اتصلوا علي التأهيل الشامل

[راعي العليا]

امس اتصلوا علي التاهيل الشامل وطلبوا صورة من دفتر العائلة علما بانني مقدم منذ سنتين وطالع لي رقم مستفيد من عندة معلومة يفيدنا
معقولة مضييعين صورة الدفتر ولية بهذا الوقت بالذات على كذا ننتظر معقولة سنتين ثانيات علما بان كان معاي مجموعة كبيرة نفس وضعي طلبوا منهم صورة دفتر
والموظف سئلتة قالي الوزارة طالبينة على كذا متى يرفع للوزارة ومتى الموظف يكمل اللي ناقصة ومتى ومتى ومتى الله لايجزاهم بالخير

 

[احساس طفله]

رد: اتصلوا علي التأهيل الشامل

لاتستعجل بالحكم يمكن طالبين عشان شي تاني او يتأكدون ..

 

[عيسى محمد]

رد: اتصلوا علي التأهيل الشامل

حياك الله وبياك ياراعي العليا

والله ياخوك اليوم كلآ يتصرف على كيفه مادام الوزاره ماسكها ابن عثيمين
مخلي الدرعا ترعا ومن امن العقوبه اساء الادب سنتين وانت بدون راتب تأهيل
انا اخذت ثلاث سنوات مراجعات ولكن ابشر بالخير الايام القادمه ان شاءالله فيه
تحسن ويمكن ياخذون صورة الكرت ويعطونك بطاقة الصراف

 

[احساس طفله]

رد: اتصلوا علي التأهيل الشامل

ماينفع فيه لازم الواحد يتحرك ووويقدم شكوى ضدهم الملم ماقصر امر ليش مايتم التنفيذ بشكل سريع لالا لازم نشكيهم عشان يتعدلوون

 

[مروا]

رد: اتصلوا علي التأهيل الشامل

اخي راعي العليا اذا معك رقم المستفيد هذا معناه انهم قبلوك وانشاء الله ان بطايقنا ما تتاخر اكثر من كذا وهذا ارابط للاستعلام عن بطاقتك وبتوفيق ..
http://mosa.gov.sa/portal/modules/query/e3nh.php

 

[مناوي]

رد: اتصلوا علي التأهيل الشامل

يعطيك العافية
يسلمووووووووووو

 

[أم مشآري]

رد: اتصلوا علي التأهيل الشامل

[align=center]الله يكون بعوونكم [/align]

 

[ام خالد]

رد: اتصلوا علي التأهيل الشامل

اعتقد اجراء روتيني

وباذن الله تنزلك قريب الاعانة

.......

 

[الضحاك]

رد: اتصلوا علي التأهيل الشامل

الله اعلم لكن اظن اظن ان موعد صرف بطاقتك قد جاء .. والله اعلم .. الحذية ياراع العليا ..

 

[قاهر اليأس]

رد: اتصلوا علي التأهيل الشامل

اله يسهل امرك وامر الاخوان ان شاء الله

 

[جوانا]

رد: اتصلوا علي التأهيل الشامل

يـؤ سنتيــن !!
وانا افكر اقدم عليهم احسبها من شهر لشهرين بالكثير
من جد تحطمت

الله يعجلك برزقك ان شاء الله ويباركلك فيه