{ طلبتك يمه هاتي لـــي ||عروسة|| .. مالـ هـا رجلين

[الامل المتجدد]

[align=center]

يجينا الفرج بكرا يا بنتي بس .. لا تبكيـــن
انا مااستحمل .. دموعــــــك وهمساتك تبكينـــي

نشف دمعي على خدي يا بنتي من .. ثلاث اسنين
وصارت كل آلامـــــي تعيش .. وتلتحـــم فيني

يا بنتي .. احبسي دمعك دخيلك اكتميه الحين
حرام الدمعة في عينك تعانق ماضي .. سنيني

تعالي واحظني فرحي وقولي للفرح .. اهلين
وخلي حزنك بقلبي دخيلك .. يابعـد عيني

اشوف الدنيا بعيونك واشوف الفرحة بك يا زين
وانا مالي سواك إنتِ وإنتِ شمعة تضويني

علام الهم في قلبك يابنتي ليه .. ماتحكين
ابيك تكسري همك وانا امك قولي حاكيني

يايمـه [ حالتي صعبة ]انا.. والفقر صرنا اخوين
اعيش بظلمة همومي والاقي الهم .. يكويني

معاقة يمه من صغري معاقة تشتكي حق مين
مدام ان البشر تنظر لحالي بعطف يعميني

اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي .. شوفهم زيني

فقيرة حظ يا يمـه وحالي تعمي العينين
من اللي يعشق ويهوى معاقة حظها .. شيني

سألتيني .. وش اتمنى يايمه منيتي شيين
يكون الفرح اولهم بعدها .. تعيش رجليني

انا ودي ومنا عيني يكون لجسمي .. بس رجلين
تساعدني على برك وبرك غايتي وديني

يا ليت الناس ترحمني وترحم .. حالة المسكين
ولا تجلس تناظرلي بنظره تجرح سنيني

تلاقين الفرح .. مظلم ونور الحزن وسط العين
وألاقي الهم والحسرة .. وسمها الوقت بجبيني

معاقة يمه قوليلي علامك .. ساكتة تبكين
كلامي ازعجك ادري وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!

طلبتك يمه هاتي لـــي عروسة مالها رجلين
وابيها تكون في كرسي ( معاقة ) مثلي تبهجني؟؟؟
:

:[/align]

 

[آهة وصمت]

رد: { طلبتك يمه هاتي لـــي ||عروسة|| .. مالـ هـا رجلين

تلاقين الفرح .. مظلم ونور الحزن وسط العين
وألاقي الهم والحسرة .. وسمها الوقت بجبيني

كلمات مفعمة بالصدق

مشاعر صريحة نابعة من قلب حساس وروح شفافة

احاسيس مرهفة صادقة ونبيلة

ولكنها مليئة بالألم والحزن واليأس

 

[صديقة ذوي الإعاقة]

رد: { طلبتك يمه هاتي لـــي ||عروسة|| .. مالـ هـا رجلين

كلمات صادقه اخيتي . أسأل الله بمنه وكرمه أن يرزقك ماتتمنين عليك اخيتي بالدعاء فالدعاء مخ العباده
إن شاء الله .

 

[فالح عبدالله الهاجري]

رد: { طلبتك يمه هاتي لـــي ||عروسة|| .. مالـ هـا رجلين

الله يعطيك العافيه
ابيات مؤثرة وجميلة

 

[الامل المتجدد]

رد: { طلبتك يمه هاتي لـــي ||عروسة|| .. مالـ هـا رجلين

مشكوره اختي بصمة فتاة .......
ويعافيك اخوي فالح

 

[ماجد بن محمد]

رد: { طلبتك يمه هاتي لـــي ||عروسة|| .. مالـ هـا رجلين

ابداااااااااااااااااع

ابدع شي بالعالم

 

[الامل المتجدد]

رد: { طلبتك يمه هاتي لـــي ||عروسة|| .. مالـ هـا رجلين

ابداااااااااااااااااع

ابدع شي بالعالم

وضح وش الابداع فيه

 

[ماجد بن محمد]

رد: { طلبتك يمه هاتي لـــي ||عروسة|| .. مالـ هـا رجلين

والله مدري بس بزيد مشاركاتي هههههههههه زيكم

 

[الامل المتجدد]

رد: { طلبتك يمه هاتي لـــي ||عروسة|| .. مالـ هـا رجلين

والله مدري بس بزيد مشاركاتي هههههههههه زيكم

وانا قلت مشاء الله على الولد ...........
عنده حس وتذوق لشعر
والمغز من الابيات
او ابداااع في الفكره
وان الابيات لامست حجم مشكله يعاني منها المجتمع
واثاريك بتزيد عدد مشاركاتك الله يخالجنا..........

