تكفون ياأخواني أحد يفيدني!!

[التفاؤل والأمل]

السلام عليكم ورحمة الله وبركاته
أنا قدمت برقية قبل كم شهر أطلب فيها سيارة فان وأخذت من الموظف رقم البرقية وبعد مدة جاء رجال قالي أعطيني رقم البرقية أخدمك فيها بالديوان وأخذ مني أوراق وثبوتيات لي وقبل يومين يقولي شيكي على الحساب ممكن تنزل لك فلوس وتراني بأخذ النص...

وش رايكم لو جاتني فلوس أعطيه نص المبلغ والله أني محتارة وخايفة من الأستغلال فيدوني كيف أتصرف؟!
وهل صحيح تصرف مبالغ مالية ولا سيارات !!

وجزاكم الله عني الجنة..
أختكم التفاؤل والأمل..​

 

[ابو حاتم]

رد: تكفون ياأخواني أحد يفيدني!!

هذا الرجل؟؟؟؟؟

هل هوا قريب لكي؟
هل كان بينكما اتفاااق قبل ماياخذ الاوراق؟؟
هل حالته الماديه ممتازه؟؟

 

[التفاؤل والأمل]

رد: تكفون ياأخواني أحد يفيدني!!

هذا الرجل؟؟؟؟؟

هل هوا قريب لكي؟
هل كان بينكما اتفاااق قبل ماياخذ الاوراق؟؟
هل حالته الماديه ممتازه؟؟

هو أخو جارتي وقال أنا رايح أراجع بأوراق له بالديوان وأخذ رقم برقيتي عساس يراجع فيها وما كان بينى أي أتفاق مجرد خدمة بيقدمها وما قال أبغى فلوس ولا شيئ..
وبالنسبة لحالته المادية ما أعرف عنه آي شيئ!!​

 

[هيلين]

رد: تكفون ياأخواني أحد يفيدني!!

آآآممممم ...
الله يعطيه العافيه القصد من هالعباره
أنه ع البركه والحمدلله ..

أذا م خاب ظني أن شالله هذا قصده ..

الله يوفقك يختي ويبارك لكِ فيهم ..

..

.

 

[المتفائل]

رد: تكفون ياأخواني أحد يفيدني!!

[align=center]وعليكم السلام ورحمة الله وبركاته
حياك الله اختي
موضوع البرقيات للديوان الملكي الخاصة بطلب
سيارةاظن بنبله ونشرب ماه لا المقدمين طلب من
سنين ولا الجدد انا لي معامله من خمس سنوات قبل
اسبوع اخذت رقمها من الديوان الملكي صدرت قبل
5 سنوات لوزارة المالية ومن وزارة المالية صدر
ملف يحوي اكثر من 300 معاملة للمعاقين ايضا
لوزارة الشؤون الاجتماعية ومن الشؤون ايضا صدر
الملف ورجع للديوان الملكي قبل 5 سنوات الفارق
اسبوع بس بين تنقل المعامله والملف
صارة معاملات المعاقين في حلقة دائرية
عجزت تلقى مخرج مدري صارت كورة

انا اليوم بوزارة الشؤون الاجتماعية
وسألت عن كيفية التقديم هل ترسل برقية للديوان
حسب ماسمعة اذني انه سوف يعمم على جميع
مراكز التاهيل ان يقوموا بتسجيل المعاقين
لديهم والكشف عليهم وعمل تقرير طبي
هذا ممكن بعد شهرين يعني ماحولكم شيء
لكن لن تصدر شيكات للمعاقين فقط سيارات
الا اذا هذا الرجل عنده ظهر مافي شيء غريب
بس حرام ياخذ نص المبلغ
ننتظر كم شهر ونشوف عن هالوزارة
غفر الله ذنبك ورزقك من واسع فضله اختي
[/align]

 

[قاهر اليأس]

رد: تكفون ياأخواني أحد يفيدني!!

اقول الفلوس اذا نزلت بحسابك لا يشوف منها ولا فلس ليه ماقالك من الاول ع هذه الشى انه يبغى فلوس هذى حلالك انتى من الدوله محد مشاركك فيها اذا بغيتى تعطينه مبلغ بسيط على شان راكض بالمعامله عطيه 500 ريال الف ريال اذا المبلغ كبير بعد وبس

 

[خالد الجوف]

رد: تكفون ياأخواني أحد يفيدني!!

[align=right]مافية احد قدم بطلب سيارة واعطوة فلوس
واذا صحيح وافقوا اذا سعي فيها هو
والعاملين عليها [/align]

 

[ابو حاتم]

رد: تكفون ياأخواني أحد يفيدني!!

هو أخو جارتي وقال أنا رايح أراجع بأوراق له بالديوان وأخذ رقم برقيتي عساس يراجع فيها وما كان بينى أي أتفاق مجرد خدمة بيقدمها وما قال أبغى فلوس ولا شيئ..
وبالنسبة لحالته المادية ما أعرف عنه آي شيئ!!​

فيه مثل يقول اللي اوله شرط اخره نووور
دام مابينكم اتفاااق يهبى ماياخذ ولا هلله
ولو اني مكانك مابعطيه

 

[التفاؤل والأمل]

رد: تكفون ياأخواني أحد يفيدني!!

[align=center]
جزاكم الله خير
والله ماقصرتم وربي لايحرمني من المنتدى الغالي..
[/align]