تقرير الضمان وتقرير التأهيل !!

[مسلمه]

السلام عليكم ورحمة الله وبركاته
اليوم رحت الضمان ورفضوا التقرير الي معي لانه موجه للتاهيل
وعطتني ورقه عشان اجيب لهم تقرير للضمان
المشكله مو هنا المشكله اني لما سالتها عن التقرير وش المعلومات المطلوبه
لان التاهيل كانوا طالبين تاريخ اصابتي بالمرض واسم الدواء الى اخذه وكذا
فقالت لي لزم يكون فيه كل شي عن المرض نحن مو مثل التاهيل ما نعرف وش هو التصلب اللويحي
وش رايكم بكره اذا رحت للطبيب وش المعلومات الي اطلب منه يحطها في التقرير ؟؟​

 

[ضوء القمر]

رد: تقرير الضمان وتقرير التأهيل !!

وعليكم السﻵم

قولي للدكتور ان يكتب تاريخ المرض ويعرفه بشكل مبسط ومفهوم وحاولي يكتب أنك تتألمين وظروفك صعبة وﻵزم تراجعين كل فتره للمستشفى وهكذا....


قدامك الافية وماتشوفين شر ...


حتى انا ماعندي معلومات عن المرض وﻵأدري شنهو هذا المرض ....ماتشوفين شر

 

[مسلمه]

رد: تقرير الضمان وتقرير التأهيل !!

جزاك الله خير يا ضوء القمر رحت المستشفى بس الدكتور ما كان موجود ابروح يوم الربوع احد عنده اضافات ثانية

 

[المزيوونه]

رد: تقرير الضمان وتقرير التأهيل !!

قدامك العافيه ربي يسهل امورك

 

[معاند الضيم]

رد: تقرير الضمان وتقرير التأهيل !!

وعليكم السلام ورحمة الله وبركاته


المرض و اعراضه ومتى بدء معك وهل يستجيب للعلاج ام لا
هل هو مرض وراثي دائم ام مؤقت
هل تحتاجي رعايه خاصه ام علاج خاص ام راحه

كل شئ مهم يصف حالتك وضروري بالنسبة لك يكتب

والله ييسر امرك

 

[مسلمه]

رد: تقرير الضمان وتقرير التأهيل !!

جزاكم الله خير جميعا ما قصرتم وبيض الله وجوهكم

لزلت استقبل الاقترحات الى يوم الربوع

 

[معاند الضيم]

رد: تقرير الضمان وتقرير التأهيل !!

جزاكم الله خير جميعا ما قصرتم وبيض الله وجوهكم

لزلت استقبل الاقترحات الى يوم الربوع

و وجهك ابيض
...
سجلي النقاط المهمة في ورقة
الدكاتره بصراحه ما يعتمد عليهم
لابد تقولين لهم التفاصيل بالشكل المطلوب وقولي الضمان يبغى ان يحتوي التقرير على هذه النقاط وان زدت عليها يا دكتور مافي مانع

اهم شئ لا يصير في التقرير نقص
بالتوفيق يارب

 

[مسلمه]

رد: تقرير الضمان وتقرير التأهيل !!

و وجهك ابيض
...
سجلي النقاط المهمة في ورقة
الدكاتره بصراحه ما يعتمد عليهم
لابد تقولين لهم التفاصيل بالشكل المطلوب وقولي الضمان يبغى ان يحتوي التقرير على هذه النقاط وان زدت عليها يا دكتور مافي مانع

اهم شئ لا يصير في التقرير نقص
بالتوفيق يارب

بدون ما تقول اخي معاند
كاتبتها عندي لانه احرجني المره الي راحت لما خذت تقرير للتاهيل
قال وش تبغيني اكتب فى التقرير قلت مدري

 

[مسلمه]

رد: تقرير الضمان وتقرير التأهيل !!

up

 

[مسلمه]

رد: تقرير الضمان وتقرير التأهيل !!

وش رائيكم في هذي القائمه ضروري بكره باخذ التقرير

1- تعريف مبسط بالمر ض واعراضه
2-تاريخ الاصابه بالمرض
3-هل المرض قابل للعلاج
4-اسم الدواء المستخدم
5-هل تحتاج الى مراجعه مستمره للعياده
6-الاثار التي تركها المرض (انا عندي ضعف في يدي ورجلي اليمين بسبب المرض ماني عارفه وش التعبر المناسب الي اكتبه )