عواد فارس لا يشق له ثوب هههههههههه

[ليل]

[align=center]بسم الله الرحمن الرحيم

قريباً عند البساطات

مسلس بدوي جديد

المشهد الأول

عواد فارس القبيله الذي لا يشق له ثوب قصدي غبار يمتطي جحشه وينطلق الى الغدير ليسقي جحشه ... فيشاهد مجموعه
بنات يردن على الماء .. (الغدير) فيقول : وش هالزحمه والله لو أنه خباز ...
ثم يرى بينهن سلمى فيدق جوال عواد وقلبه يغني ...
شفتك ولا حطيت عيني بعينك
ويغادر الغدير وسط ضحكات البنات الله يرجهن ...



المشهد الثاني

سلمى تشكي حبها لخويتها مطيعه التي ترد عليها !! اسكتي يا شينه والله مالك غير ولد عمك سالم ...

فترد سلمى عليها : كش عليكي يا دبه لا تحطمين مشاعري !!!!



المشهد الثالث

سالم يتقهوى عند عمه الشيخ ابو سلمى شيخ القبيله ... ويطلب يد بنت عمه سلمى وقرونها !! فيوافق الشيخ
ويخبر سلمى بالخطبه فتغضب سلمى وتقول : يا بابا سالم داشر ويدخن مالبورو أحمر وما معه شهاده كيف اخذه !!!
فيرد عليها ابوها أنثبري ياملا الوجع , مالك إلا ... ولد عمك اولى من الغريب
وبعدين سالم هو فارس القبيله والكل يحبه صحيح أنه ما يكتب مواضيع زينه في المنتديات لكنه شجاع


المشهد الرابع

عواد يقابل سلمى بسوق الحريم ومكان الغزل حق القبيله بجنب الغدير ويتبادل معها هدايا الحب ... أهداها كرتون
تمر وهي أهدته كيس جريش ...
عواد يقول لسلمى : ليش ياعمري منتي حاطه بلوك على ولد عمك سالم !!؟
فترد سلمى عليه وتعلمه بخطبة سالم لها .. فيحزن عواد وتدمع عيناه ( دخل فيها تراب)


فاصل غنائي

سوسووو ياسوووو حبيبي حبسوووووه
حبيبي يبي لمبه ,, من وين اجيب له لمبه
الولد الي يبيع اللمبه حبسوووني وحبسوووووه

دوووه يا دوووه حبيبي جلدوووووه
حبيبي يبي علكه ومن وين اجيب له علكه
والي يبيع العلكه حبسوني وحبسووووووه

عــــــــــــــدنــــــــــــــــــــــــــــــا

اابو سلمى ورجال القبيله مجتمعين في بيت الشيخ يشاهدون برنامج من سيربح المليون
يأتي مصيول راعي القبيله يصرخ : الحلال ياعمي انسرق .. الحلال انسرق...
ويهب الشيخ ورجاله واقفين على حيلهم ويصرخ الشيخ ابو سلمى يقول :ـ
من سيرد الحلال ويربح بنتي سلمى وله ثلاث وسائل مساعده :ـ
_ _ ياخذ بارودتي وحصاني
_ _ او يحذف عصا
_ _ او يتصل على مصيول !!!؟؟
وياقف سالم ويقول ‘‘ انا لها ياعمي ...
وينطلق سالم على حصان الشيخ يبي يلحق بالغزاه ليرد الحلال



المشهد الخامس

الغزاه وهم يمسكون سالم ويصفقونه الين قال بس وياخذون حصانه وبارودته ويخلونه يدقها كعابي
للقبيله .. طلع خرطي !!!
وهنا ينقز عواد ويقول : محد يرد الحلال غيري فيرد الشيخ .. قم بس قم !
وينطلق عواد ويلحق بالغزاه ويطخطخهم كل ابوهم وامهم ويرد الحلال ...!!
يهب يا وجه السعد ... علشان الحنان ... ولا هو من جنبها ..
ما عدا كم عنز ماتن بالطريق من حمى الوادي المتصدع !!!!!


