سنتين

تحياتي[/align]

 

[جميله وخلوقه ولكن]

رد: سؤالين اتمنى الاجابة عليهما

اخي جبل ارسلت ع ايميلك
رقم المستفيد والسجيل
ياليت ترد