حل المشاكل النفسية ....لا ترد الا لما تجرب

[محمد عابد]

كيف نواجه تلك المشاكل النفسية؟؟؟
اول شيء اقصد بالمشاكل النفسيه مثل
الخوف من الحيوانات مثلا او العصبيه الزايده او التدخين او عادات سيئه الواحد يبغي يتخلص منها يعني اواشياء حلوة يبغي يكتسبها مثل هيك
يعني نسميها
>> قوةالتحكم بالنفس او الذات <<

ناخذ على سبيل المثال العصبيه و عليهاقيسوا انتوا بنفسكم اوكي...

((انسان سائق مر على اختناق مروري
واذا اللي قدامه ما مشي ؟
واذا بضغطه يوصل الى الالف و يعصب و اذا جنبه زوجته يصرخ فيها
>> مسكينه مالها ذنب <<
ولو نلاحظ شقد خسر من طاقته وقوته وشبابه بالاضافه الى انه عكر الجو اللي عنده كله على حساب مجرد اختناق يعني اذا عصب مع وجهه بيمشون السيارات))


كيف نحل مثل هالمشكله النفسيه ؟

الحل الاول

نحدد مكان نتردد عليه دائما >> افضل مكان شفته السرير <<
نكتب في ورقه اي جمله ايجابيه تثبت نفي الصفه السلبيه اللي في الشخص
مثلا >> انا مو عصبي << >> انا لطيف << >> انا احترم امي وابوي << >> انا ما ادخن <<
يعني مثل هاي الجمل بصياغتك الشخصيه
بشرط تقراها كل مره تنام فيها اوتصحى من النوم..
بشكل لاارادي راح تترك الشيء اللي ما تبغيه و تصير فيك الصفه اللي تبغيها
يعني راح يصيرفي نفسك اللي كتبته بالورقه .

الحل الثاني

معروف ان الانسان لازم يمرباليوم على الاقل مره وحده يمشط >> يسرح << شعره صح
يعني انه بيقابل المرايه مره باليوم على الاقل وماشاء الله علينا احنا البنات ماأحد يوصينا على المراية..(ههههه)امزح
في هالحاله وهو جالس يسرح شعره يخاطب نفسه وهو يناظر الى المرايه

>> لا تقولون مجنونه <<
يعني يسوي عهد بينه وبين نفسه
مثلا
انا اتعهد على نفسي اني ما اعصب اليوم
او
ما ادخن .. يعني على حسب كل شخص وامنيته..
اذا جاه مثلاموقف يخليه يعصب مثل الموقف اللي ذكرناه سابقا
يعني اختناق مروري
يجي بيعصب
فجأه !!!!!!!!!!!
يجيه نداء داخلي
يافلان انت اليوم قطعت على نفسك عهد انك ما تعصب ؟
على طول اذا كان الشخص صادق مع نفسه
بتهدأ اعصابه و بيترك العصبيه

الحل الثالث

نجلس بغرفه لوحدنا و نقفل الباب علينا و بشرط الهدووووووووووء التام بالغرفه
يعني نضمن ان ماكو احد بيزعجنا
ونمسك ورقتين
الاولى نكتب فيهاالاشياء الايجابيه اللي فيني و اللي ابغي اوصل لها
و الثانيه الاشياء السلبيه اللي ابي اتركها او ابي اتجنبها
وخلي الورقتين جنبك
و شوف لك وضع تحس انك ترتاح له
يعني مثلا كرسي هزاز او كرسي شبه مستلقي
او انك تتمدد علىظهرك
وتحاول تطبق الاسترخاء >> اذا حبيتوا اكتبه لا مشكلة عندي...>>
في هاللحظات اللي انت مسترخي فيها
خاطب نفسك و تخيل نفسك
مره بالاشياء الايجابيه ومره بالسلبيه
يعني
شوف كيف راح يكون حالك لما تسوي الاشياء السلبيه
مثل القصه اللي بالاول ان راح يتعكر الجو لمايعصب و يعجل عليه الشيب وغيرها و غيرها
يعني مثل الدخان بيجيب الامراض
ونت روح اسرح مع افكارك بس لاتنامok30
وتعال للاشياء الايجابيه وشوف كيف راح يكون حالك
يعني من سعاده وغيرها وغيرها بس مشان ما اطول عليكم
بعد ماتخلص من الاسترخاء
اجلس
وامسك الورقه اللي فيها الاشياء السلبيه ومزقها صح او حرقها او الثنين وردد في نفسك انا بترك هالاشياء و بشيلها من حياتي
وخذ الورقه اللي فيها الاشياءالايجابيه و احتفظ فيها بجيبك
وكل مابين فتره و فتره اقراها
وراح تشوف النتيجه

طبعا تقدر تجمعهم كلهم مره وحده
او تشوف اللي يصلح لك منه وتسويه

وانشاء الله
اذا سويتوا الطريقه ميه بالميه راح ان شاء الله تتخلصون من جميع مشاكلكم النفسيه و العاطفيه بعد
وعلى فكرة. بعض العلماء يستخدمونهافي علاج الامراض الجسديه
بس بشكل اوسع شويه بس المفهوم واحد

 

[المغامر]

رد: حل المشاكل النفسية ....لا ترد الا لما تجرب

بارك الله فيك ابو عابد

تقبل عاطر مروري

 

[صديقة ذوي الإعاقة]

رد: حل المشاكل النفسية ....لا ترد الا لما تجرب

أحب اضيف اقراءة والأطلاع لها دور

بوركت