ياناس حنا نشحذ ولا وش السالفه

[أم بدر]

بسم الله الرحمن الرحيم

بصراحه مايجري من تعامل مع ذوي الاحتاياجات الخاصه شي مخزي ومخجل في نفس الوقت

ووالله ثم والله انهم مسئولون امام الله عما يفعلون

لي أخت تعاني من أعاقه ذهنيه ولي اكثر من سنه وانا اركض لها مره للضمان ومره للتاهيل الشامل
الحمدلله الضمان صرف بس بقي التأهيل الشامل وقد اقر لها 1166 ريال شهريا

رحت امس للمركز النسائي استفسر عن موعد صرف البطاقات

طبعا كني داخله على مدري مين
اول مادخلت كانت امراه فوق ال50 من العمر
قالت نعم قلت بخاطري بدايه تبشر بالخير
قلت اختي ابي استفسر عن البطاقات قالت حنا مو قلنا نكلمكم
لسا مانزلت قلت طيب متى بتنزل
قالت شهر شهرين مايحتاج تجين لا جت حنا نكلمكم
قلت طيب كيف تستلمها
قالت تحضر هي وابوها
قلت ابوها عمره فوق 80 شايب ومريض
ينفع اخوها وامها وانا اختها نجي معها
قالت واذا شايب ومريض يجي!!!!!!

الحين وش الحل كيف اسوي يعني اخوها الكبير مو كافي؟

 

[بنت مكة]

رد: ياناس حنا نشحذ ولا وش السالفه

والله أختي الكريمه حاسه في معاناتك ومعاناة أختك الله يعين بس طالما قالوا لازم

الوالد يحضر خلاص أمر منتهي لأنها حالتي شلل رباعي ماأخرج من البيت بالشهور

يعني للشديد القوي بس لو طلبوني لازم أحضر وماينفع أحد غيري مهما قلنا وعدنا

 

[عيسى محمد]

رد: ياناس حنا نشحذ ولا وش السالفه

اختي حياك الله بين اخوانك واخواتك
والله يا اختي مافيه حل الا عند رب العالمين
خلاص المسؤولون بالدوائر الحكوميه مسعورين

تحيه من القلب لشعب مصر

 

[صديقة ذوي الإعاقة]

رد: ياناس حنا نشحذ ولا وش السالفه

والله ودك يعطون هذولي الموظفات دورة في حسن التعامل


المفروض يكون فيه مراقبة على الموظفين والتشديد على حسن التعامل


ماتخاف أن ربي يبلاه ببلوى ولا دعوة مجابة من هذي المسكينة

 

[عبيد]

رد: ياناس حنا نشحذ ولا وش السالفه

تحيه من القلب لشعب مصر

 

[قاهر اليأس]

رد: ياناس حنا نشحذ ولا وش السالفه

على قولت اختى بصمه ماتخاف من دعوه يندعى عليها وتنبلى فيها .. بعدين ماعليك منها ترى صرف البطايق اول شهر اربعه هذه الجاى اختى انتى تابعى المنتدى وراح اتعرفين متى تصرف البطايق اذا انصرفت راح نعلن بالمنتدى من اول يوم صرف البطايق راح تشوفين ناشرين الخبر عندنا هنا ان شاء الله

 

[أم مشآري]

رد: ياناس حنا نشحذ ولا وش السالفه

[align=center]اختي خلي الوالد الله يشفيه يسوي وكاله لاخوك بالنيابه عنه وكذا تقدرون تسدون حلوقهم ولا يقدرون يقولون شي
وتقدرون تستفيدون بهالوكاله بكل مكان بدون حضور الوالد اخوك اذا اخذ الوكاله خلاص مافي داعي انكم تتعبون الوالد وتآخذونه معكم
الله يكون بعونكم يآرب[/align]

 

[الدحمي]

رد: ياناس حنا نشحذ ولا وش السالفه

حسبي الله ونعم الوكيل