توني جايه من الضمان الاجتماعي ( بخصوص المقطوعه)

[امانه]

السلام عليكم: حبيت افيدكم
انا توني جايه من مكتب الضمان الاجتماعي بالرياض..
رحت قدمت المساعده المقطوعه . علماً انني مطلقه ( بدون اولاد) ويتيمه .
واستلم راتب تقاعدي من الوالد رحمه الله (700) وينزلي من الضمان الاجتماعي (800) المجموع 1500 ريال شهريا ...
الاوراق الي اطلبوها صورة من بطاقة الاحوال الشخصيه والاصل منها ..
وصوره من بطاقة الصراف ( الخضراء) والاصل منها..
يوم رحت عند الموظفه خذت الاصل وطقطقت بالكمبيوتر وسالتني تاخذين راتب تقاعدي؟؟ انا خفت وقلت لها اي.. بس بصوت واطي مرره .طقطقت شوي بالكمبوتر بعدين قالت خلاص سجلت لك بالمساعده المقطوعه.. قلت لها خذي طيب الصور من الاوراق؟ قالت مايحتاج روحي.. سالتها متى تنزل ؟ قالت والله مادري على حسب يمكن اربع شهور من الان انتي شيكي بالنت..
حبيت افيد اي مطلقه. تروح. تقدم على المساعده وتراها سنويه انا استلمتها قبل سنه وخمس شهور تقريبا والان قدمت،من جديد الله يطلعها على خير ولا يعرقلها شي ياارب..
بس. ودي استفسر هالحين انا استلمت بطاقتي الصراف اول مره بحياني السنه الي فاتت ؟ كيف اعرف انها انتهت؟ او متى بتنتهي؟ مكتوب بالبطاقه ورا
انتهاء 9/13
وش معناته يعني بشهر 9 رمضان هالحين بعداقل من شهرر؟؟
وانا اصلا مطلعتها السنه الي فاتت. زي هالوقت؟؟ معقووله؟؟ احد يبلغني الله يعافيكم بطاقه الصراف كم تقعد وتنتهي؟؟


واسفه ع الاطاله .... جزاكم الله كل خير *

 

[امانه]

رد: توني جايه من الضمان الاجتماعي ( بخصوص المقطوعه)

احد يجاوب على استفسااري. ارجوكم بطاقتي الضمان مكتوب تنتهي
بتاريخ 9/13.
يعني متى ؟ بعد كم؟؟

 

[فهد الخبر]

رد: توني جايه من الضمان الاجتماعي ( بخصوص المقطوعه)

عليكم السلام ورحمة الله وبركاته
التاريخ انجليزى مو عربي
يعنى حنا في شهر
30_6 اليوم
يعنى انتى في شهر 9
طبعنا بكره 1_7
يعنى من بكره باقي 2 شهور و13 يوم
وملاحظه اول متنتهى البطاقه
تحصلينها بالضمان
جاهزه

 

[معاند الضيم]

رد: توني جايه من الضمان الاجتماعي ( بخصوص المقطوعه)

وعليكم السلام

فالك التوفيق يارب
وبخصوص البطاقة مثل ما ذكر لك فهد الخبر
التاريخ بالميلادي

راجعي المركز قبل انتهائها بايام لتستلمي الجديدة

بالتوفيق يارب

 

[ضوء القمر]

رد: توني جايه من الضمان الاجتماعي ( بخصوص المقطوعه)

الله يوفقك أختي أمانه

والأخوان ماقصروا في الإجابه

مع السلامة

 

[هدوء الفجر]

رد: توني جايه من الضمان الاجتماعي ( بخصوص المقطوعه)

اختي
سبحان الله نفس حالتي يوم اقدم ع المقطوعه
وراتبي التقاعد750 واسالتني نفسك وقالت خلاص اتتظري بعد3 او4 اشهر
وانتظرت الى اكثر ولا انزلت رحت اراجع لهم قالت انتي مسجل لك تفاعد تعالي بعد سنتين
لان تاخذينهاتقاعد تعالي اذ صار لك سنتين وقدمي من جديد
وانتظرت حتى صار لي سنتين بتمام وقدمت وقالت بعد 3 شهرين تنزل لك
عشان كذا روحي وتاكدي منهم

والله يوفقك يارب

 

[امانه]

رد: توني جايه من الضمان الاجتماعي ( بخصوص المقطوعه)

