عطوني حل كيف ارجع حقي مـن الضمان + الرعاية الاجتماعية

[سحاب]

السلام عليكم ورحمة الله وبركاته

ياخوان تم سحب من حسابي الخاص الضمان الاجتماعي المبلغ كلها هذا الشهر ولم استفيد منه ولا بريال المبلغ 900

وهذا نفسه ما حصل مع حسابي لدي الرعاية الاجتماعية ولكن تم سحب شهرين والمبلغ 1750

سحبت كشف حساب سريع من المكينة ورحت اليوم لمكتب الضمان بزحمة والحر ما استفدت منهم المدير نفسه بعد ما بلغته ماعطاني نتيجة قال رح لشرطة مالنا شغل بمشاكل السحب وغيره واصلا مستحيل تسحب الرصيد بدون بطاقة

لا حول ولا قوة الا بالله يعني هذا اخرتها بعد التعب ما اطلع بنتيجة معهم

وانا ماشي على نصيحة اخونا معاندالزمن

ما خصلت الا بعد الظهر ولا رحت الشرطة

الحين الاشكال وش اسوي عشان اقدر ارجع حقي ماهي معقولة الي يصير والله صرت اسابق المكينة من اول يوم تنزل الاعانة بس عشان لا ينسحب الرصيد

ولا صارت هالمشاكل الا بعد ماقدمت على المساعدة المقطوعة

 

[وتين]

رد: عطوني حل كيف ارجع حقي مـن الضمان + الرعاية الاجتماعية

الله يعينك
من يسووي كذا
حسبي الله ونعم الوكيل

 

[ام المعاقين]

رد: عطوني حل كيف ارجع حقي مـن الضمان + الرعاية الاجتماعية

لاحول ولا قوة الا بالله حسبك الله على من اخذ حقك

 

[حامد حمود]

رد: عطوني حل كيف ارجع حقي مـن الضمان + الرعاية الاجتماعية

عليكم السلام...

يااخوي ياسحاب رح لبنك الراجحي هو يفيدك اذا كان المبلغ مسحوب عن طريق الصرافه او عن طريق البنك...

صدقني مالك حل الا كذا وذا قالولك المبلغ مسحوب عن طريق الصرافه غير الرقم السري....

تحياتي لك....

 

[أم البدر]

رد: عطوني حل كيف ارجع حقي مـن الضمان + الرعاية الاجتماعية

اخوي سحاب الله يفرج همك جرب تطلع بدل فاقد واذا استلمت بطاقتك على طول غير الرقم السري واذا تكرر هالشي اتوقع المشكله من الماليه نفسها ويمكن موضف في الماليه مايخاف الله عارف انك مقدم في التاهيل والضمان -ياليت تراجع وزاره الماليه وتشوف مين اللي يتعبث برواتبك -وانصحك تكلم محامي شاطر وتساله عن موضوعك واشرحله وصدقني راح يساعدك في ايجاد حل لهالموضوع جرب الحلول اللي قلتلك عنها وبشرني -

 

[ابوعزام]

رد: عطوني حل كيف ارجع حقي مـن الضمان + الرعاية الاجتماعية

اخ سحاب ضروري تغير الرقم السري وانشاء الله تنحل مشاكلك .

 

[الاثير]

رد: عطوني حل كيف ارجع حقي مـن الضمان + الرعاية الاجتماعية

يقول المثل خلك مع الكذاب للباب رح للشرطه وقول الكلام الي قاله لك مدير الضمان اذا هو ما قدر يجيب حقك خل الشرطه تجبره يخاطب البنك ويطلب تسجيل الفديو حق الصراف وتعرف منو الي سحب من حسابك لو كان شخص من غير ماتعرف او من داخل الضمان او البنك وربي يوفقك ويطلع حقك

 

[واثق الخطوة]

رد: عطوني حل كيف ارجع حقي مـن الضمان + الرعاية الاجتماعية

السلام عليكم ورحمة الله وبركاته

ياخوان تم سحب من حسابي الخاص الضمان الاجتماعي المبلغ كلها هذا الشهر ولم استفيد منه ولا بريال المبلغ 900

وهذا نفسه ما حصل مع حسابي لدي الرعاية الاجتماعية ولكن تم سحب شهرين والمبلغ 1750

سحبت كشف حساب سريع من المكينة ورحت اليوم لمكتب الضمان بزحمة والحر ما استفدت منهم المدير نفسه بعد ما بلغته ماعطاني نتيجة قال رح لشرطة مالنا شغل بمشاكل السحب وغيره واصلا مستحيل تسحب الرصيد بدون بطاقة

