ورق عنب حامض بالليمون لا يطوفكم(صور)

[شمس الضحى]

السلام عليكم


وصفتنا اليوم طبق ورق العنب الحامض طبعا أكثرنا يحبه وهذي طريقة مفصله وبالصور نقلتها لكم وأتمنى تدعون لصاحبة الموضوع .

المقادير اللي بالصوره حق برطمان ورق عنب وافضل كاليفورنيا وجيله عيش صن وايت والجيله مالتي العرناص(الاناناس) ادري قديمه شسوي والجيله لاتنقيع ولاشي

1 بصله كبيره مقصص صغار
1طماطه وسط مقصص صغير او صغيره لول مادري
4 فص ثوم مهروس
زيت زيتون مثل الحجم الموجود بطل حجمه اوكي
قلاص عصير ليمون تقريبا 6 الى 7 ليمونات
نص شدة نعناع مقصص صغير
وثلاث ارباع الى شده كامله بقدونس
نص معجون طمام
وبهارتنا لاتخربطون وايد اهم شي ملح وفلفل اسود وهيل مطحون ودارسين مطحون وكاري وكمون فقط







الطريقه

نحط جدر وفيه نص كمية الزيت زيتون لمه يحما نحط البصل والثوم ونقلب شوي

هذي الكميا اللي حطيناها بالجدر ويا البصل

بعدها بخمس دقايق محط الطماط

فوق الطماط البهارات

نخلط عدل لمه البهارات تتجانس عقب نحط نص علبه معجون طماط

نحط فوقهم العيش

وفوق العيش على طول قلاص عصير الليمون

بعد ماحطينا الليمون

طبعا نحط البقدونس والنعناع ونقلبهم يميع

 

[شمس الضحى]

رد: ورق عنب حامض بالليمون لا يطوفكم(صور)

اهني بعد ماخلينا العيش يطبخ شوي ويصك بس ترا العيش اقل من نص استواء تقريبا ربع استواء

وجيكوا على الزيت لمه سويت حفره

الجدر حطينا فيه زيت زيتون شوي وصفينا حلقات طماط عشان جربت احط بطاط بروحها يلصق ويحترق فحطيت طماط والنتيجه 100%

وحطينا البطاط فوقه وشويه ملح على البطاط لايطلع ماصخ وكملنا باجي الزيت اللي باقيلنا

طريقه لف الورق عنب طبا اللمعه تكون بره
اللي على اليمين اهيا تمام

 

[شمس الضحى]

رد: ورق عنب حامض بالليمون لا يطوفكم(صور)

اهني بعد ماخلصت لف طبعا لاتجيكون على الاحجام اللي فوق لاني خلاااااااص بس استسلمت وقمت اسوي شكل وشكل متعوده الخدم يساعدوني والخدم كانوا مشغولين فزين مني انجاز سويته كله بفتره قصيره

نعصر فوقه 3 ليمونااااااات

طبعا زيت مراح نحط لانه حطينا قبل مانصف الورق عنب حطينا الزيت الي بقا من البطل


نحط ماي حار يغطي الورق عنب لاتكثرون ولايصير فوق وايد

نيب صحن فخار ونصكرعلى الورقعنب عشان لايتبطل وقت الطباخ
طبعا قده بالظبط مو اصغر ولا اكبر

اهم شينخليه يطبخ على نار شبه عاليه (وسط) لمده نص ساعه او لمه تحسون الماي صار شوي
عقبها تقصرون على النار وتخلونه يستوي على راحته بعد ماتقصرون بياخذ بعدنص ساعه

يعني الطباخ كله بساعه تقريباااا



وهذا شكله بعد ما استوا وترا لذيذ على ضمانتي والبيت حدهم استانسوا وايد اجازف بالورق عنب واسوي واسوي وبالاخير هذا اللي ضبطت واعتمدته جربوه وادعووووووووووولي


نسيت اقولكم ترا اول مانجبته حلوه هذي نجبته خخخخخخخ حلو ومافينا صبر ناكله واهوا حار ونطرنا شوي لمه برد طلع احلى نصيحه نطروه لمه يبرد واقصفو ارض ارض خخخخخخ حيل ناطع وذااااااايب
وترا ينحط بالثلاجه يوم يومين ثلاث ويونكل حار

 

[زهرة الياسمين]

رد: ورق عنب حامض بالليمون لا يطوفكم(صور)

ورق العنب من الأكلات المفضله عندي
شهيتني لها اختي
شكرا على الموضوع الرائع

 

[شمس الضحى]

رد: ورق عنب حامض بالليمون لا يطوفكم(صور)

بالعافية عليج ياعزيزتي

 

[أم الغالين]

رد: ورق عنب حامض بالليمون لا يطوفكم(صور)

الله يعطيك العافيه خيتو يم يم يم حمودى وايد يحب الورق العنب

 

[شمس الضحى]

رد: ورق عنب حامض بالليمون لا يطوفكم(صور)

واي فديت اللي يحبون الورق عنب ياليتج يمي جان أسوي للغالي حمودي اهو بس يأشر.

 

[الحنان كله]

رد: ورق عنب حامض بالليمون لا يطوفكم(صور)

شكله مررررررررررررره شهي يسلمووووو

 

[شمس الضحى]

رد: ورق عنب حامض بالليمون لا يطوفكم(صور)

الله يسلمج وبالعافية عليكم