أتمني تردون علي

[استغفر الله]

السلام عليكم ورحمة الله وبركاته انا ودي ابحث عن وظيفه لو اتوظف هل يقطعون عني الاعانه انا شهادتي ثانويه عامه اكيد بيوظفني ب2000انا يقولون اعانتي 4000 كل 6 شهور 2000للحين ماشفت شي لي شهور مقدمه من شهر1:bye1_339:

 

[عماد عطية]

رد: أتمني تردون علي

وعليكم السلام ورحمة الله وبركاته
اذا الوظيفة اقل من 4000 ريال تطمني مايقطعونها
اما اذا كنتِ مسجلة بالضمان الاجتماعي فالضمان يقطع المعاش عن الموظف بإي راتب كان
وفقكِ الله

 

[قمر]

رد: أتمني تردون علي

ربي يوفقك ويرزقك

 

[نجمة مسافر]

رد: أتمني تردون علي

وعليكم السلام ورحمة الله وبركاته
الله يوفقك ويفتحها عليك دنيا وآخره بس انتبهي يستغلونك تجار السعودة الوهمية

 

[استغفر الله]

رد: أتمني تردون علي

كيف تجار مافهمت تكفين

 

[نجمة مسافر]

رد: أتمني تردون علي

الدوله تشجع الشركات على توظيف السعوديين والراتب مقدم منها من خلال صندوق تنمية الموارد البشريه يتراوح بين 4 و5 الآف وزياده على كذا تقدم لهذي الشركات تسهيلات في أمور كثيره
شغلة التجار من نفس الشركات إنهم يجمعون أكبر قدر من أسامي المتقدمين للوظايف وخصوصاً من ذوي الاحتياجات الخاصه ويشترون أسمائهم برضاهم بمبلغ بسيط 1500 أو 2000 ريال ينطلونه عليهم كل شهر هذا إذا ما تقاسمه معهم الوسيط أو السمسار
وحاله مع الشغل واحد من اثنين يا رايح للشغل وجالس لا شغل ولا مشغله مجرد تمويه قدام أي مسئول في وزارة العمل ممكن يطب فجأه
أو جالس في بيته وكل شهر يجيه الراتب المتفق عليه وكل الاثنين فيهم استلام راتب من غير شغل وهذا حرام
والطامه الكبرى لو اخذوا اسم الشخص من دون رضاه وضافوه في التأمينات والدوله تدفع الراتب كامل وكله في حساب الشركه لا طال المسكين لا الفين ولا غيرها
والمشكله إن إضافته في التأمينات من دون علمه تتسبب في حرمانه من الوظايف الي يتمناها وينتظرها وممكن تحرمه من إعانة الضمان أو التأهيل يعني أضرار متعدده
بعد كل هالأرباح أكيد شغل السعوده الوهميه ماشي على أصوله مادام مافي مراقبه من وزارة العمل ولا في مبادره من المواطن انه يشتكي بعد ما يكتشف نصبهم عليه
في ناس يشتكون لكن قليل والأغلبيه يبون الفكه والسلامه مع إنهم لو بلغوا عنهم بيتم تعويض المتضرر ومعاقبة الشركه وحرمانها من التسهيلات حتى تفكر الف مره قبل ما تكررها مع أي مواطن
يعني مستفيدين على حساب الموظف المسكين الي يبي يتخلص من البطاله
السعوده الوهميه باختصار هي سرقة مال الدوله بالاحتيال والكذب وادعاء المساهمه في توفير الوظايف لأبناء الوطن والحقيقه إنها جنايه وأذيه للمواطن والمواطنه وسلب حقهم الي كفلته لهم الدوله من خلال توظيفهم وحرمانهم من كامل الراتب ومن التدرب على العمل واخذ الخبرات
الي يدري عن هالشي ويستلم راتبه وساكت فهو شريك لهم في الغش والتزوير والبطاله مو سبب وجيه حتى يعرض الانسان نفسه لغضب الله والإثم غير إن فيها رضى بالذل والمهانه وحقه ينوخذ منه وهو ساكت ما يطالب فيه

للي يحب يتأكد انه مسجل في التأمينات
http://www.gosi.gov.sa/portal/web/guest/212
للي يحب يتأكد انه موظف قطاع خاص
http://mol.gov.sa/Services/Inquiry/SaudiEmpInquiry.aspx

 

[الامسك]

رد: أتمني تردون علي

الله يشفيك ويشفى مرضى المسلمين