يوميات عائلة سعودية100%

[الامل المتجدد]

[] يوميات عائلة سعودية100% [/color]

[]أصحى من النوم بدري على أصوات العصافير قبل دوام الجامعه بساعتين ..أرتب سريري وغرفتي قبل لااطلع..أنزل تحت وأنا في الدرج أشم ريحة القهوه اللي تشق الخشم ..وألقى الوالده الله يحفظها مجهزه الفطور عبارة عن حليب وعصير برتقال فرش وبيض وجبن ولبنه ومرتدلا وكروسان جبنه وزعتريعني مثل فطور أي بيت..يجي الوالد الله يخليه لنا ياااارب ويجلس على طاولة الفطور ويتحلقوون اخواني واخواتي حوله ونجلس نفطر..وماما تجلس تلقمنا الفطور بيدها الله لايحرمني منها يااارررب..
بعدها يقول الوالد..يالاه ياحلوين على السياره أنا اللي بوصلكم للمدارس والجامعات..
نطلع بدري وطريق الملك فهد فاااااااضي مافيه الا حنا وسيارة اخوي..
أوصل للجامعه قبل ماتبدا المحاضره بساعه..أدخل الحرم الجامعي وأنا في قمة الروقان..أروح عند المرايات وأشييك على هندامي..أدخل القاعه وأجلس على كرسيي ريثما يجون البنات والدكتوره..بعد مايخلص الدوام..السيارة تنتظرني عند الباب..لأن البابا الله يحفظه راح يجيب اخواتي اللي بالمدارس..وطريق الملك فهد فاااااضي بعد تخبرون الموظفين مايطلعون الساعه12
أدخل البيت وأنا مروووقه.. أمر على ماما وبابا ألاقيهم يتقهوون الشاهي..وأجي امطخ راس الوالد وأجي عند راس امي وامطخه..
أطلع لغرفتي المرتبه النظيفه..أقييل شوي..العصر أصحى أنزل عند الوالده اساعدها في صب القهوه لاجوا صاحباتها..
المغرب أجلس أذاكر لاخوي حمودي..بعدين ارجع لدروسي واخللص شغلي قبل الساعه10..بعدين ننزل نتعشى سوا(كل أهل البيت يجتعمون على العشا)..ماتجي الساعه 12 الا وأنا في سابع نووووووومه..
هذا الله يسللمكم جدولي الكذبي..[/color]


أقوللكم جدولنا الصدزي..

تررررررن تررررررن<<تلفون موب منبه جوال
يرن المنبه الييييين ماينبح صوته<<محششه..تدخل العنود:سويره ووجع قوووومي الساعه 7 ونص؟؟!!!!
وانتي عارفة زحمات طريق الملك فهد..ترى ماعلي منتس أنا يوصلني لجامعتي قبلتس!!!
ساره تققححص والكشه طاااااااايره:لاتكفيييييين..عندي كويز اول محاضره وحالفه ذا العبده ماتعيده لأي ظرف كان<<تموون ع الدكتوره
بسرررعه أقوم وامعط لي أي بلوزه من الدولاب واخذ المشط وعدة المكياج في الشنطه<<عشان تصللح فيذاك..انزل للمطبخ ألقى قهوه مبطية في الدلة عقب امس ..مانيب اخالف اصب لي في كوب وآخذه معي اشربه في السياره<<الناس تآخذ معها كوب قهوه تركيه ,موكا ,كابتشينو
نرااااااكض كووودنا نلحق على أول محاضرة..نفتح باب الشارع..
وجعععع ويييين السياره؟؟؟
الى الحين ماخلص مشاوير المدارس؟؟!!نوقف عند الباب نحتري حضرت السواق يشررف<<خخخ يحسبون اذا وقفوا في الشارع بيجي بسررعه..وحننا نحنش: ذا الشايب نايم وبس مايقول أودي اللي في المدارس واخلي السواق لمشاوير الجامعات..
أنوااااااااع القلق الييين مانرمق السياره من بعد..
في طريق الملك فهد..قمممممة الزحححمه السيارات طوااابير ماتشوف احد يتحررك من شدة الزححمه وحوادث وحوووسه..
أصرررخ: ياالاثول رح مع طريق التخصصي..العنود:ياسلااااااام طريق التخصصي يعني يوديتس لعليشه لجامعتس يالنجسه؟؟؟؟؟لا لا روح للملز أول..
السواق وهو ينفخ ووجهه: عليسه دايم وددي أول..ملز مو دايم(الكلب فاازع مع العنود قبلها تعطيه بخشيش)

لاااااااااااااااااااااااااااااا..واتخييل شكل كبري الخليج والزحححمه اللي عنده وتجيني كآآآآآآآآآبه وضييقة صدرررر بس انطم وامري لله..
اوصل الجامعه مخرووووشه لعل وعسى الدكتوره تحضررني والا على الأقل تسمح لي ادخل ولو بدون حضور..

