وصول البطاقات للقطيف

[التقوى]

السلام عليكم ورحمة الله وبركاتة: لقد تم الاتصال اليوم على التاهيل بالقطيف وافاد الموظف بان البطاقات وصلت والتوزيع يوم السبت بما فيها 24أ

 

[مضايقه]

رد: وصول البطاقات للقطيف

جزاك الله خير

 

[محمد أبو مصطفى]

رد: وصول البطاقات للقطيف

كلام صحيح وهذا اليوم السبت 7 / 4 التسليم

 

[ترنيمة الم]

رد: وصول البطاقات للقطيف

السلام ..
في احد استلم بطاقته (القطيف)؟!

 

[شاهد]

رد: وصول البطاقات للقطيف

ياخدو خمسين رقم يوميا فقط ؟!!

صار لهم سنتين سوالف وقهوه ومستكثرين يشتغلو اسبوعين زي الناس عشان يخلصو قوائم الانتظار

لو قلنا دوامهم الى الساعه 12 مو الى الساعه 2:30

يعني خمس ساعات

يعني ساعه يمشو فيها عشر اشخاص فقط

وش الاجراءات

تسليم بطاقه وتفعيلها

عجبي

 

[ترنيمة الم]

رد: وصول البطاقات للقطيف

الله يعين عليهم
ناس ما ادري وين ظميرها ما ادري كيف يهون عليهم و كيف هالبشر يحللوا رواتبهم والله حاله
انزين اخوي الساعه كم يبدأ دوامهم؟؟ بمعنى الساعه كم يوزعوا الارقام ؟؟ الله يصبر قلبنا عليهم

 

[حمزة محمد المقعدي]

رد: وصول البطاقات للقطيف

الله يسهل اموركم

 

[شاهد]

رد: وصول البطاقات للقطيف

حاولي الحضور الساعه 6:30

والبسي ثقيل عشان المدازز

ولا مابتاخذي رقم

 

[ترنيمة الم]

رد: وصول البطاقات للقطيف

:sad::sad::sad::sad:

 

[محمد أبو مصطفى]

رد: وصول البطاقات للقطيف

هم لو دوامهم الساعه 7 ونصف ماراح يستلمون قبل ال 8 غير أخلاقهم وكأن المراجع يطلب منهم صدقه أو بيناصفهم رواتبهم غير أخلاقهم

الله يخلف وأنفسهم وتلاقي البعض منهم يتكلم من ورا خشمه والبعض منهم يستفبل المراجع بالبركه يعرفه تلاقيه يبتسم له شاق وجهه من تلك

الإبتسامه ، مايعرفه كلمه كلمتين ويالله مع السلامه .

 

[بقايا أمل]

رد: وصول البطاقات للقطيف

توني اتصلت وقالت لي الموظفه اجي بكره من 6 ونص عشان اخذ رقم

وقالت ان خلاص اليوم خلصو 100 حاله مع ان باقي وقت على دوامهم المفروض يستوعبون حالات اكثر

انا ماقدر اروح في الوقت هذا لاني ادرس وما ارجع الا 11 ونص كيف يمديني استلم ...

وابي اسالهم اذا تقدر امي تجيهم تستلم بدالي بس مايردون على التلفون او كل مشغوول