&&& ياحمود &&&

[الفرحان]

ياحمود قلب البنت ما بـه موانـي
ولا ترحم اللي عن همومه زبنهـا
وعهود دعج العيـن فيهـا مثانـي
يمكن تضيـق ويعتريهـا وهنهـا
واللي بلاك مـن العـذارى بلانـي
والروح سارت مع عشيـر فتنهـا
رمشه بمسمـار المـوده كوانـي
وطبعه حفر قبر العهـود ودفنهـا
ومن يوم شفت القول له قول ثاني
مسحت عنـوان العنـود وسكنهـا
ولا اريد قلبٍ لا دعيتـه عصانـي
والا ذلـولٍ ماتـطـاوع رسنـهـا
انـا بغيـت اللـي بحبـه بغانـي
ورميت من خان العهـود وطعنهـا
والهون مايصبر عليـه الحصانـي
اللـي حياتـه بالمراجـل رهنهـا
خذها من اللي صاغ جزل المعانـي
ويختار من زين المثايـل حسنهـا
محدٍ خذى طيبـه بكثـر التمانـي
ولا كل من صاغ المعانـي وزنهـا
ولا كل من دق الوتـر والكمانـي
يضبط موازيـن الكمـان ولحنهـا
لي ضامرٍ لا شح غيـره عطانـي
وان ساق مضمون النصيحه ضمنها
ماهي هروج الشاعـر الهذرمانـي
لاهاج وسط النـاس سمـم بدنهـا
وان كان جيلي بالندى ما شرانـي
وخلا الركايب ترتحل عـن وطنهـا
فالجوهره في صدر صاف الثمانـي
ما كـل خلـق الله تقـدر ثمنهـا
يمكن مكان القـوم ماهـو مكانـي
والا زماني يختلـف عـن زمنهـا
وجدي على دور النخل والسوانـي
لو كان عمري بالعرب مـا مكنهـا
ابي الذي لاضاق صـدري ثوانـي
يفزع لروحٍ تشتكي مـن شطنهـا
ما حط ربعه فـي دروب الهوانـي
والا شكى نسل الكـرام وسجنهـا
وانا احمد اللي عن عبـاده كفانـي
وناسٍ تفاخر غيرهـا فـي عفنهـا
والجدي يفرق عن سهيل اليمانـي
وضحك الاوادم عن عباير حزنهـا
منقوله
للشاعر والراوي / فواز الغسلان​

 

[بنت قحطان]

رد: &&& ياحمود &&&

قصيده في منتهى الروعه
دايما مميز ومبدع كعادتك
كما اننا نجدالسعاده في مواضيعك

تحياتي/ بـنـت قـحـطـان

 

[الحنان كله]

رد: &&& ياحمود &&&

يعطيك العافية اخوي الفرحان نقل مميز وقصيدة جميلة

 

[زهرة الياسمين]

رد: &&& ياحمود &&&

اختيار موفق شكرا الفرحان

 

[الفرحان]

رد: &&& ياحمود &&&

قصيده في منتهى الروعه
دايما مميز ومبدع كعادتك
كما اننا نجدالسعاده في مواضيعك

تحياتي/ بـنـت قـحـطـان

أشكرك اختي العزيزة بنت قحطان على مرورك الرائع وتشريفك الجميل لمتصفحي . والله يعطيك آلف عافية على تفاعلك مع مايطرح من مواضيع في المنتدى . ومع اطيب تمنياتي لكِ بالتوفيق .....

 

[الفرحان]

رد: &&& ياحمود &&&

يعطيك العافية اخوي الفرحان نقل مميز وقصيدة جميلة

مشكورررررررررره اختي حنان على تواجدك الرائع في المنتدى وتفاعلك مع ما يطرح من مواضيع في المنتدى . واشكرك من اعماق قلبي على مرورك على متصفحي . واتمنى لكِ التوفيق .....

 

[الفرحان]

رد: &&& ياحمود &&&

اختيار موفق شكرا الفرحان

اشكرك اختاه على مرورك الكريم وتشريفك الجميل لمتصفحي والله يوفقك . ومشكوره على تواجدك الرائع والمستمر في المنتدى وتفاعلك مع اعضاء المنتدى .
مع اطيب تمنياتي لكِ بالتوفيق .....