يااخواني قدمت ع المقطوعه بالنت

[نايف النايف]

لي الان اربع ايام مدري اقبلوا التقديم ولالا كيف اعرف لان الضمان بعيد عنا شويه

 

[الحازمي]

رد: يااخواني قدمت ع المقطوعه بالنت

عليكم السلام
طيب جاك رقم الطلب
اذا جاك على اميلك باذن الله يقبلوه بس انتظر اسبوع او اسبوعين

 

[عانيت]

رد: يااخواني قدمت ع المقطوعه بالنت

قدمت عن طريق النت

كيف التقديم وين الرابط

 

[ماضي™]

رد: يااخواني قدمت ع المقطوعه بالنت

قدمت عن طريق النت

كيف التقديم وين الرابط

تفضل من هنا التقديم بالنت
http://mosa-d-web.mosa-d.gov.sa/newportal/Unregistered/RequestCutAmount.aspx

 

[نايف النايف]

رد: يااخواني قدمت ع المقطوعه بالنت

الان لي شهر ماجاني شي وموعد الصرف ماكتبوه

 

[نجمة مسافر]

رد: يااخواني قدمت ع المقطوعه بالنت

الله يكون في عونك
لك شهر ما جاك شي :mellow: عشان كذا ما أحب التقديم من الموقع ولا أرتحت له من يوم أعلنوا عنه وقالوا للناس قدموا منه أو من المكتب وكلهم سوا
ما أبي أحبطك لكن الي وصلني عن التقديم عن طريق الموقع ما يبشر بالخير في كذا منطقه ولا أدري هالشي موجود في منطقتكم أو لا
ويكون رد الموظف والموظفه لما يسألونهم المراجعين عنها : ((( إحنا ما نلتفت للطلبات من الموقع ولا نتابعها ))) :sad:
فيمكن والله أعلم تكون منطقتكم مثل كذا أو يكون عندك خطأ في التقديم
وعشان نقطع الشك باليقين يبي لك تجيب هاتف ثابت وتطلب رقم الضمان المجاني 8001222777
بيجيك رد آلي إختر رقم 1 وحط سجلك المدني بعدين رقم 2 الخاص بالبرامج المسانده وبعدين رقم 1 الخاص بالمقطوعه وشف وش بيرد عليك وعطنا خبر
و يا رب يخيب ظني ويكونون مسجلين طلبك

 

[احمد الاحمد]

رد: يااخواني قدمت ع المقطوعه بالنت

وعليكم السلام ورحمة الله وبركاته
ماشاء الله تبارك الله ماقصرت الاخت نجمه
والله يوفقكم ويعينكم

 

[نجمة مسافر]

رد: يااخواني قدمت ع المقطوعه بالنت

وش صار على مقطوعتك يا أخ نايف :confused1:
أفكر فيها لي كم يوم وأقول عسى ظني خاب وسجلوها

 

[احمد الاحمد]

رد: يااخواني قدمت ع المقطوعه بالنت

اختي الكريمه نجمه مارايك لوتفتحي موضوع وعنوانها ( لاتقدم على مقطوعه في موقع الضمان بالنت )
لانها تتاخر وان يثبتها الاداره ان شاء الله لاجل اطلاع الجميع عليها وجزاك الله خير

 

[نجمة مسافر]

رد: يااخواني قدمت ع المقطوعه بالنت

مشكور يا أحمد على طرحك وطلبك ولي وجهة نظر في هالطلب
إحنا متفقين على راي واحد بس ما نقدر نلزم به غيرنا ونفرضه عليهم غير كذا أنا ما عندي إحصاء لعدد المناطق الي تتعامل مع المقطوعه بنفس الطريقه وتتجاهلها يعني صعب التعميم لأنه ممكن مكاتب ثانيه تكون مهتمه بالمقطوعه وتتابعها
أنا أفكر الحين في عدد الي قدموا على هذي المكاتب الي تخلى فيها الموظفين عن مسئولياتهم وتركوا الناس تقدم وفي الأخير ما يتابعونها
سؤال يطرح نفسه ⬅ ياترا وكيل الوزاره لشئون الضمان الأستاذ محمد العقلا يدري عن هالشي وهل الأستاذ مساعد السليمان مدير الحاسب الآلي يدري إن الجهد الي بذلوه عشان يضيفون هالخدمه في الموقع راح أدراج الرياح عند بعض المكاتب ؟؟؟؟؟
الحين التقديم من الموقع يعتبر عند بعض الناس مثل المعجزه الي نزلت عليهم من السماء واستبشرنا معهم بها خير ولا ألومهم لأنهم مساكين يشيلون هم المشاوير وخصوصاً لما يكونون كبار في السن أو حريم أو مرضى وذوي احتياجات خاصه غير الخساير الماليه من رواعي الليموزينات الي يستغلون الوضع ويصير معاش الضمان في جيوبهم بدل هالضعيّف الي ينتظره كل شهر
شوف أنا مستبشره خير بوجود الوزير الجديد وبإذن الله يلتفتون لهالمشكله ويحلونها حتى يرفعون الإحراج والكلافه عن المحتاجين وترا ما يحس بالنار إلا واطيها
وما أبي أغفل طريقة التقديم الصحيحه بالتأكيد تأثر على افتراض كان المكتب التابع للمستفيد يتابع المقطوعه
كل واحد ينوم على الجنب الي يريحه يبون المكاتب موجوده يبون الموقع موجود وما نقول غير الله يوفقهم وييسر أمرهم بس الحرص واجب وهذي مقطوعه مهيب معاش شهري وعلى حسب الأفراد تبدا من 10400 إلى 30000
بالنسبه للرقم المجاني الي ذكرته فوق لما تستعلم عن المقطوعه ويرد عليك بأن هذا السجل المدني غير مسجل في المقطوعه فإعرف إن طلبك للمقطوعه ما دخل للحاسب

