تدرون ليه آمالنا مثل السراااب " قصيده "

[بنت مكة]

تـدرون لـيه أمـالنا مـثل الـسراب !


يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا مثل السراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات وونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين

للشاعـر : محمد بن فطيس​

 

[سفير قحطان]

رد: تدرون ليه آمالنا مثل السراااب " قصيده "

قصيده رائعه يعطيك العافيه

 

[الحنان كله]

رد: تدرون ليه آمالنا مثل السراااب " قصيده "

صح لسان شاعرها
وعلا شأن ناقلها

 

[بنت مكة]

رد: تدرون ليه آمالنا مثل السراااب " قصيده "

قصيده رائعه يعطيك العافيه

مرورك شرفني كل الشكر ​

 

[بنت مكة]

رد: تدرون ليه آمالنا مثل السراااب " قصيده "

صح لسان شاعرها
وعلا شأن ناقلها

مرورك شرفني كل الشكر ​

 

[إحسـاسي]

رد: تدرون ليه آمالنا مثل السراااب " قصيده "

غاليتي؛بنت مكه؛
آبيات في غاية الروعه معبره ومؤثره
وحقآ نحنو البشر لآ نملك إلآ الدعاء والتضرع لله عزا وجل
فهوا وحده القادر على كل شئ؛
لكِ مني
إحترامي وتقديري؛​

 

[بنت مكة]

رد: تدرون ليه آمالنا مثل السراااب " قصيده "

غاليتي؛بنت مكه؛

آبيات في غاية الروعه معبره ومؤثره
وحقآ نحنو البشر لآ نملك إلآ الدعاء والتضرع لله عزا وجل
فهوا وحده القادر على كل شئ؛
لكِ مني

إحترامي وتقديري؛​

مرورك شرفني كل الشكر ​

 

[أم الغالين]

رد: تدرون ليه آمالنا مثل السراااب " قصيده "

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

[align=center][table1="width:95%;"][cell="filter:;"][align=center]
قصيدة روووووووووووووووووووووووعة

الله يعطيكِ العافية

تميز وأبداع
[/align][/cell][/table1][/align]