اختي
سبحان الله نفس حالتي يوم اقدم ع المقطوعه
وراتبي التقاعد750 واسالتني نفسك وقالت خلاص اتتظري بعد3 او4 اشهر
وانتظرت الى اكثر ولا انزلت رحت اراجع لهم قالت انتي مسجل لك تفاعد تعالي بعد سنتين
لان تاخذينهاتقاعد تعالي اذ صار لك سنتين وقدمي من جديد
وانتظرت حتى صار لي سنتين بتمام وقدمت وقالت بعد 3 شهرين تنزل لك
عشان كذا روحي وتاكدي منهم

والله يوفقك يارب

يالله جاني احباط ؟؟ معقوله الموظفه سجلتني بالمقطوعه وقالت لي سجلتك
وبالاخير تلعب علي؟ ليه طيب كان من البدايه تقولي انتي بعد سنتين. ليه ماقالت لي؟
ليه تعشمني ؟؟ واقسم بالله فرحت؟ بشكل ماتخيلونه قلت الحمدلله طلعو المطلقات (بدون اطفال) كل سنه. وبالاخير كذا؟

ياليت احد من الموظفين يفيدني ؟ اذا الموظفه قبلت اوراقي وقالت انتظري اربع شهور وتنزل المقطوعه؟ ممكن تكون مو صادقه؟ طيب من الاساس تقولي وخلااااص ؟
مااقول الا حسبي الله ونعم الوكيل والله يغنينا من فضله. بهذلونا بما فيه الكفايه.
ذل واهانه اكثر من كذا مافيه..

 

[امانه]

رد: توني جايه من الضمان الاجتماعي ( بخصوص المقطوعه)

عليكم السلام ورحمة الله وبركاته
التاريخ انجليزى مو عربي
يعنى حنا في شهر
30_6 اليوم
يعنى انتى في شهر 9
طبعنا بكره 1_7
يعنى من بكره باقي 2 شهور و13 يوم
وملاحظه اول متنتهى البطاقه
تحصلينها بالضمان
جاهزه

الله يجزاك الجنه ووالديك ويرزقك من فضله وماقصرت. والله يرزق كل من رد علي وساعدني وجاوب ؟ بالرزق الي يتمناه ويوفقكم. وينصركم. ولايحوجكم لاحد يارب..
تشكرااااات

 

[فهد الخبر]

رد: توني جايه من الضمان الاجتماعي ( بخصوص المقطوعه)

لا احباط ولا شي
توكلي على الله
والاموار ان شاء الله تتيسر
هذا رابط الضمان
ادخلى
وحطى رقم السجل
وراح يظهر امامك اذا سجلتك ولا
وهذا الرابط
http://mosa-d-web.mosa-d.gov.sa/NonRegister/Request.aspx
واذا حصلتى انك مسجله مايحتاج تروحي الضمان
يصير شغلك كل بالنت عن طريق الربط
تتابعين
بالتوفيق يارب

 

[الجبل حائل]

رد: توني جايه من الضمان الاجتماعي ( بخصوص المقطوعه)

لا احباط ولا شي
توكلي على الله
والاموار ان شاء الله تتيسر
هذا رابط الضمان
ادخلى
وحطى رقم السجل
وراح يظهر امامك اذا سجلتك ولا
وهذا الرابط
http://mosa-d-web.mosa-d.gov.sa/nonregister/request.aspx
واذا حصلتى انك مسجله مايحتاج تروحي الضمان
يصير شغلك كل بالنت عن طريق الربط
تتابعين
بالتوفيق يارب

صح كلامك يا فهد الخير

 

[امانه]

رد: توني جايه من الضمان الاجتماعي ( بخصوص المقطوعه)

عسى ربي يرزقكم بالرزق الي تتمنونه يالي رديتو علي ويوفقكم دنيا اخرره

 

[امانه]

رد: توني جايه من الضمان الاجتماعي ( بخصوص المقطوعه)

دخلت الرابط الي اعطيتني اياه وطلع لي
تحت الدراسه __ مراجع؟؟
يعني معناتو وافقو عليها خلااااص؟. صح؟؟

 

[الطيف الراحل]

رد: توني جايه من الضمان الاجتماعي ( بخصوص المقطوعه)

ايه وافقو الله يوفقك ويرزقك ان شاء الله ويكتب لك مافيه الخير