اشعارات

ودي اموت

جبرني الوقت

جبرني الوقت

New member
ودي اموت اليوم وارجع واعيش باكر من جديد
لجل اعرف من هو على الود صادق
ومن هو بعد موتي بطعنات الغدر بيزيد
ومن هو تمنى ان عمري باقي مديد


ودي اموت اليوم واعيش باكر
وأشوف من هو بعد موتي فقدني
ومن هو حملني لين ذيك المقابر
وأشكر انا كل من كرمني ودفني
واشوف يرثيني انا كم شاعر
ومن هو تركني وماكتب شي عني
شخص تعنالي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من اهلي فالعزا كان حاضر
ومن هو دعالي في صلاته ورحمني
ومن هو بنا بأسمي سبيل ومنابر
ومن هو يفز قلبه إلا من لمحني
ومن هو عشاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر
وأن شاف صوره لي مات وحضني
يالله عسى ماتخفى كل المشاعر
ويالله عسى ماينصدم يوم ظني
خايف يروح العمر واكون خاسر
وأن طار طيري مايفيد التمني
وخايف يجيني وقت اكسر خواطر
أن دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لاكن الهم كافر
كل مابغيت افرح يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاظر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر ولكني ماني بشاعر
ودي اموت اليوم وارتاح مني
 
رد: ودي اموت

تسلم الايادي كاتبة القصيده...

بارك الله فيك
 
رد: ودي اموت

أخـوي جـبـرنـي الـوقـت
يـعـطـيـك الـعـافـيـة علـى الـقـصـيـدة
الــرائـعــة
وكـمـا عـودتـنـا مـتـمـيـز دائـمـاً أخـووي​
 
رد: ودي اموت

صح لسانك وعلا شانك :)
 
يجب تسجيل الدخول أو التسجيل كي تتمكن من الرد هنا.

عودة
أعلى