تخليني كذا وحدي حزين وخاطري مكسور

[الفرحان]

تخليني كذا وحدي حزين وخاطري مـكسور
اناديلـك.. واناديلـك.. ولا فـكرت تسمعني

ابد ماجاء على بالي تعاملني بدون شعور
تحسب اني على كيفك تبعثرني وتجمعني

اذا انـك كنت ما تقدر بهالجفا مجبور
امانـــه .. لا تعاودني وصالـك ثم تقطعني

صحيح اني معي جملـــه تلف بخاطري وتدور
وربي ودي انطقها وقلبي ما يطاوعني

وعشان ارتاح بتـكلم بلا احم بلا دستور
تجي سمحــــه تجي عوجــه على اللـه يامعذبني

اذا هلت لـه لغيري وصرت بدنيتـك محشور
تبي الفرقا ولا ودك تواجهني وتوجعني


دخيل اللـه اكشف المستور
وقول ابعد عن دروبي ولاهو شرط تقنعني

وانا بوعدك ما يبقى لظلامـك من شعاعي نور
ابرحل عن سماك ولا ابي حتى توادعني

وابـكتب فوق قلبي مات هالطيب وهو مغدور
وساعتها كنوز الارض واللـه ما ترجعني


انا مابي حياتي ذل ولا ابي عيشتي مقهور
ولا بي غير عزه نفسي بوقت الجد تنفعني

ويـكفي رضا ربي علي من الخطا والزور
ويـكفي غلى ناس برمش العين ترفعني

منقوله​

 

[الحنان كله]

رد: تخليني كذا وحدي حزين وخاطري مكسور

تخليني كذا وحدي حزين وخاطري مـكسور

اناديلـك.. واناديلـك.. ولا فـكرت تسمعني​

ابد ماجاء على بالي تعاملني بدون شعور
تحسب اني على كيفك تبعثرني وتجمعني​

​

​

كلمات رائعة اخوي الفرحان شكرا على النقل المميز