المشهد السادس

يصل عواد مع الحلال للقبيله .. وهو سعيد صالح بفوزه بسلمى ... (بالهدف الذهبي)
وتتم الخطوبه والشبكه( في أبراجها فل) وعمت الفرحه القبيله ويتم تحديد الزواج في
العطله الصيفيه في قاعة جرف ليالي الغنم ...
ويشتري عواد له كم حصان بالتقسيط ويبيعهن كاش حتى يوفر متطلبات العرس وزواجه.....[/align]

 

[آهة وصمت]

رد: عواد فارس لا يشق له ثوب هههههههههه

المشهد الثالث

سالم يتقهوى عند عمه الشيخ ابو سلمى شيخ القبيله ... ويطلب يد بنت عمه سلمى وقرونها !! فيوافق الشيخ
ويخبر سلمى بالخطبه فتغضب سلمى وتقول : يا بابا سالم داشر ويدخن مالبورو أحمر وما معه شهاده كيف اخذه !!!
فيرد عليها ابوها أنثبري ياملا الوجع , مالك إلا ... ولد عمك اولى من الغريب
وبعدين سالم هو فارس القبيله والكل يحبه صحيح أنه ما يكتب مواضيع زينه في المنتديات لكنه شجاع


المشهد الرابع

عواد يقابل سلمى بسوق الحريم ومكان الغزل حق القبيله بجنب الغدير ويتبادل معها هدايا الحب ... أهداها كرتون
تمر وهي أهدته كيس جريش ...
عواد يقول لسلمى : ليش ياعمري منتي حاطه بلوك على ولد عمك سالم !!؟
فترد سلمى عليه وتعلمه بخطبة سالم لها .. فيحزن عواد وتدمع عيناه ( دخل فيها تراب)


ههههههههههههههههههههههههههههههههههههههههههههههههههههههههههههههه
مارلبورو اجل هاااااه

كرتون تمر . كيس جريش ...<<<< خوووش فالنتاين عندهم

 

[ليل]

رد: عواد فارس لا يشق له ثوب هههههههههه

[align=center]آهه وصمت[/align]

[align=center]سالم أعرفه كان داشر يدخن القطف عند شبوك الغنم

وترك الدراسه وراح يتوظف ودخل العسكريه وألحين متقاعد

ههههههههههههههههههه[/align]

[align=center] اشكرك على المرور المرح[/align]

 

[مُعان]

رد: عواد فارس لا يشق له ثوب هههههههههه

[align=center]تسلم الايادي اخوي ليل
كذا المسلسلات ولا بلاش
هههههههههه
سيناريو نجدي بديع
تقبل مروري أخي ليل مع باقة من وردي[/align]

 

[الامل المتجدد]

رد: عواد فارس لا يشق له ثوب هههههههههه

ههههههههه
الله يرج سوالفك
تصدق لو تعرضه على الفناة الاولى عشان ينافسون مسلسلات رمضان اصرف والله تدخل مكسب
وعشان يكون الفلم جاهز خذ الخلفيه هديه

 

[الحياة]

رد: عواد فارس لا يشق له ثوب هههههههههه

ههههههههههههه خوش مسلسل

 

[محمد علي المطرب]

رد: عواد فارس لا يشق له ثوب هههههههههه

المشهد السابع (المفاجئه )
الشيخ ينادي عواد تعالى اقرب جنبي والله اني كنت احسب انك هيس اربد من قبل بس اليوم بعد رجوع الحلال عزالاه ماقصرت
عواد جاي نافخ صدره انت ياشيخ اللي معطينا الاشكل والا تراني اعجبك
الشيخ اقرب جاي والله مانتب صاحي احكيلنا وقول كيف رديت الحلال
عواد اسمعو يالوجيه اللي كنها كشفات ملعب استاد الملك فهد يعنى ( منوره) انا دخلة عليهم في عز الظهر عشان ماهو من طبايعي الغدر وهو يتحدث دخلو اللي سرقوا الحلال
رئيس العصابه ( ياعواد يالخسيس معطينى دنانير مزوره مافيها خط سحري)
عواد وش تقول انت انا ماعرفكم وبعدين الدنانير مايجي فيها خط
رئيس العصابه ( اسمعوا انت وياه الزلابه هذا جاء عندنا وقال ابعطيكم 100 الف دينار ذهبيه بس خلوني ارجع الحلال معي ولاشوفكم ولا تشوفونا )
الشيخ وشلون اقول قصر على التلفزيون خلنا نسمع
رئيس العصابه تبي البطل تراه سالم هو اللي هجم علينا لاحاله والحقيقه انه لعب فينا لعب بس ان خيله طاحت في جرف وهو بعد ماكان رابط حزام الامان وطاح وبعدين ماصدقنا خبر وطبينا عليه
الشيخ ( فوش الله وجهك - يعنى يصير وجهك فوشي وتستحي تمشي مع الناس ياعواد ) يالله انقلع من قبيلتنا
عواد لكن ياعمي الشيخ
الشيخ اقولك انقلع ياخي قبيلتي وانا حر اسوي فيهاا اي شي
وانت ياسالم ترى بنتى حليلة لك ومابي منك ولا نتفه
سالم مايصير ياعمي مهر بنتك اجيبه والبنوراما عنده من باشر لا وزيدك من الشعر بيت وارد الجفالي وش تبي بعد
والى لقاء في المشهد الثامن