ياكثر شرهاتي عليك

[أأأحمد]

ياكثر شرهاتي عليك انت بالذات
والا على غيرك تراها قليله
تعبت اجي بسكات واروح بسكات
ساكت وانا متني حموله ثقيله
مرات احس اني لحالي ومرات
احس مسنود ٍ بجيش وقبيله
عشت بمتاهه غير كل المتاهات
كانت مفيده بس ماهي جميله
عرفت منها كيف طعم الخيانات
وشلون ترخصك النفوس الذليله
خسرت .. لاوالله فدتك الخسارات
ياغلا من الدانه بعينن بخيله
ماقلت لك قصة بعيد المسافات
اللي معه بشته وسيفه وخيله
ضحى بهم منشان سود ٍ وسيعات
الله يعين اللي مفارق خليله
جيتك اشيل من التعب كثر مافات
طرقي وهدت سود الايام حيله
خذني من ايدين الحزن للمسرات
ليله معك عن الف ليله وليله
صوتك لحاله غير عن كل الاصوات
وش غير ؟ حتى الغير ماهو مثيله
غير انت وصوتك غير والشوق مامات
وتلومني لاجيت قلبي اشيله
علاقتي وياك غير العلاقات
لو كان ماهي ياحبيبي طويله
اشره على الغالي عليك انت بالذات
والا الرخيص رخيص ماني بجي له

 

[الحنان كله]

رد: ياكثر شرهاتي عليك

كلمات مميزه


يسلمووو اااحمد

 

[أم الغالين]

رد: ياكثر شرهاتي عليك

[align=center][table1="width:95%;"][cell="filter:;"][align=center]
الكلمات راقت لى

الله يعطيك العافيه
[/align][/cell][/table1][/align]