تكبرت وانا تحديتك

[خالد المسعود]

تكبرت .. وانا تحديتك ..!

​

رحلت ومقصدي كله.. عشان انساك

نسيتك ؟ لاحشى واللي خلق راسي تناسيتك ​

تناسيتك نعم لكن بقت في داخلي ذكراك
بقى في داخلي زولك بقى في داخلي بيتك ​

أشوفك في وسط عيني وأغمضها عشان امحاك
واشووفك داخل جفوني إذا غمّضت ضمّيتك ​

أضمّك واشتكي طيفك على طيفك بدون إدراك
وانا في غربتي ليتك تحس بحالتي ليتك ​

نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك ​

ليال مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك ​

أهذري بك واغني بك ( أنا اهواك أنا أهواك )
وأمرّك تايهٍ .. واذكرك لامني تعديتك ​

تحاكمنا على الفرقى بدون اسباب يامقساك
تخالفنا .. تعدينا الحدود .. ورحت خليتك .. ​

كذا مامن سبب يشرح نهاية قصتي وياك
تكبرت .. وتكبرت .. وتحديت .. وتحديتك ..!​

تفارقنا ودمعات [القهر] تخشع على فرقاك
وبلاي اني من دموع الوداع المرّ واسيتك ​

حبيبي والفضا كله مساحات وسما وافلاك
يضيق وغيبتك قشرا .. وانا جيتك وناجيتك ​

صحيح اني تجاهلتك وخليتك عشان [انساك]
ولكن والذي سوى عروقي .. بس تناسيتك ​

 

[المغامر]

رد: تكبرت وانا تحديتك

سلمت يمناك اخوي خالد ع الطرح الجميل

ننتظر المزيد من ابداعك

 

[بنت قحطان]

رد: تكبرت وانا تحديتك

[align=center]
[align=center]
نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك

خالد المسعود
قلمك مميز
أتعلم كم يتراقص نبضي مع كل سطر من سطورك الرائعة
اعيش حالة من الإندماج مع أبجديتك
قلمي يقف لينصت احتراما لصدق احساسك
الذي ينبع منكــــ
وتقبل مروري
مني لروحك وحبك
أحترام وأحترام
تقبل كلماتي
بنت قحطان
[/align]
[/align]