ياليل تكفي .. ظمني ما عاد فيني للجراح

[الفرحان]

يـاوقت.. يكفي مابقى للعمر كثر اللي مضـا
تعبت أجـامل غربتي وأشكي همومي للوطن
لمحتني (ساكت) ترى ماكل من يسكت رضا
مجبـور أصارع بلوتـي مدامها .. لعبة زمن



ماعاد فيني .." أبتسم " مدام هالدمعه .. [ سلاح ]
ماعاد فيني أبتسم وأخفي ! همومي والحزن !


ومدام فكري أقتنع يرفض مبادئ..هالكفاح
بأقتل شعوري وأدفنه وأخلي أحساسي كفن




| ياليل |
تكفى ضمني .. ماعــاد فيني للجـراح .!!
| تعبت |
أجامل وأنتظر .. زود المصايب والمحن .!!




الله وأكبر × يازمن × وشلون قلبي [ما أستراح ]
( العيب فيني ) ياترى ولا ( العيوب من الزمن )



اللي بغيته
مالفى ..وأقفـا على دربه وراح .!
واللي رفضته
مارحل يضحك وانا عيوني بكن .!



لاصار " حظي مركبه " تبقى المصيبه .. ! بالرياح !
تجري " الرياح العاصفه " في عكس ..ماتمشي السفن




الـهـم أصبح لي ..( وطن )
والجرح أصبح لي .. ( وشاح )
وياجرح ماعاد أحتمل مامدام لأهمومي وطن


أحس بظلوعي قفص والطير مكسور الجناح
وأحس بعيوني دمع مسجون .. في داخل جفن


والليل قرب ينتهي ويزول في وقت الصباح
وانا وليلي نكتفي بس المواجــع ما اكتفن


ماعاد لأسراري بلد والحزن دمرها وباح
ولاعاد فيني أبتسم وأخفي همومي والحزن







ماكل من يشكي " ألـم " صار مظلــوم
مظلوم من كان الألـم فيـه [شكوهـ]

مما اعجبني​

 

[بنت قحطان]

رد: ياليل تكفي .. ظمني ما عاد فيني للجراح

فعلا قصيده قمه بل تميز
اهنئك على حسن اختيارك لهذه
الذائقه الفذه والروعه
الى الامااااااام
تقبل تحياتي

 

[الحنان كله]

رد: ياليل تكفي .. ظمني ما عاد فيني للجراح

يعطيك الف عافية اخوي الفرحان كلمات جميلة تشكر على نقلها لنا

 

[الفرحان]

رد: ياليل تكفي .. ظمني ما عاد فيني للجراح

فعلا قصيده قمه بل تميز
اهنئك على حسن اختيارك لهذه
الذائقه الفذه والروعه
الى الامااااااام
تقبل تحياتي

أشكرك اختي العزيزة على تشجيعك وتحفيزك لي ومشكوره من اعماق قلبي على مرورك الكريم وتشريفك لمتصفحي مع أطيب تمنياتي لكِ بالتوفيق أختاه .

 

[الفرحان]

رد: ياليل تكفي .. ظمني ما عاد فيني للجراح

يعطيك الف عافية اخوي الفرحان كلمات جميلة تشكر على نقلها لنا

الله يعافيك اختاه على مرورك الكريم وتشريفك الرائع لمتصفحي وأشكرك من أعماق قلبي على تفاعلك الرائع معي ومع أعضاء المنتدى , واتمنى لكِ التوفيق