وظائف بدون عمل للجادين

[احمد السعود]

[align=center][/align]السلام عليكم ورحمة الله وبركاته
اخواني الي يبي وظائف بدون عمل براتب 1500شهريا
الهدف مو استغلال او شي ثاني الهدف مساعدة الناس ليساعدو انفسهم
والجميع مستفيد

والله يوفق الجميع

 

[احمد السعود]

رد: وظائف بدون عمل للجادين

[align=center][/align]معليش نسيت بس المهتم يرسلي رقم جواله

 

[احمد السعود]

رد: وظائف بدون عمل للجادين

وهذا الايميل حقي يراسلني عليه
حذف الايميل من قبل الادارة

 

[احمد زايد]

رد: وظائف بدون عمل للجادين

الاخ احمد
هذا استغلال عيني عينك اسمح لي

فهمني كيف وظيفة بدون عمل ؟؟؟؟
الشغله فيها استغلال واضح لسعودة وهمية

ولو سمحت اخي يمنع وضع اي وسيلة اتصال ايميل او جوال او ارقام هواتف دون اذن الادارة

 

[مستفسر]

رد: وظائف بدون عمل للجادين

هل هي للرجال او للنساء

وثانياً اخي الكريم اعرف كذا شخص ويستلمون راتب الفين والفين واشوي وبدون دوام ليش عندك الراتب بــ 1500ريال قليل الراتب ياخوك
بارك الله فيك لو تزودونه اشوي تعرفون الغلاء المعيشي
والان بمكتب العمل النظام الراتب 3000ريال.

 

[سعود]

رد: وظائف بدون عمل للجادين

يا ادارة الموقع والله اعرف معاقين على الله وعلى الضمان والتاهيل
كلمتهم عن هذي الوظائف فرحو كثيرا وقالو يا ليت تشوفلنا وظيفة

..تبي تقولي استغلال ؟؟؟ خلهم يستفيدون والمعاق يستفيد

 

[همس الحياه]

رد: وظائف بدون عمل للجادين

[align=center]
يا جماعه اسألوا عن حكم الوظائف اللي بدون دوام !!
يعني يرضى واحد ياكل حرام يعني وظائف عن بعد وفيها شغل عن طريق النت
معقوله ، اما غير كذا والله ما ارضى ادخل ريال حرام حتى لو الراتب 3000
انا ما اعرف الحكم ولا اقول هي حلال او حرام بس ياليت واحد يسأل احد المشايخ
عن حكم مثل هذه الوظائف ويفيدنا بالخبر الاكيد ..
المعذره منكم
[/align]

 

[سعود]

رد: وظائف بدون عمل للجادين

حلال يا الغاليه
انا شخصيا سائل شيخ يقول اذا الطرفين راضي حلال

 

[احمد السعود]

رد: وظائف بدون عمل للجادين

يااااخواني من ناحية الحلال والحرام
مثل ماقال اخوي سعود
ومن ناحية الاستغلال اي استغلال والشخص جالس في بيتهم وياخذ فلوس وهو نايم
واذا لقى وظيفه يعطونه اكثر يستقيل محد يجبره يجلس اما اخيرا وليس اخرا
بالنسبه للايميل كيف نتواصل مع الناس وانتم موقفين خدمة الرسايل الخاصة

 

[همس الحياه]

رد: وظائف بدون عمل للجادين

[align=center]
الاخ احمد السعود ..
يمكن التواصل مع الادارة عن طريق الضغط ع الاتصال بنا
وتوضيح نوعية الوظائف التي تود طرحها
هنا الادارة مانعه الرسائل الخاصة وكذلك وضع ايميلات
حرصا منهم وفقهم الله في استخدامها السيء
لا نتهم احد لكن هذه انظمه ولا بد من الالتزام بها
راسل الاداره وهم يعملوا اللازم ..
[/align]

 

[الامل لا يموت]

رد: وظائف بدون عمل للجادين

هل فيه للبنات ؟

 

[حموده]

رد: وظائف بدون عمل للجادين

المبسوط مش زي الطفران عادي والف برضوة عادي وجميل وشكرا اخ احمد علي الطرح والمساعدة

 

[احمد زايد]

رد: وظائف بدون عمل للجادين

يا ادارة الموقع والله اعرف معاقين على الله وعلى الضمان والتاهيل
كلمتهم عن هذي الوظائف فرحو كثيرا وقالو يا ليت تشوفلنا وظيفة

..تبي تقولي استغلال ؟؟؟ خلهم يستفيدون والمعاق يستفيد

انا راح افهمك كيف استغلال بس ركز شوي

اذا قلنا ان المعاق السعودي يحسب في مكتب العمل عن اربعة سعوديين

واقل راتب للسعودي يكون الف وخمس مية ريال اذا راتب المعاق يجب ان لا يكون اقل من اربعة الاف وخمسمائة ريال
فهمت الحساب ؟؟؟؟؟؟؟
فهمت ليش اقول استغلال
مثل هذي الوظيفة ايش راح تفيد المعاق ؟؟؟ لا راح يتقدم وظيفيا ولا راح يطور من مهاراته ولا راح يزيد راتبه

