يالله لا تخلي البلد من هل الديـن

[ابو فواز]

يالله لا تخلي البلد من هل الديـن

هم قدوةٍ للناس عقـب الصحابـه

ولادام عز الديـن حنـا قوييـن

والله يقـوي فالجزيـره شبابـه

اللي على منهج هل الخير ماشين

مافـات يـومٍ خايفيـنٍ عـذابـه

وأبا أنصح اللي يسمعون المواذين

جيـران بيـت الله ولا ليـذ بابـه

اللي ملهيهـم مزامـر شياطيـن

اللي ضمايرهـم دخلهـا صلابـه

صلوا مع اللي فالمساجد مصليـن

في طاعة اللـي مرتجيـنٍ ثوابـه

وياللي تركت الدين بالله على وين

ماقدمـك الا مسكـنٍ يندعـا بـه

يبنى علاك الطين مابـان جاليـن

جرفٍ يجي مترين يهـدم ترابـه

أول منازلنا على الشيـن والزيـن

والله يهوّن وحشة اللي لجـا بـه

وحنا طروشٍ بالركايـب مقفّيـن

كـلٍ يـزوّد يالنشامـا زهـابـه

قدام يـومٍ للمـلا شيّـب العيـن

ليا لفـاه العبـد نــوّخ ركـابـه

فتّش زهابه والجـوارح براهيـن

واللي وراه من المحاصيل جابـه

خفّت موازيـنٍ وثقلـت موازيـن

وراع العمل فالآخره ينجـزا بـه

ناسٍ شقيّيـنٍ ونـاسٍ سعيديـن

وكلٍّ على المكتـوب سلّـم كتابـه

ويفـوز بالجنـه عبـادٍ تقيّـيـن

الكـل منهـم سلسبيـلٍ شرابـه

والغافل اللي يقسم الوقت قسميـن

وبينه وبين الدين مثـل الضبابـه

لا بد ما يرجع على الحـق ويليـن

مثل المريض اللي يداوي صوابـه

ويقول من نومة هل الكهف واعين

رديت قلبي عـن عـذابٍ شقابـه

ياليتني طعت الولي من هك الحين

ورديت قلبي عن عذابٍ لهـا بـه

وحنا مع الدنيا عن الدين لاهيـن

الصبح لايصعـب علانـا جوابـه

لمطارد الدنيـا عيـالٍ نشيطيـن

وعجّل علانا الوقت محـدٍ درابـه

والله يعز أهل الوطن قولوا آميـن

والدين حظ اللـي تحلّـى بآدابـه

لشاعر : مرير الحبيل

 

[الصبر]

رد: يالله لا تخلي البلد من هل الديـن

ماشاء الله عليك اخي الكريم ابو فواز بارك الله فيك

 

[صديقة ذوي الإعاقة]

رد: يالله لا تخلي البلد من هل الديـن

فعلا الله يخلي لنا اهل الدين جزيتم الجنة

 

[إحسـاسي]

رد: يالله لا تخلي البلد من هل الديـن

يالله لا تخلي البلد من هل الديـن


والدين حظ اللـي تحلّـى بآدابـه

اللهم آمين
بارك الله فيك اخي ابو فواز
إنتقاء أكثر من رااائع
وفقك الله وأسعدك "​

 

[ابو فواز]

رد: يالله لا تخلي البلد من هل الديـن

وبارك الله فيك اخي الصبر
شرفني تواجدك الله يعطيك الصحة والعافية
شكري واحترامي وتقديري لك

 

[ابو فواز]

رد: يالله لا تخلي البلد من هل الديـن

اللهم أمين
وجزيتي الجنه اختنا بصمه ووالديك وكل مسلم
شرفني تواجدك وكل الشكر لك على المرور والتقييم
احترامي وتقديري لك

 

[ابو فواز]

رد: يالله لا تخلي البلد من هل الديـن

ووفقك الله واسعدك اختنا احساسي
شرفني تواجدك الاروع وكل الشكر لك على المرور والتقييم
احترامي وتقديري لك