ياحمامه كفي الله لايجزاك خير

[واثق الخطوة]

اخترت لكم قصيدة فيها الكثير والكثير من الصور والمعاني اللي ابدع فيها الشاعر !!​

يــا حمـامـه كـفــى الله لا يـجــزاك خـيــر
من صـلاة الصبـح وانتـي تجريـن النيـاح​

كان من جـور المحبـه غـدا شـرك شريـر
والله انـي ذايــق ٍ قبـلـك الـسـم الـذحـاح​

وكان لوعاتك من الوقت ومفـارق عشيـر
والله ان قلبي من فـراق خلـه مـا استـراح​

وكان مفجوعه على فقد عش ٍ مستديـر
والله انـي فاقـد شــوف نـجـد ٍ والفـيـاح​

من سمعتك يا حمامه وانـا مـا اقـول غيـر
لى متى هذا الشقى؟؟ واردف الونه صياح​

مـا عليـك خـلاف عنـدك جناحـيـن تطـيـر
مير انا وشلون بانزح وانـا مـا لـي جنـاح​

مالي الا اسوق قلبـي مـع الغربـي عصيـر
واسهـر عيونـي لامـن شعـاع البـرق لاح​

اتـذكـر واتـوجـد عـلـى مـــا فـــات مـيــر
مــا ورا زود التـوجـاد والـذكـرى صــلاح​

قبلنـا شالـح توجـد علـى أخــوه الصغـيـر
راح أخوه وعقب ما راح ذيب الخيـل راح​

واتوجـد وجـد مـن صـار شـره مستطـيـر
وجد سعدون العواجي على طيـور الفـلاح​

كـل ليـل وعبرتـي تبتدي عـقـب الأخـيـر
تبتليـنـي دمـعــة الـعـيـن لـحــد الـصـبـاح​

والبلا لا صاح قلبـي ورا الضلـع القصيـر
عويـة الذيـب المذيـر مـع الحـزم الـبـراح​

لا بغيت ادلـه مـن الهـم واسـلا واستخيـر
حدنـي مـن حــده الـقـوم بـزنـود الـسـلاح​

مـن بعـد نجـد العذيـة وانــا مـانـي بخـيـر
التـفـت لا اقفـيـت عنـهـا تلـفـات الطـيـاح​

واتثاقـل خـطـوة الـرجـل واقـدامـي تحـيـر
وكـن صـدري باجداتـه زواريـق الـرمـاح​

يـوم اجيهـا مـثـل ورد الضـوامـي للغـديـر
اتـعـجــل بـالـمـجـي واتـبـاطــا بـالـمــراح​

دبـرة الله مجـري الفـلـك بالبـحـر الغـزيـر
جـاري حكمـه علينـا مثـل مجـرى الريـاح​

واتعبتـنـي حـاجـة ٍ وردتـنـي كــل بـيــر
ارتـوي همـاج والنـاس يــروون الـقـراح​

واحـد ٍ حظـه يشيلـه علـى شـداد البعيـر
واحـد ٍحظـه لا شالـه تكرسـع ثــم طــاح​

مـن ثـلاث سنيـن وانــا اتـحـرى للبشـيـر
والبشير ابطـا وانـا سـدي مـن البعـد بـاح​

يا بشير الخير عجـل عسـى دربـك سفيـر
لا تخلـي للسـهـر جـفـن عيـنـي مستـبـاح​

كـل يـوم اقــول بـكـره يـجـي مـنـك نـذيـر
وانقضت الايـام والحيـن مـا صـار اللقـاح​

مـا تــوَرد جـمـة البـيـر بسـلـوك الحـريـر
ولا اطلق المسجون هرج التعلل والمـزاح​

مـا لقينـا بالزمـن كـود مــا يلـقـى الفقـيـر
طامـع ٍ بالـمـال والـمـال بيـديـن شـحـاح​

يـدري الله والعـرب مـادروا باللـي يصيـر
مير نـوحـي ياحمـامـه واجـاذبـك النـيـاح​

للشاعر / خــالــد بن مــدعــث الــدوســـري​

 

[الحنان كله]

رد: ياحمامه كفي الله لايجزاك خير

قصيدة جميله

يسلمووو معاند

 

[واثق الخطوة]

رد: ياحمامه كفي الله لايجزاك خير

اختي الحنان كله

يســــــــلموووو على مرورك العطر

 

[حلوة عذاريب]

رد: ياحمامه كفي الله لايجزاك خير

اختيار رائع
لا هنت اخوي

 

[واثق الخطوة]

رد: ياحمامه كفي الله لايجزاك خير

اختيار رائع
لا هنت اخوي

الاروع مرورك اختي الغادة