يا بوي جعلك للبقا والمكاسيب

[ابو فواز]

قصيدة بنت شايب ما عندها اخوان ذكور ولا اناث كتبت هذه الابيات تبي طمن ابوها انها بنت رجال ولا يخاف عليها

يابوي جعلك للبقا والمكاسيب
عمري بدونك يالذرا ويش أبي به
يابوي تسأل عن شفاك المراقيب
طلعة سواتك للنّوايف غريبه
ليه المرض مايعرف الزّين والعيب ؟
مايدري انك للمخاليق هيبه !!
أبسألك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليّالي الكئيبه
خذ دلّتك واركى على مسند الجيب
وعطني شماغك بلثمه وأحتمي به
ونروّح لأرض ٍ بها العشب والطيب
وتسمع كلام ٍ يالغلا تحتفي به
يابوي بنتك لانحكــى بالتّجاريب
كل ٍ يشق لهيبه الصّيت جيبه
يا بوي ماني من سوات المخاريب
اللّي تجيب لعليَة القوم خيبه
وماني من اللّي لامشت حفّها الرّيب
أنا من الّي ما يدنّس حليبه
مرفوع شاني عن غرام المكاتيب
وأكبر من انّني أرتضي بالحبيبه
أنا غرامي لابتدوا بالتّراحيب
نفوس الأوادم في وجودي رحيبه
وان كان زيني فتنة ٍ للمصاويب
احط وجهي بالحريق ولهيبه
زيني أبيعه وأشتري سمعه الطّيب
اسم ٍ ينوسم بالصّروح الذّهيبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
والله لأشيلك بالرخا والمصيبه
طلع المعالي مانحكــم للشّواريب
بنت ٍوأناطح فارس القوم طيبه
وياشيخي إبشر لوتدور الدّواليب
بنتك إليا منّه عوى الذّيب ( ذيبه)

من ما راق لاخوكم

 

[الصبر]

رد: يا بوي جعلك للبقا والمكاسيب

وان كان زيني فتنة ٍ للمصاويب
احط وجهي بالحريق ولهيبه
زيني أبيعه وأشتري سمعه الطّيب
اسم ٍ ينوسم بالصّروح الذّهيبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
صح لسان قآيلها وتسلم يمين نآقلها يعطيك العافيهـ لآعدمناك . تحيآتي بارك الله فيك اخي ابوفواز

 

[ابو فواز]

رد: يا بوي جعلك للبقا والمكاسيب

وبارك الله فيك اخي العزيز الصبر
شرفني مرورك واسعدني الله يسلمك
صح بدانك وعلا شانك واسعدك ربي بالدارين
احترامي وتقديري لك

 

[صديقة ذوي الإعاقة]

رد: يا بوي جعلك للبقا والمكاسيب

ابيات راقت لي جزيتم الجنة

 

[ابو فواز]

رد: يا بوي جعلك للبقا والمكاسيب

وجزيتي الجنة اختنا بصمة ووالديك وكل مسلم
شرفني مرورك بارك الله فيك فعلا ابيات رائع جدا
شكري وتقديري لك