تنازل عن جميع الحقوق

[لوذان العبد الله]

ورقة تنازل لكل مسئول وقف بطريق الأوامر السامية الكريمة لحقوق المعاقين بالمملكة العربية السعودية ​

وعلى رأسهم وزير الشئون الاجتماعية​

أنا ما جيت أدور خير لا عندك و لا عنده
أنا جيت اتنازل عن جميع أشياء بحقوقي
بعد ماتت أحلامي على أوراقٍ فيها مستنده
أجل وشلون لو ماتت قبل في داخل عروقي
أعزي خاطري و أمسح بقايا دمعتي بيده
و يعزيني على صبري سنين محتمل عوقي
على شيءٍ بغيته أمس و جيت اليوم ما أريده
كرهته ما أبيه بذل و نفسي عزها فوقي
إذا مد البخيل أيده تراها غصب من سيده
تشوف ألوانٍ بوجهه تقل بويه على لوقي
قبل ما أنهي كلامي بس ترى الكرسي على الميده
جلس به شخص من قبلك و راح بغمضة لسوقي
بدأ يشعر بوضعي يوم جت له النار في أيده
تروح أنت و يجي غيرك و أحصل رغبتي وشوقي
خلاص اليوم ما حنا بحاجة حزنه و عيده
عرفنا الدرب والنية و كيف الوضع بحقوقي​

​

لوذان العبد الله ​

 

[وحيد مشعل]

رد: تنازل عن جميع الحقوق

خلاص اليوم ما حنا بحاجة حزنه و عيده
عرفنا الدرب والنية و كيف الوضع بحقوقي

لوذان العبد الله:
سلمت يمينك على هذه الكلمات الرائعة والمعبرة...
لا بد للمعاقين من وقفة جادة لتحصيل حقوقهم.
هناك مقولة انجليزية تقول:
nothing about us with out us.
لا شيء يخصنا ويكون بدوننا..
دمت بخير...

 

[سفير قحطان]

رد: تنازل عن جميع الحقوق

كلمات رائعه لاهنت اخوي والله يكتب اللي فيه خير للجميع

 

[الاثير]

رد: تنازل عن جميع الحقوق

سلمت اناملك اخوي بس انا ماني معاك لي متى نتنازل والساكت عن حقه شيطان اخرص يكفي الكثير الي ساكتين ومتنازلين عنه والله ما نتنازل عن شي هو بالاساس حق من حقوقنا والانتنازل عن وطني ونشوف وطن ثاني حسبي الله وهو نعم الوكيل تحياتي لك

 

[لوذان العبد الله]

رد: تنازل عن جميع الحقوق

[align=center]
الشكر للجميع على المرور والمشاركة

[/align]