((ايضاً يا ابوي يا امي ))

[عاشق الجنان]

يا ابوي يا امي يابعد كل هالناس
ياقلب ينبض بالمحبه والإحساس
يامن غلاكم في حياتي حياتي
يسري بصدري مثل ترديد الأنفاس
لوقلت لك يا أبوي عمري لك هديه
واقدمه لجلك براحة يديا
ماظني بوفي ربع فضلك عليا
لأنك عطيت الحب من غير مقياس
أمي حنانك في عروقي ودمي
وان شفتك انسى كل ضيقي وهمي
وان قلت امي وامي وامي
تتبسم أيامي ولا أحس باليأس
علمتني يا ابوي معنى السعاده
واهديتني من طيب قلبك قلاده
فيك الوفاء يلقى وطنه وبلاده
وانت الوطن اللي عشت له رافع الراس
يا امي ياوجه النور والضي والخير
بيدك سنيني ياسنيني غدت غير
مهما كبرت ابقى وسط عينك صغير
وابقى بقلبك غير عن كل هالناس
لاحرمني الله من غلاكم ومنكم
والله يبعد ضيق الأيام عنكم
بدعي عسى الرحمن دوم يحفظكم
يابهجة الدنيا ويا كل الإحساس​

ربي يخليكم ليــآ ., ♥
​

آخوكم الوحيد​

</B></I>

 

[إنسان آخر]

رد: ((ايضاً يا ابوي يا امي ))

كلمات جميلة أخي الوحيد
ودمتَ بود

 

[نور]

رد: ((ايضاً يا ابوي يا امي ))

ربي يخلي لكم ابوك وامك . ويرحم والداي

بجد مشتااااااااااااااااااااااقة انطق هذي الكلمتين الغاليتين


موفق وحيد

 

[الحنان كله]

رد: ((ايضاً يا ابوي يا امي ))

كلمات جميله

يسلمو الوحيد

 

[عاشق الجنان]

رد: ((ايضاً يا ابوي يا امي ))

ربي يخلي لكم ابوك وامك . ويرحم والداي

بجد مشتااااااااااااااااااااااقة انطق هذي الكلمتين الغاليتين


موفق وحيد

اختي نور يعلم الله انني دائما ادعيلك
يشهد الله انني احترمك واقدرك كأختي الكبيرة
واسال الله ان يجمعك بوالديك في جنة الفردوس
وجميع الاعضاء والمسلمين

واسال الله ان يرزقك الذرية الصالحة
وفقك الله اختي​

 

[عاشق الجنان]

رد: ((ايضاً يا ابوي يا امي ))

انسان اخر



الحنان كله


ربي يحفظكم ويوفقكم



اخوكم الوحيد​