هل يوجد بالرياض مركز للرعاية الصحية المنزلية

[صديقة ذوي الإعاقة]

بسم الله الرحمن الرحيم


هل يوجد بالرياض مركز للرعاية الصحية المنزلية


واين موقعهم مثل جمعية زمزم بجدة ارجو ااان تدلوني باي معلومة

 

[إحسـاسي]

رد: هل يوجد بالرياض مركز للرعاية الصحية المنزلية

اخت بصمه ابحثي بعم " قوقل " كان توصلتي
لمعلومه اكيده وتفيدك بالموقع وبكل شئ تبغيه..!

بالتوفيق؛؛​

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

مرحبا اختي احساسي والله بحثت قبل لااكتب الموضوع

في الرياض مالقيت ابغى لو مركز شبية يوفر الرعاية في المنزل لرجل مريض

 

[إحسـاسي]

رد: هل يوجد بالرياض مركز للرعاية الصحية المنزلية

ربي يشافيه يارب
باحاول اسئلك صديقاتي بالرياض عندهم واحد مريض
وإن شاء الله اقدر افيدك بالغد ؛؛​

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

الله يجزاك خير اختي احساسي سبق وان وجدنا رقم هاتف للرعاية الصحية المنزلية ولا احد يرد !

ذا الرقم للي نتصل علية 4660666 ولا احد يرد

 

[إحسـاسي]

رد: هل يوجد بالرياض مركز للرعاية الصحية المنزلية

هلا اختي بصمه
سألت لك صديقتي؛ قالت المريض الي عندهم
مريض اورام
ومستشفى الملك فيصل التخصصي ومركز الابحاث
قسم الاورام هم الي متابعين لحالته بالمنزل
يجي طبيب وممرضين كل فتره ويكشفوا عليه
ويقدموا له الازم..
فيه حالات مرضيه مستثناه بالمستشفى لهم احقيه بالرعايه المنزليه..
وبلغتني كمان فيه مستشفى الحرس
ومدينة الملك الطبيه برضه تقدم رعايه منزليه؛ لكن ماتعرف لاي حالات..
وممكن عن طريق المستوصفات والمستشفيات الخاصه ع حسب الاتفاق مع الطبيب

للاسف هذا الي قدرت اتوصل له اختي

وربي يشافي المريض ويشافي جميع مرضى المسلمين يااارب؛؛
​

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

الله يحفظك احساسي على مجهودك ما انسى تعبك ووقفتك

احترامي وتقديري

 

[مهرة الخيال]

رد: هل يوجد بالرياض مركز للرعاية الصحية المنزلية

الرعاية المنزليه من نفس المستشفى اللي تتعالج فيه

اختي تجيها الرعاية المنزلية من مستشفى القوات المسلحه ( العسكري ) بالرياض ​

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

الله يوفقك اختي مهرة وجزاك الله خير

 

[فأل]

رد: هل يوجد بالرياض مركز للرعاية الصحية المنزلية

هل المسن الذي لا يتحرك يستحق هذه الخدمة ؟
و هل الرعاية المنزلية هي الطب المنزلي ؟؟
و كيف اطلبها هل يجب في الزيارة الاولى ان يزورهم المريض في المستشفى ؟؟

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

نعم اختي يستحق بس وينهم مالهم اثر باالرياض

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

يا ليت من عنده عنوان يحطه هنا لاني تعبت وانا ابحث عنهم في الرياض

 

[فأل]

رد: هل يوجد بالرياض مركز للرعاية الصحية المنزلية

قد مرة رفعت طلب من موقع وزارة الصحة لخدمات المرضى عشان حاجة لأمي قبل لا تكون مقعدة الله يعافيها و يطول بعمرها و يسعدها .. المهم و الله ما قصروا معي و حاولوا يحلون موضوعي باللي يقدرون عليه و صاروا هم اللي يلاحقوني بالاتصالات لدرجة اني استغربت وقلت وين اللي يقولون كل شي بالواسطة .. و الله ماعندي واسطة ولا شي لكن ثقتي بربي اكبر اكبر اكبر من كل شيء ..

و من ضمن الحلول اللي اقترحوها لحل مشكلتي مركز اسمه ( الطب المنزلي ) لكن ما ناسب وضعها لانها تمشي بالعكازة و للاسف انه ما مر شهر الا وهي على السرير وصار يناسبها لكن بعدما فات الفوت و لكن ان شاء الله راح احاول ادق عليهم و اشوف عسى الله يسهل لي بكرمه و رحمته ..

مقره ورى كودو اللي جنب مستشفى الشميسي .. اتركي العيادات الخارجية على يمينك و امشي راح تجيك كودو على اليمين ..الطب المنزلي وراها و راح تلاقين سياراتهم عند الباب ..

و اذا ماعليك كلافة ولا احراج علميني وش صار معك ولو برسالة خاصة لأني والله شايله هم امي و قاعدة هاليومين ادرس وزارة الصحة و عسى ربي يسهل للمسلمين كل عسير يارب

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

الله يجزاك خير ببلغك ان شاء الله وش يصير ووحدة من قرايبي قالت الحرس روحوا لهم واسالوا

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

طيب لهم رقم اكلمهم مع اني واثقة انهم مايردون

 

[فأل]

رد: هل يوجد بالرياض مركز للرعاية الصحية المنزلية

كان معي رقم لهم و يردون عليه و الله ،، لكن للأسف مدري وينه
و إذا حصلته بعطيك إياه أن شاء الله

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

الله يعافيك اذا لقتية علميني

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

تم رفع الموضوع ياليت لو يوجد رقم هاتف والعنوان كامل

 

[محمد العمري]

رد: هل يوجد بالرياض مركز للرعاية الصحية المنزلية

هلا اختي بصمة يوجد في المستشفى العسكري (مدينة الامير سلطان الطبية حاليا) ويوجد في مدينة الملك فهد الطبية طبعا بلاااااااااااااااااش يجون مرة بالأسبوع او مرتين حسب احتياج المريض ويصرفون الأدوية وكل احتياجات المريض ،
اما الشميسي فيه كم وحدة دلونا عليهم بس غالييين الساعة او اليوم ٣٠٠ ريال ومواصلات ووووووووو المهم ما انصح فيهم ابد .

 

[صديقة ذوي الإعاقة]

رد: هل يوجد بالرياض مركز للرعاية الصحية المنزلية

جزاك الله خير و نفع الله بك