يا جارح ( ن ) قلبي

[نور]

(صرخة جريح)

ياجـارحن قلبــي على غيـر ميعـاد
هونك ترى جرح المشاعــر غبينه

طعنتني طعنــه ومن خنجرن حـاد
وتركت روحي في ضلوعي حزينه

قضيت ليـلـي بالسهـر والتوجـــاد
والدمعـه اللـي في عيونـي سجينه

ذرفتها لرضاك والخــــــد شهــــاد
وقدمت روحـــي في يدينك رهينـــه

والحين تطعني على روس الاشهاد
نسيت وقتٍ راح زينـــــه وشينــــه

يا للاسف يا خاين العهــد مـا فـــاد
وفـــاي فـي قســوة زمانك ولينـــه

كنت احسبك وافـي وآثاريك جحــاد
وينك وصدق الحـب والود وينــــه

الحزن في عيني تشوفه ولــــو زاد
ما هـــو لأن القلب زايــــد حنينــه

وماهــو لأن الحب فـي داخـله سـاد
يبكـي عشانه معــك ضيــع سنينـه

سو الذي ودك جفــا هجــر وعنــاد
بــس انتبــه قلبـــي تفكـــر تهينــه

وش عاد لو فارقتني اليوم وش عاد
مـا نيب اول مــن يفــارق ضنينــه

وبنســى مــع الايــام إذا ربنـــا راد
أرحـــل وقلبــي بطلـب الله يعينـــه

أرحـــل وفارقنـي وزودنـي ابعــــاد
وخل الجــروح اللي بجوفي دفينه.
​

 

[الفرحان]

رد: يا جارح ( ن ) قلبي

سو الذي ودك جفــا هجــر وعنــاد
بــس انتبــه قلبـــي تفكـــر تهينــه

وش عاد لو فارقتني اليوم وش عاد
مـا نيب اول مــن يفــارق ضنينــه

وبنســى مــع الايــام إذا ربنـــا راد
أرحـــل وقلبــي بطلـب الله يعينـــه
اشكرك اختي العزيزة على الابيات الجميلة والمعبرة . فعلاً رائعة . ابدعي فنحن ننتظر منك المزيد .
وتقبلي مروري واحترامي

أرحـــل وفارقنـي وزودنـي ابعــــاد
وخل الجــروح اللي بجوفي دفينه

 

[زهرة الياسمين]

رد: يا جارح ( ن ) قلبي

ابيات جميله ومعبره شكرا نور اتمنى لك مزيد التوفيق

 

[الحنان كله]

رد: يا جارح ( ن ) قلبي

رووووووعة ياقلبي نور كلمات جدا معبرة وذات شجن يعطيك العافية

 

[نور]

رد: يا جارح ( ن ) قلبي

أرحـــل وفارقنـي وزودنـي ابعــــاد
وخل الجــروح اللي بجوفي دفينه[/font]

صح لسانك والله

تسلم اخوي الفرحان على كلماتك المحفزة

بارك الله فيك
​

 

[نور]

رد: يا جارح ( ن ) قلبي

ابيات جميله ومعبره شكرا نور اتمنى لك مزيد التوفيق

وانتي كذلك .. زهرة الياسمين

تمنياتي لك بالتوفيق
​

 

[نور]

رد: يا جارح ( ن ) قلبي

رووووووعة ياقلبي نور كلمات جدا معبرة وذات شجن يعطيك العافية

الروعة مرورك .. يا قلب نوووووووووور انتي

تسلمي يالغااااااااالية
​

 

[صديقة ذوي الإعاقة]

رد: يا جارح ( ن ) قلبي

ابيات جميلة ونقل موفق سلمت أخيتي .

 

[بنت قحطان]

رد: يا جارح ( ن ) قلبي

قصيده رائعه استمتعت بقرائتها
ذائقه راقيه تمتاز بها
واصلي تألقك وتميزك
تحيتي