سيارات المعاقين

[طارق ال سلامه]

بسم الله الرحمن الرحيم


ياخوان ممكن نسوي حمله ونطالب بسيارات المعاقين

من زمان مقدمين عليها لاكن لانعرف من ورا تعطيل المعاملات
ولا نعرف اين هيه واين ذهبت المعاملات ولماذا ؟؟؟؟
لا يعطون كل معاق حق من حقوقه المشروعه من الدوله وشكرا:icon_question:

 

[المتفائل]

رد: سيارات المعاقين

[align=center]والله موضوع السيارات بالذات يقهر ويعور القلب
المعاق اذا ماعنده سيارة مجهزة مايقدر يتحرك براحته
ويروح ويجي ولوخطوة ..اذا بتسوون حمله انا معكم اخوي طارق
[/align]

 

[لى لى]

رد: سيارات المعاقين

قولو ياااااااااااااارب أكرمنا

 

[الشاطر]

رد: سيارات المعاقين

موضوع السيارات مثله مثل غيره الاوامر اللي ماشفناها
المجلس الاعلى لرعايه المعاقين
توجيهات الامير سلطان

ادعو على المتسبب
الله لايوفق ولا يسعد من عطل اوامر المعاقين اللهم آمين

 

[طارق ال سلامه]

رد: سيارات المعاقين

يارب ياكريم ساعدنا يااخوان خلونا نتساعد ونطالب بحقوقنا المشروعه عير الوسايل والصحف و التلفزيون وارسل برقيات لسيدي خادم الحرمين ارجوكم لاتسكتون خلوناا نجتهد ونطالب بحقوقنا نبي نتحرك نبي نشوف حياتنا زينا زي غيرنا من الشعوب والدول الخليجيه شدوو حيلكم وخلونا نطالب بسيارتنا مقدمين عليها من سنين وماشفنا شي ولا رد ولاخبر نبغي نشوف من ياكل حقوق المعاقين يارب ساعدناا

 

[قاهر اليأس]

رد: سيارات المعاقين

يارجل اذا هى بس على السيارات .. الا حقوق كثيره مانعرف منو الى متسبب فيها .. مير الشكوه لله

 

[عاشق الترحال]

رد: سيارات المعاقين

اخوي طارق لا حياة لمن تنادي انا مقدم على السيارة من عام 1428هـ تقريبا ولم يتغير شي اخر شي قالو لي انها تحت التوقيع ويبدو انها
لن توقع الله يجيب الخير تحياتي لك

 

[أروما]

رد: سيارات المعاقين

اخواني السيارات هاذي بس للمعاقين الذكور ام ان المعاقات الاناث لهم حق فيها

 

[ابن ز ا ا ا ا يد]

رد: سيارات المعاقين

الله يعين
نبي حمله مرتبه
للوزاره
لجل يبين البين
ولابلاش
بالتوفيق

 

[عاشق الترحال]

رد: سيارات المعاقين


ياجماعة والله اني صادق انا جاني خبر من قريب لي ان معاملتي اللي مقدمها من عام 1427هـ بشأن السيارة انه اعتمد صرفها وتحولت من الديوان الملكي للشؤون الاجتماعية بعدها تحولت المعاملة إلى مركز التأهيل الشامل


ركبت سيارتي من القصيم وتوجهت للرياض وتحديداً لمركز التأهيل الشامل ابي اعرف لماذا هذا الروتين من مكان لمكان والمعاملة معتمده موقعة من الملك حفظه الله بصرف سيارة


وصلت لمركز التأهيل وياليتني ما رحت دخلت على الموظف المختص سألته وانا واقف وطبعا على عكازين وتعبان من المشوار ما قال لي استرح ونشوف معاملتك قال لي بدون ما يعرف اسمي ولا حتى رقم معاملتي


ان المركز سيتصل فيك بعد شهر ونصف تقريبا قلت ما استعجل رحت لمدير التأهيل نفسه والله ثم والله ما قال لي اجلس وريح وانا اشوف وش صار على معاملتك قال لي بالحرف شف المعاملات فوق الكنب المجاور له


انها معاملات جاية من الديوان بشأن صرف سيارات وأن يجب علينا الصبر طيب لمتى ؟ قال بعد انه لازم يسوون كشف نهائي طبي على من صرف له سيارة قلت له ليه الكشف مادام اني كشفت بالأول



قال يمكن فيه معاقين ماتوا؟؟؟ياساتر يعني لما يموت يروح حقه بالعكس المفروض ان أهل المعاق الميت يأخذون حق ولدهم سواء بحياته او موته والشئ الأكيد أن المعاق ما طلب سيارة إلا انه محتاج لها وظروف المادية سيئة


بصراحة قهرني لا وبعد قال يمكن المعاقين اللي اعتمدت لهم سيارات يمكن تشافو من الاعاقة؟؟؟ياناس ياهوه وش هالكلام ؟واحد مسؤول ومدير مركز حساس يقول كذا انا للحين منصدم من هالواقع المرير


للأسف الملك عبدالله حفظه الله ما يدري وش اللي قاعد يصير في هالوزارات والمراكز ما اقول الا الله يعين

 

[طارق ال سلامه]

رد: سيارات المعاقين

يا اخوان شدو حيلكم حقوقنا اكلوها الي ما يخافون الله خلونا نوصل الخبر لا ابو متعب الله ينصره هوه الوحيد اللي يرجع حقوقناا

 

[حموده]

رد: سيارات المعاقين

الصبر الله المستعان

 

[الاثير]

رد: سيارات المعاقين

لا حجت البقره واعتقد ما راح تحج لاتتعبوا انفسكم ولا تحلموا في بلد ممنوع فيها الاحلام بس كرف مثل الحمير وليت فايد

 

[ابو اروى]

رد: سيارات المعاقين

هلا فيك طارق
لو نتفق كلنا بيد واحده ونروح ندخل على الوزير ونشوف وش مرده علينا
لان الملك يصدر اوامر ولم تنفذ ليش ((( يعني فيها لعب بالوزاة )

 

[طارق ال سلامه]

رد: سيارات المعاقين

انا سمعت ان السيارت راح تجي صح او خطاء ارجو منكم ان تطالبو اكثر واكثر

 

[طارق ال سلامه]

رد: سيارات المعاقين

صراحه امنيتي ان تكون عندي سياره معدله عشان اقدر امارس حريتي في التنقل والدوام والعمل والعلاج لا ان الليموزين يطفر الانسان كذلك صعوبة وجود سياره توديك اي مكان لوكان معاك كرسي محد يشيلك كلهم ما يوقفون عشان ما يبغون الكرسي المتحرك في سياراتهم خلونا نطالب اكثر واكثر

 

[طارق ال سلامه]

رد: سيارات المعاقين

ابوو اروي كلامك سليم خلونا نشد حيلنااا سوااا