اما بالناسبة للتواصل عبر الرسائل الخاصه فهو ممنوع بتاتا وهذا يعود لوجهة نظر صاحب الشبكة بعدما رأى من تجاوزات من بعض الاعضاء هداهم الله في استخدام هذه الخدمه والباب اللي يجي منه ريح سده واستريح

اما بخصوص وضع ايميلات او ارقام تواصل فهو ايضا ممنوع لما قد يحصل لبعض الاعضاء من احتيال ونصب خصوصا في جانب التوظيف وعندنا اخت في الشبكة تعرضت لنصب واسمها مازال معلق ىفي مكتب عمل الرياض على انها موظفه رغم انها لم توظف ولم توقع اي عقود

هذا شي الشي الثاني قمنا بافتتاح موقع للتوظيف بامكانك التسجيل فيه وعرض وظائفك الشاغره وستحصل على موظزفين من ذوي الاعاقه ان شاء الله بس رجاء بدون استغلال ياخي خافو الله فينا

 

[أم أحمد عصام]

رد: وظائف بدون عمل للجادين

اذا فيه للبنات انا ابغا

 

[عبدالسلام المدني]

رد: وظائف بدون عمل للجادين

لا توافقوا على هذا الراتب القليل

اقل راتب للمعاق 5000 ريال

انتبهوا من الشركات اللي ماتخاف الله في المعاق وتستغله وتاخذ اسمه عشان مكتب العمل....................................

 

[ابوعبادي]

رد: وظائف بدون عمل للجادين

يالله دلوني على الوظيفه اللي راتبها 5000 والله ثم والله الاسبوع اللي طاف مقدم على وظيفتين واتصالات ومدري كيف وانواع الاهتمام ويوم رحت تعامل بارد وكل شوي حجه واخرتها يوم شافوني جاد قالو انت معاق قلت عطوني فرصه قالو لازم فحص طبي واراتب سبحان الله بقدرة قادر نزل من 3975 مع تغطية التامين والتسجيل بالتامينات وصل ل 2700 ليه مدري ومستعد اقول لكم اسم الشركتين اذا سمحت الاداره لاكن ما اقول الا حسبي الله ونعم الوكيل وياقلب لاتحزن ........... اللي عنده وظيفه انا مستعد الحمد لله عندي سياره خاصه والرخصه موجوده رخصه خاص يعني مثلا اللي عنده مشاوير داخل البلد للجنسين رجال ونساء الاجنبي ماهو باحسن مني واذا الاجنبي ياخذذ مثلا بالشهر مبلغ 1500 او 1300 انا باخذ اقل منه انا احق لاني ولد البلد واعاقتي انا اقوى منها باذن الله واقدر اسوق السياره بكل راحه لان اعاقتي مرضيه وليست مقعده او بتر في احد الاطراف والحمد لله ومستعد لمساعدة اخواتي واخواني اللي ماعندهم وسيلة مواصلات

 

[مثالي]

رد: وظائف بدون عمل للجادين

اخوي .. اشكرك علي المجهوود الطيب منك..

ثـآني شي .. الراتب الي تقول 1500 ريال .. قليــل
شركـآت تعطي.. 2500 و 2000 ريال لا تقول ابي الكل يستفيد

شركتك بعد تبي تستفيد من استغلال السعودة .. وطرح اكثر من شاب كم ذوى الاحتيـآجات . الخاصه وتطرح عليه راتب وقدرة وتستفيد من وجودة بـ 4 اشخآص سعودية

نكون واقعيــن اذا راح يكون 2500 ريال . او 2000 الكل بيوافق غير كذا محد بيوافق

 

[محمد المصري]

رد: وظائف بدون عمل للجادين

يجب ان تكون الجنسيه سعودي
انا مصري حاصل علي مؤهل عالي وارغب في العمل داخل المملكه​

 

[مثالي]

رد: وظائف بدون عمل للجادين

يجب ان تكون الجنسيه سعودي


انا مصري حاصل علي مؤهل عالي وارغب في العمل داخل المملكه​

اخووي محمد الله يرزقك يارب بس سووال اذا ممكن .. انت معـآق ..!!!

او تستلم من التهيـل الشـآمل او الضمـآن الاجتمـآعي

لن كــل الي ب المنتدي معآقيـن.. ويبحثون علي رزقهم اذا مافيك شي روح دور عمل بروح

حناا اولاد البلد ماحصصلانـأإ وظيفه تبي انت تتوظف

 

[همس القطان]

رد: وظائف بدون عمل للجادين

والله انا عن نفسي حصلت لي فرصة وبراتب 3000 ثلاث الاف لكن رفضتها لاني مارضيتها على نفسي لاني قادرة اني اشتغل وواخذ راتبي بتعبي لكن بهالزمن الناس تعبت من الغلاء والوضع السيء بالمعيش يعني ماالومهم لو وافقو على هالشغلات واعرف ناس محتاجة الفلوس وماتقدر تشتغل يعني هالشي يفيدهم والله المستعان