ياحظ كثر العنـا وشهـو علـى شانـه

[ابو فواز]

ياحظ كثر العنـا وشهـو علـى شانـه
ووش هو مصيري معك في وقتي التالي
من ضيقة الصدر كني وسـط زنزانـه
لي عام واكثر وانـا متغيـرٍ ن حالـي
نفسي على الخايـع الممطـور ولهانـه
وعن زحمة الناس ودي بالخلا الخالـي
تغيب عنـي همـوم القلـب واحزانـه
لاغاب عـن تغطيـة لرسـال جوالـي
وتوانـك الجيـب للمطـراش مليانـه
لكن وين الخـوي اللـي علـى بالـي
اللي آصول الصداقـه معـه منصانـه
ماهوب مـره رخيـص ومـرةٍ غالـي
بينـي وبينـه صـداقـة ود وميـانـه
وان ماتهيـا قطعـة الفرجـه اِلحالـي
مادام نفسـي علـى المنهـاج نشطانـه
بهدي لها جُل وقتي وارخـص ريالـي
واقطع فجوج الخـلا واشـوف حيانـه
واسج في كـل خبـتٍ مابـه ازوالـي
الخبـت عنـدي ولا السـوده وشيبانـه
خص ٍ لياجيـت روض نبتـه اشكالـي
وسمعت طير الحمام ايكوسـر الحانـه
وشمس العشي مالت وخالفني اضلالي
وارتاح لارخى ظـلام الليـل جنحانـه
وجريت جمر المناره تحـت معمالـي
اسج واسري بفكـري واطلـق اعنانـه
يحلالـي الليـل والتفكيـر يحـلالـي
افكـر بصنـع رب الكـون سبحـانـه
ويمضي بي الوقت وانـا دالـه سالـي
يومٍ ن بعـض الاوادم صخـر السانـه
لمجالس اهل الخنـا والقيـل والقالـي
زين له ابليس عرض افـلان وافلانـه
يبهت ويهتـك عسـى مافالـه ابفالـي
صحيح بعض المجالـس مالهـا خانـه
والبعد عنهـا بجـو الوحـده اشوالـي
تغيب عنـي همـوم القلـب واحزانـه
لاغاب عـن تغطيـة لرسـال جوالـي

من ما راق لاخوكم

 

[إحسـاسي]

رد: ياحظ كثر العنـا وشهـو علـى شانـه

ورآقت لي أيضـاً
كلمـات راائعه ومعبره بوقفات مع النفس..!
سلمت يمناك اخي ابو فواز
ع نقلها ؛ دومـاً ماتمتعنا بنقلك المتميـز
وفقك الله ومتعك بالصحة والعافيه "​

 

[ابو فواز]

رد: ياحظ كثر العنـا وشهـو علـى شانـه

ووفقك الله اختنا احساسي
شرفني مرورك واضافتك الاكثرمن رائعه
التميز بتواجدكم يكتمل ،اسعدك ربي بالدارين
شكري واحترامي وتقديري لك

 

[همووسه]

رد: ياحظ كثر العنـا وشهـو علـى شانـه

كلمات فاقات الرونق والجمال
أهنيك أخي على ذوقك الرائع ...

 

[ابو فواز]

رد: ياحظ كثر العنـا وشهـو علـى شانـه

هذا من ذوقك اختنا همووسه
شرفني مرورك بارك الله فيك
الرائع والجميل تواجدك وكلامك الطيب
طاب عملك بإذن الله وشهادة عتز بها
شكري واحترامي وتقديري لك

 

[كلمات]

رد: ياحظ كثر العنـا وشهـو علـى شانـه

صح لسان قايلها وعلا شان ناقلها

 

[ابو فواز]

رد: ياحظ كثر العنـا وشهـو علـى شانـه

حياك الله اختنا كلمات
شرفني مرورك بارك الله فيك
شكري واحترامي وتقديري لك