توقفت الإعانه والسبب ...؟!

[وحيده بالدنيا]

بسم الله الرحمن الرحيم
السلام عليكم ورحمة الله وبركاته
انا مصابه بمرض الذئبه الحمراء من 32 سنه وبسبب هالمرض اصبت بالتهاب في الكلى وجاني هشاشة بالعظام وصار عندي صعوبه في المشي وجبت تقرير واضفته وبعد شهر ردوا علي في الموقع بأنه تم توقف الإعانه بسبب ان مرض الذئبه الحمراء مو من الامراض اللي تشملها الإعانه ..
وش الحل الحين ارشدوني يعني اجيب تقرير ثاني واقدم من جديد والا كيف وربي محتاره ماني عارفه وش اسوي انا بامس الحاجه للمساعده نظرا لظروفي الصعبه .

 

[ضوء القمر]

رد: توقفت الإعانه والسبب ...؟!

الله يفرجها عليك يارب ويرزقك من حيث لاتحتسبي

حاولي تغيرين المرض الأساسي من الذئبة الى مرض تعانين منه ويكون مشمول بالإعانة

مثلا هشاشة العظام تخلينه المرض الرئيسي اذا كان له إعانة وهكذا

الله يشافيكي ويعافيكي وجميع مرضى المسلمين

 

[ضوء القمر]

رد: توقفت الإعانه والسبب ...؟!

واذا جبتي تقريرمعتمد بعدم القدرة على المشي ضغطي على أيقونة الإعتراض وارفقيه من جديد بس تأكدي أول اذا كان مشمول بالإعانة وربي يوفقتس ويحميتس ويرزقتس من واسع فضله

 

[وحيده بالدنيا]

رد: توقفت الإعانه والسبب ...؟!

الله يجزاك خير ع ردك ودعاءك اللهم آمين الله يشفي كل مريض ويعافي كل مبتلى
بس هم كاتبين في الموقع الذئبه الحمراء كيف اغيره يعني اجيب تقرير من جديد واقدم من جديد والا كيف ..؟؟

 

[ضوء القمر]

رد: توقفت الإعانه والسبب ...؟!

الله يجزاك خير ع ردك ودعاءك اللهم آمين الله يشفي كل مريض ويعافي كل مبتلى
بس هم كاتبين في الموقع الذئبه الحمراء كيف اغيره يعني اجيب تقرير من جديد واقدم من جديد والا كيف ..؟؟

عن طريق الإعتراض في الموقع بس قبل لازم تتأكدين من المرض هل يشمله الإعانه أو لا وتطلبين تقرير من طبيبك المختص ومعتمد وتفهمينه ان هالمرض ماله إعانه وأبي يكون المرض الثاني هو الأساسي مثلا عدم القدرة على المشي

اتمنى افدتك وإن شاء الله بقية الأعضاء يفيدونك ءكثر

بالتوفيق اختي العزيزة

 

[وحيده بالدنيا]

رد: توقفت الإعانه والسبب ...؟!

الله يجزاك خير ويكتب اجرك يارب
ان شاء الله بحاول اسوي زي ما قلت والله يكتب اللي فيه الخير .

 

[ضوء القمر]

رد: توقفت الإعانه والسبب ...؟!

الله يوفقك وإن شاء الله تمشي لك الإعانة ولاتنسين تخبرينا شصار معاك عشان الكل يستفيد من تجربتك

 

[وحيده بالدنيا]

رد: توقفت الإعانه والسبب ...؟!

اللهم آمين ...الله يوفق الجميع
ان شاء الله اخبركم باللي يصير معاي .