 

[ماجد بن محمد]

رد: { طلبتك يمه هاتي لـــي ||عروسة|| .. مالـ هـا رجلين

امل حرام عليك وشفيك عليك يعني انا ماعندي لاحس ولا ذوق

الله يسامحك

وهالحين مافيه بالمنتدى الا انا اللي يسوي هالحركه ؟؟ 99.9% يسوونها وش معنى وقفت علي انا؟؟

اقول
الله يخا(ر)جنا بس ههههههههههه ترى لو بندور وراك بنلقى انواع الاخطاء الاملائيه .متاكد انك ناجح بالاملاء؟؟؟؟؟؟

 

[الامل المتجدد]

رد: { طلبتك يمه هاتي لـــي ||عروسة|| .. مالـ هـا رجلين

امل حرام عليك وشفيك عليك يعني انا ماعندي لاحس ولا ذوق

الله يسامحك

وهالحين مافيه بالمنتدى الا انا اللي يسوي هالحركه ؟؟ 99.9% يسوونها وش معنى وقفت علي انا؟؟
ههههههههههههههههههه من تتوقع يكون الباقي الوحد من العشره

اقول
الله يخا(ر)جنا بس ههههههههههه ترى لو بندور وراك بنلقى انواع الاخطاء الاملائيه .متاكد انك ناجح بالاملاء؟؟؟؟؟؟

وعلى سالفة الاملاء انا بالنسبه لي على لوحة الكيبورد حدث ولا حرج مفحط مثل تفحيطي بالمؤسسه بالعربيه....... يعني عمري ما دققتوانا داعسه

 

[دانة]

رد: { طلبتك يمه هاتي لـــي ||عروسة|| .. مالـ هـا رجلين

بكيت عن جد لمستي مشاعري رائع ماتكتبي يا أمل

 

[الامل المتجدد]

رد: { طلبتك يمه هاتي لـــي ||عروسة|| .. مالـ هـا رجلين

بكيت عن جد لمستي مشاعري رائع ماتكتبي يا أمل

الاروع اختي دانه هو مرورك وفيض مشاعرك
لكي مني خالص التحايا

 

[الغصن الجريح]

رد: { طلبتك يمه هاتي لـــي ||عروسة|| .. مالـ هـا رجلين

مش معقول اختنا الشقية بالمؤسسة كمان شاعرة
بصراحة اهنيك على قدرتك على التعبير عن المشاعر الجياشة التي نشعر بها
وبصراحة بارجع اقرئها ثانية وثالثة وعاشرة

 

[صديقة ذوي الإعاقة]

رد: { طلبتك يمه هاتي لـــي ||عروسة|| .. مالـ هـا رجلين

هناك دعاء مأثور في طلب الزواج وهو ((( اللهم أني أ سألك بأني أشهد أن لا إله إلا انت الأحد الصمد الذي
لم يلد لم يولد ولم يكن له كفوا أحد للهم أقض حاجتي وأنس وحدتي وفرج كربتي وأجعل لي رفيقاً صالحا كي
نسبحك كثيراً ونذكرك كثيراً فأنت بي بصير يا مجيب المضطر إذا دعاك أحلل عقدتي وآمين روعتي وفرج كربتي . يا إلهي هب لي زوجاً صالحا وأجعل بيننا الموده والرحمة والسكن إنك على كل شيى قدير يامن يقول للشيى كن فيكون للهم اتنا في الدنيا حسنه وفي الآخرة حسنة وقنا عذاب النار رب لاتذرني فردا وأنت خير الوارثين اللهم آ مين )))أدعي أخيتي بهذا الد عاء ولن يخيب الله رجاءك

 

[ابومطلق]

رد: { طلبتك يمه هاتي لـــي ||عروسة|| .. مالـ هـا رجلين

اشوف الدنيا بعيونك واشوف الفرحة بك يا زين
وانا مالي سواك إنتِ وإنتِ شمعة تضويني

نعم مبدعة يالأمل المتجدد نحن نشوف الدنيا بعيون آبنائنا.

بس أختي لاتزعلين مني لاتطولين بالقصيدة القصيدة جميلة ولاكن كل ما تطول أحس أن مستوها في القوة في نزول يعني بدايتك قوية ولاكن كل ماتطول تضعف

 

[al_3sfoora]

رد: { طلبتك يمه هاتي لـــي ||عروسة|| .. مالـ هـا رجلين

قصيدة جدا مؤثرة

(( ماسكه دمعتي غصب عني ... اتخيل ابني في يوم من الايام يقول هاتي لي رجيلن ))

 

[مُعان]

رد: { طلبتك يمه هاتي لـــي ||عروسة|| .. مالـ هـا رجلين

شكرا لهذا النقل اختي الامل المتجدد
تقبلي مروري

 

[دلع شايب]

رد: { طلبتك يمه هاتي لـــي ||عروسة|| .. مالـ هـا رجلين

كلمات جميلة ورائعة جدا
فبارك الله فيك

تحياتي

 

[امال]

رد: { طلبتك يمه هاتي لـــي ||عروسة|| .. مالـ هـا رجلين

تلاقين الفرح .. مظلم ونور الحزن وسط العين
وألاقي الهم والحسرة .. وسمها الوقت بجبيني

معاقة يمه قوليلي علامك .. ساكتة تبكين
كلامي ازعجك ادري وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!

طلبتك يمه هاتي لـــي عروسة مالها رجلين
وابيها تكون في كرسي ( معاقة ) مثلي تبهجني؟؟؟

ابشرك يالامل تاثرت والله واشوى ان امي ميته ولا كان قرتها وماتت بحسرتها

روووووووووووووووووووووووووووووووووووووووووووووووووعه حبيبتي ماعليك الرجال مايتاثرون بسرعه يختي مدري وش بلاهم صارو قساة هههههههههههه اتعب على القسوه انا

يوه شدخلهم بالسالفه الحين ؟؟

يالله حسن الخاتمه بس

مرسي خالص والله نايس احساس

<< رجعت قرت القصيده وماتت ضحك على العروسه المحروله هههههههههههههههههههههه