طلب واستفسار

[اسير الكرسي]

السلام عليكم
كيفكم اخواني الاعزاء بخير ان شاء الله حبيت استفسر كيف اتقدم طلب علاج على حسابهم على مستشفي مدينه الامير سلطان للخدمات الانسانيه من لديه الخبرة يوجهني مشكور وجزاكم الله الف خير

 

[المغامر]

رد: طلب واستفسار

حياك الله اخونا الغالي في منتداك وبين اخوانك واخواتك

اخوي بامكانك الاتصال على 969 البرقيات ورفع برقيه للملك او لولي العهد
وتكون محضر

1/ نص البرقيه او الاستعانه بموظف البرقيات على النص

2/ ورقم السجل المدني ويكون اتصالك من هاتفك الخاص بك

وبعدها يعطيك رقم البرقيه ومن ثم عليك المتابعه مع الديوان

ترا ها وانا اخوك يبيلها صبر تخبر ربعنا يومهم بسنه

موفق والله يعينك

تحيتي العطره لك

 

[اسير الكرسي]

رد: طلب واستفسار

يعطيك الف عافيه اخوي على التوجيه شكر لك

 

[مهاوي]

رد: طلب واستفسار

فيه طريقه افضل وهي انك تروح للمدينه نفسها وتفتح ملف وتاخذ موعد مع على حسابك مع اخصائي التاهيل وانصحك تروح لدكتور جيري هو تشيكي وممتاااااااااااااااااااااز طبعآ هذا كله ماراح يكلفك الا150ريال قيمة الكشف وبعد مايقولك الدكتور ان حالتك ممكن قبولها عندهم تطلب منه تقرير بهاالشي لأنهم مايستقبلون بعض الحالات خصوصآ الفتره الأخيره عشان كذا انا نصحتك تروح لدكتور جيري لأنه مره طيب وحبوب المهم اذا عطوك التقرير اللي فيه ان حالتك يمكن علاجها عندهم قدامك ثلاث خيارات اولآ انك تروح للصندوق الخيري اللي بنفس المدينه وهذا تلاقيه في المبنى رقم 4 الدور الأول وتقدم اوراقك وتقريرك وتطلب علاجك على نفقة الأمير سلطان الله يرده بالسلامه وتمسك سرا لين يدقون عليك لأنه زحمه الخيار الثاني انك تاخذ تقاريرك واثباتاتك وتكتب خطاب طلب علاج وتوديه لوزارة الصحه وبالتحديد للهيئات الطبيه وهذولي مكانهم بمستشفى الشميسي والخيار الثالث انك ترسل برقيه لأكثر من جهه ولأصحاب السمو الملكي تطلب فيها اللي تبي او اذا انت تعرف واسطه من هنا ولامن هنا لاتقصر...معليش طولت عليك بس حبيت افيدك بااللي اعرفه لأني تعالجت في مدينة سلطان اكثر من مره

 

[فالح عبدالله الهاجري]

رد: طلب واستفسار

نعم مهاوي اشرحت لك شرح وافي
واخوي المغامر كلامه صح بس تطول المعامله وماعتقد هالايام يتجابون مثل اول

فعليك بكلام الاخت مهاوي

 

[مناوي]

رد: طلب واستفسار

[align=center]
يسلمو ويعطيك العافية يارب..
[/align]

 

[نور]

رد: طلب واستفسار

موفق باذن الله

 

[صقرشمال]

رد: طلب واستفسار

عليك أولآاتصال با مدينة سلطان ويحولوك على صندوق الخيري وتعطيهم بيناتك ومن ثم يتصلوبك ويعطوك موعد عندطبيب وبعدميكتب لك تنويم يرسلوهالأدارة صندوق الخيروتراجعهاهناك .

هذهيه افضل طريقه عليهم رزحمه الله يعينهم