 

[نجمة مسافر]

رد: يااخواني قدمت ع المقطوعه بالنت

جزاك الله خير إذا جت على تأخر الموعد فما فيه مشكله خلها تتأخر بس يدخلونها في الحاسب على الأقل أدري إنها بتنزل بحول الله وقوته لكن قطعة القلب لما تقدم ولا تستفيد من تقديمك غير الإنتظار

 

[احمد الاحمد]

رد: يااخواني قدمت ع المقطوعه بالنت

جزاك الله خير ورحم الله والديك
سعدت بذكرتي رقم المجاني لان حتى انا
ابغى استفسر عن المقطوعه لانها راحت الوزاره
بارك الله فيك

 

[نجمة مسافر]

رد: يااخواني قدمت ع المقطوعه بالنت

اللهم آمين وفيك بارك
إذا استعلمت عطنا وش صار عليها ⬅ وحده ملقوفه :icon_ninja:

 

[احمد الاحمد]

رد: يااخواني قدمت ع المقطوعه بالنت

هههههه مايحتاج فيكي الخير اختي
اتصلت وقتها من الجوال ونسيت اني ماركزت في كلامك قبلها
يبي لك تجيب هاتف ثابت وتطلب رقم الضمان المجاني 8001222777
هما قالوا مكتب الضمان في بداية هذا الشهر ممكن معاملتي تقعد ست شهور لاني متقاعد
والصبر جميل جزاك الله خير

 

[هياء عبدالله سعد المليح]

رد: يااخواني قدمت ع المقطوعه بالنت

بطاقتي منتهيه الله يجزاكم خير التاهيل الشامل وين اروح


---

 

[نجمة مسافر]

رد: يااخواني قدمت ع المقطوعه بالنت

تروحين مركز التأهيل الي خذتي منه البطاقه
خذي معك البطاقه المنتهيه وبطاقة الأحوال أو العائله وبيعطونك البطاقه الجديده في نفس اليوم
ربي يسهل أمرك

 

[نجمة مسافر]

رد: يااخواني قدمت ع المقطوعه بالنت

هههههه مايحتاج فيكي الخير اختي
اتصلت وقتها من الجوال ونسيت اني ماركزت في كلامك قبلها
يبي لك تجيب هاتف ثابت وتطلب رقم الضمان المجاني 8001222777
هما قالوا مكتب الضمان في بداية هذا الشهر ممكن معاملتي تقعد ست شهور لاني متقاعد
والصبر جميل جزاك الله خير

new14
ربي يسهل أمرك
بعض الناس إذا أنذكر لهم الهاتف الثابت يقولون وينكم عايشين فيه تراه دقه قديمه وبيوتنا ما فيها غير الجوالات :cursing:
بالنسبه لي ما عن الإثنين غناة يكملون بعضهم ويجي للثابت وقت وأحتاجه
بعض الدوائر الحكوميه والبنوك والمستشفيات ماشيه على الثابت المجاني 800
تبي معلومات أو إستعلام عن أي خدمه مقدم عليها في الضمان بضغطة زر تجيك الإجابه آلي منتب مضطر تكلم أي موظفين يعني هالرقم المجاني ضروري بالحيل لكل مستفيدين الضمان

 

[نايف النايف]

رد: يااخواني قدمت ع المقطوعه بالنت

وش صار على مقطوعتك يا أخ نايف :confused1:
أفكر فيها لي كم يوم وأقول عسى ظني خاب وسجلوها

لا ابشرك بعد 60 يوم ردو عليه والان قيد الدراسه والموعد المتوقع لصرف 12

 

[نجمة مسافر]

رد: يااخواني قدمت ع المقطوعه بالنت

زين الحمدلله الله يبشرك بالخير
حشا شهر 12 :cursing:
يلا الأيام تركض وبإذن الله يتغيّر موعدها وتصرفها بالعافيه