زيادة الضمان والا اعانة العاطلين

[جوانا]

مساء الخير

حبيت اطرح عليكم سالفتي وابي مشورتكم

وشسمه انا مع امي بالضمان الاجتماعي تقريبا يجيني 300 مدري ميتين وشوي
المهم زواجي فبداية شهر خمسة الله يتممه على خير
وانا عااطلة يعني ان شاء ان شاء تشملني اعانة العاطلين
فقاعده اقول لامي شيلي اسمي من الضمان عشان تجيني الاعانه
وحسيت امي ماودها تشيل اسمي الحين تبي تستفيد من الزياده هالشهر
وانا خايفه ان هالشهر ذا اللي يتحققون من انك عاطل يشوفوني بالضمان
ويسحبون علي مايعطوني اعانة عاطله
واقول بستعجل اشيله
وامي تقول هم يقصدون بالمستفيده من الضمان مثل اللي تعدت 30
والا مطلقه وارمله اللي يصرفلهم 800 ماهوب انتي اللي يصرفلك ميتين


وش رايكم خصوصا اني اصلا خلاص كلها شهر وبطير من الضمان ..

 

[ابن ز ا ا ا ا يد]

رد: زيادة الضمان والا اعانة العاطلين

ههههههههههه
الف مبروك
اختي
خلي امك تستفيد الحين ونتي سجلي بعدين
وعلى قولتهم مساعده العاطلين
مافيه
الى بعد سنه ان الله اطال فيناء بعمر

ونتي شوفي بعد
اقتراح لخوان
مابيقصرون معك
بالتوفيق

 

[الطنبر]

رد: زيادة الضمان والا اعانة العاطلين

الله يرزقكم من واسع فضله

 

[واثق الخطوة]

رد: زيادة الضمان والا اعانة العاطلين

كلام امك صح انتي مضافه معها منتي صاحب المعاش الاصليه
وبعدين اعانه العاطلين توها بالآول يبحثون لك عن وظيفه وذا حصلو كلموك وقالولك
وذا ماحصلو وظيفة تناسب مؤهلاتك ذيك الساعه يصرفون لك اعانة
اسأل الله ان يرزقكم من واسع فضله



​

 

[تيفو]

رد: زيادة الضمان والا اعانة العاطلين

على كذآ نفهم آللى يستلم من آلـتآهيل مآلهم نصيب في آعآنه العأطلين . . .؟؟؟

 

[الاثير]

رد: زيادة الضمان والا اعانة العاطلين

اخت جوانا انا سئلت مكتب العمل عن الي ياخذ ضمان قال ياخذ اعانت العاطلين بس الي ياخذراتب تقاعد سواء من مصلحة التقاعد او التئمينات ما يستحق انشاء الله يكون كلام الموضف صدق والله يتمم لك زواجك ويوفقك

 

[جوانا]

رد: زيادة الضمان والا اعانة العاطلين

[align=center]
8
8
ايه انا قارية لمسؤل نسيت منهو وش مهمته بس المهم قال العاطلين مايستلمون
من دائرتين حكوميتين لازم من جهه وحده بس.


مشكورين على ردودكم طيب هم قالو ثلاثة شهور تحقيق
يعني الشهر اللي راح وذا والجاي <<<اذا مانيب غلطانه
وبعدها يرفعونها للمالية ثلاثة شهور ثم لمدري وين اربعه شهور
ثم بعدها تنزل الاعانة بشهر واحد ان الله احيانا
يعني المده من الحين الى شهر واحد هي نفس المده المقسمة بين المالية والعمل الخ
[/align]

 

[عذبتني عيونه]

رد: زيادة الضمان والا اعانة العاطلين

هلابك جوانا انا مع اخوي الأثير يعني راح تشملك اعانة العاطلين لأنو انتي مو مستفيده من الضمان انتي بس مضافة بالكرت مع امك الله يخليها لك
يعني خلي الوالده تستفيد وانتي راح تستفيدي من اعانة العاطلين لاتخافي
الله يسعدك ويتمم لك زواجك على خير
تحياتي لك

 