بعد مايخللص الدوام(الساعه12)أنطققق الى الساعه2!!يروح السواق يجيب أصحاب المدارس وحننا بالطقاق..(شوفوا الظلم)
في الطريق زحححححححمه مو طبيعيه (وقت خروج الموظفين)..والنفس شييييينه وددي أصففق هالعالم اللي حوولي..
العنود: ساره وش رايتس ننزل ميد نآخذ لنا مؤونه للطريق أو نآخذ لنا غدا من ماكدونالدز <<عاد طريقنا للبيت سفر ساعه كامله مع الزحمه
أنا:ايه تكفييييين ماااااك.. والله جوعااااانه..أبي بق ماك ..
نتغدى في السياره..وننام القيلوله ..ونحل واجباتنا<<عاد هذي قويه..وحننا مابعد وصلنا..
ننزل للبيت:آآآآآه الحمدلله على السلااامه..
أدخل البيت ماأكللم أحد..وااااصله معي ودااايخه نوووم ..عساني بس اوصل غرفتي..
أدخل غرفتي الجميله أنوااااااع الحوووسه..أحبي الين ماووصل سريري(ارهاااق مااقوى امشي)
أذب نفسي على السرير..واطقها نوووومه اليييييييين الساعه11 الليل..
الساعه11..واااااااو أححسن حزه عندنا في البيت..الكل توه يصحصح من نومة الظهر..وننزل متجهين لغرفة المعيشه ..من الجوع نحط الشاهي والقهوه والعشا مع بعض.. ونقعد سوالييف وحشش(عاد أيام الدراسه تكثر السواليف والحشش بحكم ان عندنا في البيت طلاب مدارس وجامعات ومدرسات وكللن يجيب اللي ورا آذانه)
هالقعده تآخذ تقريبا 4ساعات..على الساعه 3 كلن يرجع غرفته اللي تحل واجباتها واللي تدخل نت واللي تكللم بالتلفون وووووالخ
بعد الفجر كلن يدوور مخدته..ونخمممممد الى وقت الدوامات..[/

 

[فالح عبدالله الهاجري]

رد: يوميات عائلة سعودية100%

صورة لطاش ماطاش تصلح حلقه مع اضافه بعض البهارات
ماشاء الله على سرد الحكايه واقعيه ووراهم مايحطون طريق الملك فهد دورين وتفتكون من الزحمه
شكرا لك اختنا الامل المتجدد
والله يوفقك

 

[الساهر]

رد: يوميات عائلة سعودية100%

ههههههااااااااااااااااااااااااي الله يرج سوالفك ياأختي قصة حلوة وشيقة من كل قلبي اتمنى لك المزيد من التقدم والإستمرار تحياتي لك اخوك الساهر

 

[الامل المتجدد]

رد: يوميات عائلة سعودية100%

صورة لطاش ماطاش تصلح حلقه مع اضافه بعض البهارات
ماشاء الله على سرد الحكايه واقعيه ووراهم مايحطون طريق الملك فهد دورين وتفتكون من الزحمه
شكرا لك اختنا الامل المتجدد
والله يوفقك

والله كل يوم متره طريق الملك فهد لدوام وكل يوم تجيني فكره الصباح يهومن عند الظهر
بس ماراح اعطي القصه لطاش ليه ؟؟؟؟؟ الشاطر يجاوب

 

[الامل المتجدد]

رد: يوميات عائلة سعودية100%

ههههههااااااااااااااااااااااااي الله يرج سوالفك ياأختي قصة حلوة وشيقة من كل قلبي اتمنى لك المزيد من التقدم والإستمرار تحياتي لك اخوك الساهر

عجبتك من جد ههههههه
ابعصر مخي واطلعلك وحده ثانيه ارجك فيها:d :d

مشكورين على مروركم