يابوي تسأل عن شفاك المراقيب !!!

[الكنز الثمين]

[align=center]
يابووي جعلك للبقا والمكااسيب
عمري بدوونكـ يالذرا وش ابي به .!!

يابوي تسأل عـن شفـاك المراقيـب
طلعـة سواتـك للنّوايـف غريـبـه

ليه المرض مايعرف الزّين والعيـب ؟
مايـدري انـك للمخاليـق هيبـه !!

ابســـــألك وش بك غزا وجهك " الشـــيب "
والقــلب لا يـــــع والنـــــــــواظر شحيبــه

وش بك تحاتي لا نوى الموت تغريب ..
تخشى علينا الليالي [الكئيبـــه]

خذ دلتـك .. واركي علي مسند الجيــب ،،
وعطني [شماغك] بلثمه واحتمى به

ونروح لارض بها العشب والطيب !
وتسمع كلام [يالغلا] تحتفى فيه

يابــوى بنتك لا نحكي بالتــجاريب
كل يشهق لهيبه الصيت جيبه ..!!

يابوي ماني من سـوات المخاريـب
اللّـي تجيـب لعليَـة القـوم خيبـه

وماني من اللّي لامشت حفّها الرّيـب
أنـا مـن اللّـي مايدنّـس حليـبـه

مرفوع شاني عـن غـرام المكاتيـب
وأكبر من انّنـي أرتضـي بالحبيبـه

أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه

وان كان [زينـــي] فتنة للمصاويب
احط وجهــي بالحريق ولهيبه

زينــي ابيعـه واشـترى سمـعة الطــيب
اســم ينومس بالصـروح الذهـــــيبه

وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه

دموع القبايـل فـي لقانـا مساكيـب
كـن المقابـر لاحضـرنـا قريـبـه

خضّبت لك كفّي من العـز تخضيـب
ورفعـت راسـي للنّجـوم الصّعيبـه

والله لأسـدّك بالفعـول المصالـيـب
والله لأشيلـك بالرخـا والمصيـبـه

طلع المعالـي ماانحكـم للشّواريـب
بنت ٍ وأناطح فـارس القـوم طيبـه

ويااشيــخي ابشـر لو تدور الدواليب
بنــــــتك لمن عوى الذيب [ذيبه] ..!!



منقووووووووول
[/align]

 

[شروق]

رد: يابوي تسأل عن شفاك المراقيب !!!

زينــي ابيعـه واشـترى سمـعة الطــيب
اســم ينومس بالصـروح الذهـــــيبه

يسلمواااا الكنز الثمين على النقل !!
موفقه باذن الله

 

[بنت قحطان]

رد: يابوي تسأل عن شفاك المراقيب !!!

[align=center]
جميله للغاااااااايه ابداع منك اختي ذوووق رائع

دمتي بهذا الابداع

تقبلي مروري
[/align]

 

[الكنز الثمين]

رد: يابوي تسأل عن شفاك المراقيب !!!

[align=center]
شروق +بنت قحطان
ابداعي مروركم
اشكركم
[/align]