ياجماعة هل لي حق من الدولة والا مالي

[جوانا]

مسـاء الخير

اخواني وخوتي اتمنى انكم تفيدوني ولاتبخلوون علي

يااخواني انا مصابة بمرض الصرع (ادعولي بالشفاء تكفوون ) .. المهم سمعت انه يصرف راتب من جهة مسؤولة
مدري هي الضمان والا غيره
وسألت باحد المنتديات وردو علي انه مرض عادي مايعيق .. << ايه مايعيق لكن مصاريف العلاج والمستشفيات هي اللي تعيق

قلت اجل شكل اللي جابتلي الخبر ماعندها سالفه ..ونسيت الموضوع

قبل شوي طحت بدا المنتدى وجلست اتصفح المواضيع الا واشوف موضوع مثبت
عن اللي يصرفلهم من الضمان قلت اكيد اني من ضمنهم لان فيه امراض اهون واخف وانصرفلهم فمو معقول انا لا :blink:
وعلى فكرة احنا من المستفيدين من الضمان انا والوالده واختي

المهم اخواني وخواتي انا بين ايدينكم علموني لي حق من الدولة والا مالي

وادا لي حق دبروني تكفون قولو لي وش اسوي وين اروح الى اي جهة ارفع اوراقي

وادا مالي حق استرو ماوجهتو :blush:

 

[الأسيف]

رد: ياجماعة هل لي حق من الدولة والا مالي

أولا حياكِ الله في منتداك ..
وأسأل الله أن يشفيك ويشفي مرضى المسلمين ..
وتستحقين إعانة التأهيل الشامل بكل تأكيد ..
ما عليك سوى مراجعة أقرب مركز للتأهيل الشامل ..
وتقديم أوراقك ، وبعد ذلك تحصلين على إعانة شهرية بإذن الله ..
ولمعرفة الشروط عليك بقرأة الموضوعات المثبتة للأخ جبل ، وخاصة موضوع ( شروط الحصول على الإعانات والبطاقات )..
وبإذن الله أن الأعضاء لن يبخلوا عليك بأي استفسار ..
وشكرا لك ..

 

[سفير قحطان]

رد: ياجماعة هل لي حق من الدولة والا مالي

اسال الله العظيم ان يشفيك ويشفى مرضى المسلمين اجمعين

 

[أم البدر]

رد: ياجماعة هل لي حق من الدولة والا مالي

أختي جوانا بيقبلونك في التأهيل وتوكلي على الله أنا عندي خلع ورك وبسجل يوم السبت مع العلم أني من مستفيدين الضمان وزياده الخير خيرين وولدي عنده صرع وبسجله إذا كمل سنه بس بسألك في أي سن بدأ عندك الصرع

 

[أم البدر]

رد: ياجماعة هل لي حق من الدولة والا مالي

الله يجزاك خير ويشفيك ؛ ضروري تردين على سؤالي في أي سن بدأ معك المرض

 

[جوانا]

رد: ياجماعة هل لي حق من الدولة والا مالي

ابن السهل جزاك الله خير ماقصرت عسى الله يحرم وجهك عن النار يارب

القحطاني جزاك الله خير الله يشفي جميع مرضى المسلمين


ام البدر
تقريبــا في سن الثامنة عشر .. بس ليه السؤال ؟
عسى بعد لازم المرض من ينولد الشخص :001_huh:

الله يعافيك وخيتي وعسى ماصابنا تكفير دنوب وابتلاء لنا .. والله يلبسنا واياكم وجميع مرضى لمسلمين
العافية .

 

[الشاطر]

رد: ياجماعة هل لي حق من الدولة والا مالي

اهم من كتابه الموضوع والردود
روحي لمركز التاهيل الشامل وقدمي عليهم بطلب اعانه وهم بيفحصونك

لان الانظمة تتغير وماتدرين لكن اقطعي الشك باليقين وقدمي طلب اعانه

ثانيا روحي لمكتب الضمان الاجتماعي وقدمي طلب ضمان اجتماعي شهري
وحنا هنا علمينا بالتطورات
الله يوفق الجميع

 

[أم البدر]

