تعبت نفسيتي ساعدوني تكفون

[كبرياء انثى]

السلام عليكم
اخواني تكفون احد يساعدني احس نفسيتي تعبت والله بموت من الهم ذبحوني بكلمة انتي موظفة
انا معاقة معي شلل اطفال زوجي طردني انا وولدي من البيت اضطريت استاجر لي شقة هو يقول انه طلقني لكن لحد الحين مااستلمت ورقة الطلاق رحت للتاهيل الشامل قالوا الموظفة مالها شي رحت للضمان قالوا الموظفة مالها شي رحت لجمعية حركية خذوا اوراقي وقالوا بنتصل عليك ومحد كلمني اضطريت اخذ قرض من البنك عشان اسدد الايجار او صاحب البيت بيطردني الحين انا بهم مايعلمه الا الله
2000 راتب الشغالة لاني للاسف ماعندي فلوس استقدام وماقدر اخدم نفسي او اخدم ولدي ولدي رضيع عمره سنه ونصف
1500 راتب السواق
القرض من البنك 2200
وعلي دين لجهه عملي يخصمون 3000
مايبقى من الراتب شي الا مصاريف انا وولدي
المشكله باقي 3 شهور على الايجار الجديد ومامعي فلوس اسدد الايجار
حاولت اقدم على جمعية الوليد ماوصلني رساله التفعيل وين اروح انا ووليدي
محد رحم حالي وحيدة مريضة معاقة وطفلي الصغير وش اسوي فيه تكفون وين اروح احد يساعدني تعبت من التفكير وخايفة يجي موعد الايجار ومامعي اسدده

 

[سعوديه كوول]

رد: تعبت نفسيتي ساعدوني تكفون

انتي أعاقتك مي جديده يعني ميه بالميه اسمك بتأهيل الشامل وتنزلك أعانه مثل كل البنات الا لو كان راتبك مثلا كبير هذا شي والشي الثاني الضمان مايعطيكي لأنك متزوجة ولو أطلقتي ابوولدك غصب عنه النفقه ارفعي عليه قضيه وخذي ورقتك وطالبي بحقوقك اما حركيه مدري إِيش ممكن يقدمون لك بس روحي ثاني مره عندهم بيوت على مااسمع وقف وطولي بالك اهم شي تأخذين ورقتك ويعرف حدوده وتأخذين نفقتك

 

[سعوديه كوول]

رد: تعبت نفسيتي ساعدوني تكفون

ماشاء الله لاقوة الا بالله تصرفين ثمانيه آلاف وسبع مية ريال لغيرك.... يعني راتبك بيكون فوق العشره آلاف أكيد....والقرض تدفعين ألفين ومائتين ريال يعني قرض جامد وثلاث آلاف لجهه في العمل واااااااجد مره... والله ماهو تحقيق لا ورب البيت بس حسبتك فيها شي غلط حرام المبالغ هذي كلهاتنصرف المفروض اقل شي يكون تقسيطك بشقه تمليك او ارض الله يعينك

 

[عربيه]

رد: تعبت نفسيتي ساعدوني تكفون

الله يعينك يارب

 

[ابو تالين]

رد: تعبت نفسيتي ساعدوني تكفون

اعانك الله اختي الكريمة ونصرك

 

[ابو تالين]

رد: تعبت نفسيتي ساعدوني تكفون

تم فصلي من العمل ببنك الجزيرة تعسفي بدون انذار واحاول اعادتي للعمل وديا دون جدوى او تجاوب منهم ممكن احد ينصحني بالمفروض عمله في مثل هئه الحالة

 

[اصابر]

رد: تعبت نفسيتي ساعدوني تكفون

مش معقول وين ابوك وين اخوانك وين عمانك وين اخوالاك
او انتي مقطوعه من شجره مهمه توصل من المشاكل
مستحيل يلميك زوجك وين عدت الطلاق تقعدين في بيته خصبن عنه
من المحكمه للاعلا وعصا تروضون او مثل ما خذك معززه مكرمه من
بيت الولد يرجعك معززه مكرمه عند الوالد

 

[حموده]

رد: تعبت نفسيتي ساعدوني تكفون

غريب شوي موضوعك


Sent from my iPhone using السعودية لذوي الاعاقة

 

[دنيا الغلا]

رد: تعبت نفسيتي ساعدوني تكفون

السلام عليكم
اخواني تكفون احد يساعدني احس نفسيتي تعبت والله بموت من الهم ذبحوني بكلمة انتي موظفة
انا معاقة معي شلل اطفال زوجي طردني انا وولدي من البيت اضطريت استاجر لي شقة هو يقول انه طلقني لكن لحد الحين مااستلمت ورقة الطلاق رحت للتاهيل الشامل قالوا الموظفة مالها شي رحت للضمان قالوا الموظفة مالها شي رحت لجمعية حركية خذوا اوراقي وقالوا بنتصل عليك ومحد كلمني اضطريت اخذ قرض من البنك عشان اسدد الايجار او صاحب البيت بيطردني الحين انا بهم مايعلمه الا الله
2000 راتب الشغالة لاني للاسف ماعندي فلوس استقدام وماقدر اخدم نفسي او اخدم ولدي ولدي رضيع عمره سنه ونصف
1500 راتب السواق
القرض من البنك 2200
وعلي دين لجهه عملي يخصمون 3000
مايبقى من الراتب شي الا مصاريف انا وولدي
المشكله باقي 3 شهور على الايجار الجديد ومامعي فلوس اسدد الايجار
حاولت اقدم على جمعية الوليد ماوصلني رساله التفعيل وين اروح انا ووليدي
محد رحم حالي وحيدة مريضة معاقة وطفلي الصغير وش اسوي فيه تكفون وين اروح احد يساعدني تعبت من التفكير وخايفة يجي موعد الايجار ومامعي اسدده

اختي الكريمة اذا كان المطلوب تقديم مساعدة فموضعك لدي اقسام أخرى في المنتدى اما ان كان المطلوب استشارة قانونية فيرجى تحديد المطلوب ؟