ودي اموت

[جبرني الوقت]

ودي اموت اليوم وارجع واعيش باكر من جديد
لجل اعرف من هو على الود صادق
ومن هو بعد موتي بطعنات الغدر بيزيد
ومن هو تمنى ان عمري باقي مديد


ودي اموت اليوم واعيش باكر
وأشوف من هو بعد موتي فقدني
ومن هو حملني لين ذيك المقابر
وأشكر انا كل من كرمني ودفني
واشوف يرثيني انا كم شاعر
ومن هو تركني وماكتب شي عني
شخص تعنالي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من اهلي فالعزا كان حاضر
ومن هو دعالي في صلاته ورحمني
ومن هو بنا بأسمي سبيل ومنابر
ومن هو يفز قلبه إلا من لمحني
ومن هو عشاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر
وأن شاف صوره لي مات وحضني
يالله عسى ماتخفى كل المشاعر
ويالله عسى ماينصدم يوم ظني
خايف يروح العمر واكون خاسر
وأن طار طيري مايفيد التمني
وخايف يجيني وقت اكسر خواطر
أن دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لاكن الهم كافر
كل مابغيت افرح يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاظر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر ولكني ماني بشاعر
ودي اموت اليوم وارتاح مني

 

[بدرالسما]

رد: ودي اموت

ررررررررررروعه


مكثور الخير

 

[شروق]

رد: ودي اموت

تسلم الايادي كاتبة القصيده...

بارك الله فيك

 

[بنت قحطان]

رد: ودي اموت

أخـوي جـبـرنـي الـوقـت
يـعـطـيـك الـعـافـيـة علـى الـقـصـيـدة
الــرائـعــة
وكـمـا عـودتـنـا مـتـمـيـز دائـمـاً أخـووي​

 

[ناصر]

رد: ودي اموت

صح لسانك وعلا شانك

 

[عيون الاماكن]

رد: ودي اموت

رائعه من روائع جبرني الوقت
يعطيك الف عافيه وربي يسلم هالايادي
وعساك عالقوه يارب