يمه يايمه

[الحنان كله]

لاقلت يمه حنان الاسم يكفيني
وشلون ضمت يدينك يابعد رأسي...
يمه يايمه دخيلك لا تخليني
محتاجه قربك وحضنك يابعد ناسي...
محتاجه عطفك دخيل الله ضميني
لاتتركيني لدنيا قلبها قاسي....
يالغاليه بشوق جيتك لاترديني
جيتك وخطوات رجلي تسبق أنفاسي..
محتاجه لك حيل ومحتاجه تلميني
من قسوة الوقت ومن تعذيبه القاسي...
أبي بعيونك عن احزاني تشيليني
وابي بحضنك أفارق هم وسواسي...
وأبي حنانك وكلماتك تغطيني
من مقدم الرجل لين اخر شعررأسي...
وأبي أحس بشعور منك يكسيني
عطف ومحبه وحنان دون مقياسي...
يمه كبرت وكبر هم الزمن فيني
ومن لوعة الوقت قلبي عايش يقاسي...
محتاجه حضنك أمانه لاتلوميني
محتاجه اعاود طفوله كلها أوناسي...
برجع الوقت وانسي اللي معنيني
يومي صغيره وحنانك ماليء كاسي...
يمه ذكرت الزمان الماضي بعيني
ماضي الطفوله السعيده وروعة إحساسي...
كم كنت أضمك وكم مره حضنتيني
وكم نام راسي على صدرك وهو ناسي...
وكم كنتي تبكين من فكر يبكيني
وكانت عيونك فداك القلب حراسي...
وكم كانت مناك دايم بس تشوفيني
احلى وأنظف " بنيه " بين جلاسي...
وياما وياما سهرتيلي تواسيني
لأونست ضيقه وزار الهم مجلاسي...
وكم كان حضنك عن الخلان يغنيني
وكم كان عشقك لفرحي ماله قياسي...
الله ياذاك الزمان شقد يحييني
ليته يعود وتعوووود أفراح وأماسي...
ياليتني ماكبرت ولاقسى ليني
وبقيت طفل همومه لعب وأكياااسي...
يالغاليه جيت لك شوقي يقديني
كبير لكن بقربك يصغر إحساااااسي...
يمه يايمه أنا بنيتك تحبيني
أدري وربي ولكن بقهره يأسي..
.بحطم الحزن فيني وأقهر سنيني
وبقول للهم "ياقلب العنى" ناسي...
بنسى عذابي بحضنك لاتهديني
من بعد حضنك يزيد الهم هوجاسي...
لاتتركيني وضمي يديك ليديني
لمسة كفوفك تبدد قسوة أتعاسي...
أبي أعاند زماني وظلمه الشيني
وأبي بقربك أرده عني الخاسي...
ياأعز ناسي وياكل الكون في عيني
ياملهمتني المحبه وصيت نوماسي...
يفداك عمري وروحي وكل مغليني
ويفداك كلي وأنا من رأسي لساسي...
ياأغلى غرام ربى داخل شراييني
وياأعذب شعور سكني وياأجمل إحساسي...
مما رااااق لي __________________

 

[زهرة الياسمين]

رد: يمه يايمه

منقوووووووووول رررررررائع
كل الشكررررررر يالحنان

 

[جذااااابه وحبي عذاااااااب]

رد: يمه يايمه

شكرررررررا فشكرا لكي خيتو
كلماااااااااااات لااستطيع ان احكم عليها
فهي كلمااااااات لاغلى من في هذا الكون
فمهما كتبنا وسطرنا من عذب الكلام
لانفيها حقهاااااااااااااااااا

 

[الحنان كله]

رد: يمه يايمه

غاليتي زهرررررره الياسمين شرفني مرورك ورودوكي الرائعه سلمت يداك
جذابه وحبي عذاب معاكي حق فالام هي اعظم من ان نعبرعن حبنا لها بالقصيد
ولكن نامل ان نفيها جزء بسيط من حقها بما نسطره من كلماااااااااااات تستحقها