تكفون فيدوني

[ابوعبود]

انا كنت استلم من الضمان 862 ريال لمدة سنه وقبل سنه اقطعوها علي هل اقدر اقدم مره ثانيه عليهم وش المطلوب من المستندات وهل اقدر اقدم على مقطوعه تكفون فيدوني انا حاليآ استلم من التاهيل الشامل 2000 ريال كل سته اشهر


---

 

[معاند الضيم]

رد: تكفون فيدوني

انا كنت استلم من الضمان 862 ريال لمدة سنه وقبل سنه اقطعوها علي هل اقدر اقدم مره ثانيه عليهم وش المطلوب من المستندات وهل اقدر اقدم على مقطوعه تكفون فيدوني انا حاليآ استلم من التاهيل الشامل 2000 ريال كل سته اشهر


---

وليش ما تقدر تقدم؟

اذا ظروفك الصحية وامورك الثانية مطابقة لشروط التسجيل لديهم يقبلونك ليش لا

موفق يارب

 

[المترجمة أثير]

رد: تكفون فيدوني

ليه قطعوها !! يمكن انتهت بطاقتك.. راجعهم وان شاء الله يجددون لك


اللهم لك الحمـد

 

[ابوعبود]

رد: تكفون فيدوني

انتهت البطاقه


---

 

[المترجمة أثير]

رد: تكفون فيدوني

خلاص تروح تجدد .. هي عليها تاريخ محدد تنتهي فيه وبعدها تراجعهم وتجيب بطاقة الاحوال والبطاقة القديمة وتستلم الجديدة ..


اللهم لك الحمـد

 

[ابوعبود]

رد: تكفون فيدوني

جيتناهم اليوم وقالو جب لنا تقرير طبي حديث


---

 

[المترجمة أثير]

رد: تكفون فيدوني

اها..الله يعينك وييسر لك


استغفر الله

 

[قاهر اليأس]

رد: تكفون فيدوني

انت عجز مؤقت يا عبود من كذا يطلبون منك تقرير لازم

 

[معاند الضيم]

رد: تكفون فيدوني

جيتناهم اليوم وقالو جب لنا تقرير طبي حديث


---

طيب وضعك الصحي كيف الان؟
هل تحسنت والا بنفس الوضع الي جيتهم فيه اول مره واقبولك

اذا وضعك الصحي تشوفه ماهو طيب يحولونك هم على لجنة طبية وتقيم حالك وبناء على راي اللجنة تقبلك او ترفضك وتحدد لك عجز مؤقت او دايم.. هذا الاجراء المعتاد


موفق يارب

 

[ضوء القمر]

رد: تكفون فيدوني

المطلوب تقرير طبي حديث مع صورة البطاقه واذا متزوج صورة من كرت العائلة وأخطار آخر فاتورة كهرب عشان إثبات السكن وصورتين مقاس 4/6

ويعطونك استماره تعبيها ونختمها من المدير وتنطلق للجنة الطبيه وبعد ماتخلص من اللجنه بيقولون لك بعد شهر راجع الضمان عشان تعرف كم قرروا لك سنه أو أقل أو أكثر

بالتوفيق

 

[ابوعبود]

رد: تكفون فيدوني

وضعي الصحي نفس اول


---

 

[ابوعبود]

رد: تكفون فيدوني

طيب من الي يقرر سنه او دايم الجنه الطبيه او الضمان


---

 

[الكياان]

رد: تكفون فيدوني

ارجوووكم افيدوووووووني انا زووجي موظف وراتبه 4الالف مع انه من ذوي الاحتياجات الخاصه وانا بعد وابني كلنا من ذوي الاحتياجات الخاصه لو اقدم علي الضمان الاجتماعي يقبل حالنا ام لا ارجوووكم افيدوووني

 

[ضوء القمر]

رد: تكفون فيدوني

طيب من الي يقرر سنه او دايم الجنه الطبيه او الضمان


---

أكيد اللجنه الطبية

 

[ضوء القمر]

رد: تكفون فيدوني

ارجوووكم افيدوووووووني انا زووجي موظف وراتبه 4الالف مع انه من ذوي الاحتياجات الخاصه وانا بعد وابني كلنا من ذوي الاحتياجات الخاصه لو اقدم علي الضمان الاجتماعي يقبل حالنا ام لا ارجوووكم افيدوووني

أولا أسأل الله لكم الشفاء والسلامة

ثانيا الضمان مايقبل أي حد عنده تأمينات يعني موظف

اذا يتقدمون على المقطوعة الحد المانع للي يعيل 3 ان يكون راتبه أقل من 4 آلاف واذا أكثر مراح يقبلونه

 

[الكياان]

رد: تكفون فيدوني

انا عندي 3سليمين والحمدالله يعني حنا 6افراااد مو3وهل يقبل الله يجزاااك خير

 

[معاند الضيم]

رد: تكفون فيدوني

انا عندي 3سليمين والحمدالله يعني حنا 6افراااد مو3وهل يقبل الله يجزاااك خير

ان شاء الله يقبل
وتقدرون تقدمون طلب استثناء و تشرحون في الخطاب ظروفكم واذا عندكم مديونيات مثل ايجار منزل واقساط تذكروها وتقدموها للمدير ويرفعها لكم للوزارة

وبالعادة مثل هالحالات يتم قبولها


اموركم طيبه وبالتوفيق يارب

 

[الكياان]

رد: تكفون فيدوني

مشكوور اخوووي معاىد الضيم وضوء القمر والله يسسسعدكم والله يوفقكم

 

[عبير الروقي]

رد: تكفون فيدوني

السلام عليكم ورحمه الله وبركاته لوسمحتو ابي اسالكم اخوي عمره اربعين سنه لاهو موظف ولا غيره اشتغل بشركه سعوده له سنه والان يبي يقدم ع الضمان هل يقبل في الضمان


---

 

[ضوء القمر]

رد: تكفون فيدوني

السلام عليكم ورحمه الله وبركاته لوسمحتو ابي اسالكم اخوي عمره اربعين سنه لاهو موظف ولا غيره اشتغل بشركه سعوده له سنه والان يبي يقدم ع الضمان هل يقبل في الضمان


---

وعليكم السلام

أخوك مسجل في التأمينات ؟؟
اذا مسجل مايعطونك الضمان وهل هو متزوج وعنده عيال اذا الراتب مو معدي الحد المانع يقدر يقدم على المقطوعة بس

أذا مو مسجل في التأمينات يقدر يسجل في الضمان

ايش معاه اخوك هل هو معاق او مريض على حسب