أين موقع مركز التاهيل الشامل بالدمام؟

[السندباد]

السلام عليكم

انا ساكن جديد في الخبر .. وعندي معاملة لازم اخلصها في "مركز التاهيل الشامل بالدمام"

اللي يعرف يوصفه لي بالتفصيل .. لا يبخل علي .. واللي يقدر يستخدم جوجل خرائط .. الله يجزاه خير الجزاء

لاني ما اعرف الدمام زين

شكرا

 

[المتفائل]

رد: أين موقع مركز التاهيل الشامل بالدمام؟

[align=center]

التاهيل امام مجمع الامير سلطان عند حديقة الملك فهد بالدمام
رقم تأهيل 8320843 وانشااالله افدتك

[/align].............

 

[روح النسيم]

رد: أين موقع مركز التاهيل الشامل بالدمام؟

طريق الكباري انزل تحت قبل كلية التقنية بالدمام في لافتة مكتوب عليها مجمع الأمير سلطان للتأهيل لف يسار بتشوف على يمينك منتزه الملك فهد

بتشوفه على اليسار موجود

 

[السندباد]

رد: أين موقع مركز التاهيل الشامل بالدمام؟

طريق الكباري انزل تحت قبل كلية التقنية بالدمام في لافتة مكتوب عليها مجمع الأمير سلطان للتأهيل لف يسار بتشوف على يمينك منتزه الملك فهد

بتشوفه على اليسار موجود

اخوي انت وصفك وانا طالع من الدمام .. ولا طالع من الخبر ؟؟

 

[محمد أبو مصطفى]

رد: أين موقع مركز التاهيل الشامل بالدمام؟

السندباد المفروض عليه يدل كل مكان مثل اللي كنا نشاهده بالماضي هو وعلي بابا والعصفوره ياسمين

المهم عزيزي وأنت قادم من الخبر أو الظهران متجه للقصور الملكيه بعد ما تتعدى القصور بيجيك كوبري واصل طريقك بتلاقي بعد نزولك من الكوبري اللي بعد

القصور منفذ على اليمين شارع الخدمه يوديك لحديقة الملك فهد أخرج لهذا الشارع وفي نهاية الحديقه مدخل على اليمين أدخل وواصل طريقك وكلها بتلاقي

مركز الأمير سلطان للتأهيل على اليمين وعلى اليسار كليه المجتمع بالدمام واصل قليل بعد 200 متر تقريباً بتلاقي المركز النسائي على اليسار وبعده المركز

الخاص بالرجال خذ يوتيرن ( دوار ) وأرجع للفرع الرجال أو النسائي كما تريد

هااااااااه بشر وصلت الحين ترى ما يضيع

بالتوفيق

 

[السندباد]

رد: أين موقع مركز التاهيل الشامل بالدمام؟

مشكووووور أبو مصطفى

هذا الوصف الزين المضبوط

الحين اقدر اصير سندباد الشرقية