لا حول ولا قوة الا بالله يعني هذا اخرتها بعد التعب ما اطلع بنتيجة معهم

وانا ماشي على نصيحة اخونا معاندالزمن

ما خصلت الا بعد الظهر ولا رحت الشرطة

الحين الاشكال وش اسوي عشان اقدر ارجع حقي ماهي معقولة الي يصير والله صرت اسابق المكينة من اول يوم تنزل الاعانة بس عشان لا ينسحب الرصيد

ولا صارت هالمشاكل الا بعد ماقدمت على المساعدة المقطوعة

اخي الفاضل كان الله في عونك ولكن كان من المفروض ان الضمان يخاطب البنك ويطلب افادة
ولكن خلك معهم بالكلام وروح للبنك!!
وعرف بنفسك ومعك الاثبات وبطاقة الصراف واطلب معرفه كيف انسحب المبلغ من حسابك
هل هو عن طريق بطاقة الصراف او عن طريق البنك وتم استرجاعه لحساب الضمان
الله يعينك ولكن لاتسكت عن حقك وصاحب الحاجه لازم يتعب
وبعدين بيني وبينك انت تقول انسحب من حسابك بالضمان ومن التأهيل
يعني لو حساب واحد قلنا ممكن تحصل لكن من حسابين مختلفين الموضوع فيه شك
تأكد من اللي حولك يمكن احد ساحب من غير علمك ترى احيانا تحصل..




​

 

[قاهر اليأس]

رد: عطوني حل كيف ارجع حقي مـن الضمان + الرعاية الاجتماعية

ياخى اشتك بقوه عليهم خل يخاطبون البنك نفس ماقالك معاند الزمن .. بعدين نصيحه يا اخوان لحد يحط رقم حسابه او رقمه المدنى يمكن هذولا الى مايخافون الله يسحبون فلوسكم من خلال رقم حساباتكم او معاملاتكم يدخلون المنتدى ويقرون ارقامكم .. حسبي الله ونعم الوكيل

 

[أماني]

رد: عطوني حل كيف ارجع حقي مـن الضمان + الرعاية الاجتماعية

[align=center]
الله يعينك ويسهل امورك
[/align]

 

[ابن طيبه الطيبه]

رد: عطوني حل كيف ارجع حقي مـن الضمان + الرعاية الاجتماعية

اخوي روح لبنك الراجحي وانشاء الله يفيدونك لان البنك هو المسؤول عن الحسابات

 

[أنثى حالمه]

رد: عطوني حل كيف ارجع حقي مـن الضمان + الرعاية الاجتماعية


أنا سمعت أنه الضمان الأجتماعي والتأهيل إذا ما سحبت الأعانة خلال أسبوعين


أنهم يسترجعونها للمصلحة الجهات المعنية



هل هذا الكلام صحيح


طيب واللي وده أنه يسحب حاجته من المبلغ ويترك الباقي في الحساب حتى يحافظ عليه



أنني أتسأل فهل أحصل إجابة

 

[ناصر]

رد: عطوني حل كيف ارجع حقي مـن الضمان + الرعاية الاجتماعية

أخوي راجع البنك قبل اي شي واستفسر منهم
الله يعينك ويعوضك بحقك عاجلا غير اجل يارب

 

[سحاب]

رد: عطوني حل كيف ارجع حقي مـن الضمان + الرعاية الاجتماعية

بارك الله بكم

امس ماحصلت سنع عند البنك

على كلامهم انه الحساب مالهم صلاحية عليه فهو فقط لسحب الرصيد ولا حتى يقدرون يسحبون كشف حساب مفصل له

لما سالت عن كلام مدير الضمان لي قال موظف البنك هذا يصرفك ولا الموضوع هذا بالذات المفروض يكونون مسئولين عنه

واذا فيه تلاعب بالحساب اكيد يكون من الرياض

اعتقد مالي حل الا اقدم شكوى للامارة

 

[أم البدر]

رد: عطوني حل كيف ارجع حقي مـن الضمان + الرعاية الاجتماعية

توكل على الله وقدم شكوى للاماره وراح يرسلون خطاب للبنك وللضمان ابوي كان عنده مشكله مع البنك وشكاهم وصار مدير البنك يترجاه ..
دعواتي لك -