رد: ياجماعة هل لي حق من الدولة والا مالي

عشان ولدي جاه وعمره ست شهور والحين عمره 11شهر الله يشفيه يارب هذا وحيدي وقلبي وروحي وماعندي غيره ؛؛

 

[عيسى محمد]

رد: ياجماعة هل لي حق من الدولة والا مالي

http://m3aq.net/vb/showthread.php?t=16823
http://m3aq.net/vb/showthread.php?t=22240

 

[ماجد00]

رد: ياجماعة هل لي حق من الدولة والا مالي

[align=center]
جوانا

أسأل الله ان يشفيك ويشفي مرضى المسلمين
[/align]

 

[أم الغالين]

رد: ياجماعة هل لي حق من الدولة والا مالي

الله يشفى جميع المؤمنين يارب

أم التاهيل أكيد يصرفوا لك أعانه تقدمى بطلب فى مركز التأهيل

 

[ابو سعيد]

رد: ياجماعة هل لي حق من الدولة والا مالي

هلا اختي انا معي مرض الصرع واستلم من التاهيل الشامل
وعمر المرض ماله اي علاقه في التقديم
الله يشفي كل مريض

 

[جوانا]

رد: ياجماعة هل لي حق من الدولة والا مالي

الشاطر .. اي والله انك صادق بس هالردود والمواضيع هي اللي علمتني
والا قبل ياغافلين لكم االله
الف شكر اخوي وان شاء الله بقولكم عن كل شي

عيسى محمد الله يجزاك الخير استفدت من الروابط

ماجد / ام احمد .. اميين الله يشفي جميع مرضى المسلمين وجزاكم الله خير

ابو سعيد / الله يشفينا ويشفيك اخوي


طيب سؤال الله يجزاكم خير وين مقر هالمركز انا بشرق الرياض ؟

 

[جوانا]

رد: ياجماعة هل لي حق من الدولة والا مالي

ام البدر الله يشفي ولدك يارب ويقر عينك فيه ويصلحه ويهديه يارب

 

[الاثير]

رد: ياجماعة هل لي حق من الدولة والا مالي

الله يشفيك اختي تقدري تقدمي على التئهيل والضمان ربي يسهل لك امرك ويعافيك والمسلمين اجمعيآ

 

[أم البدر]

رد: ياجماعة هل لي حق من الدولة والا مالي

جوانا افتحي قوقل واكتبي((وصف لموقع التاهيل الشامل في الرياض)راح يجيك وصف المركز وبالتوفيق

 

[اللهم احفظني]

رد: ياجماعة هل لي حق من الدولة والا مالي

اسال الله ان يشفيك ويرزقك ويعطيك خير الدنيا ويكفيك شرها

 

[مايباخ]

رد: ياجماعة هل لي حق من الدولة والا مالي

[align=center]
مـاتـشـوفـيـن شـر

الله يـوفـقـك
[/align]

 

[والدمعاقة]

رد: ياجماعة هل لي حق من الدولة والا مالي

اسال الله العظيم ان يشفيك ويشفى مرضى المسلمين اجمعين

 

[جبل]

رد: ياجماعة هل لي حق من الدولة والا مالي

[align=center][align=center]


افادوك الاخوان والاخوات بما فيه الكفاية عن استحقاقك للاعانة من حيث الاعاقة حيث تستحقين ولكن يجب ان تنطبق عليك الشروط الاخرى وهي
1-اذا كنت موظفة وغير متزوجة لا يزيد راتبك عن 2500
او موظفة ومتزوجة لايزيد راتبك عن 3000 ريال
اما غير متزوجة فلا خلاف فيه تستحقين
2- ان يكون عمرك اقل من 45 سنة وقت الاصابة بالمرض

الطلبات: تقرير طبي يثبت الاصابة بالصرع لايتجاوز تاريخه سنة
حضورك للمركز للكشف
الهوية الاصل + صورة منها
(قد يطلب المركز صور شخصية عليك التاكد قب المراجعة)
موقع المركز: مركز التاهيل الشامل للاناث بحي القدس بالريض ـــ شارع سعود الكبير ـــــــــــ بجوار مسجد الجوهرة
هاتف/ 2483694
فاكس/ 2492956
[/align][/align]