ولاية على معاق

[فصيل]

بسم الله الرحمن الرحيم
السلام عليكم ورحمة الله وبركاته

..

أخوي عمره فوق 18 .. ولما رحت أصدر له بطاقة من البنك الاهلي و الراجحي قالوا يبون صك ولاية لان بالغ.. وأخوي من شديدي الإعاقة .. فأريد صك ولاية لي أنا "اخوه" .. ماهي الشروط وين مكانهم في الرياض وكذلك لو أبي صك ولاية على أبوي عشان أقوم بمهام القطاع الخاص والقطاع الحكومي .. وجزاكم الله خير واتمنى وضع الموضوع في القسم المناسب ..

 

[العهد]

رد: ولاية على معاق

وعليكم السلام ورحمة الله وبركاته

بالنسبه لولايه اخوك لازم تروح للمحكمه قسم الاحوال الشخصيه وتقولهم انك تبي تقدم طلب ولايه
راح يعطيك ورقه الى المستشفى الي اخوك يراجع فيه علشان يطلب منهم تقرير رسمي بتوقيع اثنين من الاطباء المسلمين
ثم تروح بالورقه للمستشفى وياخذونها منك ويعطونك رقم تدق تشوف اذا خلص التقرير والا
ثم عقبها اذا خلص تاخذه وتروح للمحكمه ومعك اثنين شهود واثنين مزكين
وبعدها يعطونك ورقه الولايه لاخوك
والسلام عليكم ورحمة الله وبركاته

 

[المحتاره]

رد: ولاية على معاق

الشهود يصلح أخوانها


---

 

[جدة ون]

رد: ولاية على معاق

الولابة للوالد ثم للأم ثم للأخ ثم للأخت بتدرج يعفى منها من لا يريدها منهم بموافقه خطية أعتقد عند القاضي

 

[العهد]

رد: ولاية على معاق

اخوانها لايكونو شهود
ولكن قال يكون من المزكين

 

[المحتاره]

رد: ولاية على معاق

العهد مشكور على الرد


---

 

[الصابرة على امر الله]

رد: ولاية على معاق

انا سويتها لبنتي
نفس الكلام تقرير وترفعها للمحكمه وهم يحددوا الموعد مع القاضي
وشهود ومزكيين وشهر وطلعت