&&&& حــــنــــيـــن &&&&

[الفرحان]

هذه القصيدة لامستْ وجداني فعلاً ..
و هي من أروع و أصدق ما قرأتُ في ( الأم ) ...
ربما لأن الشاعر كتبها في الغربة .. !


مساء العطر..ياأطيب عطور العالم الشرقي
مسا التعتيق بكفوفك..اذا قام الدعا يرقى
/
\
وانا ادري..كل مامر بخيالك طاري لــــ برقي
تغيضين السحاب برحمتك..ودموعك الغرقى
/
\
يايمه..كلّي بلاد..وخفوقي مرّني طرقي
وناديته..ورد الصوت من جور الصدى فرقى
/
\
ياأطهر ام..من جور البعاد..تنوح لك ورقي
وتنزل دمعتي..تتذكرك..ومن الخجل ترقى


يمّه كبرت وصرت فوق الثلاثين
وفي داخلي للحين ريحة عباتك
/
\
يومك تخبيني عن الحسد والعين
وانا آتنفس من عيوني غلاتك
/
\
واخطّ لي شارب..واقول اني الحين:
رجّال يمّه..وابشري بامنياتك
/
\
وان جا ابوي اقول لك..لاتقولين
اخاف يضحك..والاّ بضرب بناتك
/
\
عطفك كسر من رحمته خاطر اللين
وللحين مدري وش مثل طيب ذاتك
/
\
واناامسّي وين!! واتصبّح بــ وين..!!
وقبل لاانام اغنّي باغنياتك
/
\
كل شي تغيّريابعدي للاسف لين
فضّلت اعيش بواقعي ذكرياتك
/
\
يمّه طفل عمري تجاوز ثلاثين
في داخلي للحين ريحة عباتك






حافظ وصاتك..ويقرا (الكهف) يايمّه
في كل جمعة حنين لهرجك الدافي
/
\
طفل ٍ عرف من كفوفك وش هي القمّه
لاذ بظلوعك..يسامر قلبك الصافي




لـ الشاعر المُنهمِر / حمد الضوّي​

 

[بنت قحطان]

رد: &&&& حــــنــــيـــن &&&&

رد: &&&& حــــنــــيـــن &&&&

اخوي الفرحان سلمت على هذا الابداع الدائم والتميز المستمر
قصيدة رائعه واختيار اروع خاصة عن الأم اللي تستأهل اكثر من قصيدة
يعطيك الف عافيه
تقبل مروري

 

[الفرحان]

رد: &&&& حــــنــــيـــن &&&&

رد: &&&& حــــنــــيـــن &&&&

أشكرك أختي بنت قحطان على مرورك الكريم الذي ازداد به متصفحي اشراقاً وكما أشكرك على اطرائك الجميل .... وشكراااااا

 

[زهرة الياسمين]

رد: &&&& حــــنــــيـــن &&&&

رد: &&&& حــــنــــيـــن &&&&

اختيار موفق قصيده رئعه وكلمات معبره

 

[صديقة ذوي الإعاقة]

رد: &&&& حــــنــــيـــن &&&&

رد: &&&& حــــنــــيـــن &&&&

قصيدة جميلة بارك الله فيك .

 

[الفرحان]

رد: &&&& حــــنــــيـــن &&&&

رد: &&&& حــــنــــيـــن &&&&

أشكرك أختي زهرة الياسمين على مرورك الكريم وتشريفك لمتصفحي . وشكراً اختي بصمة أمل على مرورك الكريم تشريفك متصفحي .. والله زاد نور المتصفح بعد زيارتكن .......