[جوانا]

رد: زيادة الضمان والا اعانة العاطلين

اخت جوانا انا سئلت مكتب العمل عن الي ياخذ ضمان قال ياخذ اعانت العاطلين بس الي ياخذراتب تقاعد سواء من مصلحة التقاعد او التئمينات ما يستحق انشاء الله يكون كلام الموضف صدق والله يتمم لك زواجك ويوفقك

الله يبشرك بالخير ويارب يكون كلامه في محله

يعطيك العافية

 

[جوانا]

رد: زيادة الضمان والا اعانة العاطلين

هلابك جوانا انا مع اخوي الأثير يعني راح تشملك اعانة العاطلين لأنو انتي مو مستفيده من الضمان انتي بس مضافة بالكرت مع امك الله يخليها لك
يعني خلي الوالده تستفيد وانتي راح تستفيدي من اعانة العاطلين لاتخافي
الله يسعدك ويتمم لك زواجك على خير
تحياتي لك

الله يسعدك يارب تسلمين
وان شاء الله انه يصير مثل ماقلتو ..

 

[مرزوق]

رد: زيادة الضمان والا اعانة العاطلين

اللي مسجل بالتاهيل ياخذ من اعانات العاطلين

 

[مرزوق]

رد: زيادة الضمان والا اعانة العاطلين

اللي يعرف يردلي

 

[رضاك ياربي غايتي]

رد: زيادة الضمان والا اعانة العاطلين

ههههههههههههههههه

خلي امك تستفيد

وانتي عرسك قريب وبيعوضك جوزك عن الالفين:confused1::confused1::confused1:

 

[بنت مكة]

رد: زيادة الضمان والا اعانة العاطلين

[align=center][table1="width:95%;"][cell="filter:;"][align=center]
ربي يرزقك ويرزق الجميع من واسع فضله
[/align][/cell][/table1][/align]​

 

[قاهر اليأس]

رد: زيادة الضمان والا اعانة العاطلين

ان بغيتى النصيحه خلك مع امك هذولا اعانتهم البطاله على قولتهم سنه سنه وتنقطع بس اما انتى مضيوفه مع امك انفع لكم تجى زيادات بالعيد وتجي مكرمه تنفعكم احسن لك من اعانه مدتها سنه وتنقطع ويسقط اسم من كرت العائله حرام بعدين تفلسين من اعانة العاطلين لن مدتها سنه بس ومن اسمك مع امك واسمك مع امك يجيكم شى دايم راتب دايم اما العاطلين سنه وتنقطع وبعدها مالك شي لا بالضمان ولا العاطلين الافضل مع امك

 

[جوانا]

رد: زيادة الضمان والا اعانة العاطلين

ههههههههههههههههه

خلي امك تستفيد

وانتي عرسك قريب وبيعوضك جوزك عن الالفين:confused1::confused1::confused1:

لا والله ياختي مانيب رافسة النعمة دامني متخرجه وعاطله والاعانة ذي من حقي :5:


ياختي اذا بنعتمد على الزوج( المقصوم ظهره بالاقساط والايجار ) كان ماشفتي الطقاق على الوضايف
كان كل وحده جلست فبيتها وقالت زوجي يصرف علي !! والا يعني وقفت علينا :5:

يعطيك العافية خيتو

 

[جوانا]

رد: زيادة الضمان والا اعانة العاطلين

مرزوق في ردي اللي قبل قلت انه قريت لمسؤل يقول ماتستلمون
من دائرتين حكوميتين ...هذا اللي خلاني اطرح لكم استفساري
وجاوبو بعض الاعضاء ان الضمان عادي
لكن مدري والله التأهيل معهم والا



بنت مكه
الله يجزاك خير وياك يارب

ان بغيتى النصيحه خلك مع امك هذولا اعانتهم البطاله على قولتهم سنه سنه وتنقطع بس اما انتى مضيوفه مع امك انفع لكم تجى زيادات بالعيد وتجي مكرمه تنفعكم احسن لك من اعانه مدتها سنه وتنقطع ويسقط اسم من كرت العائله حرام بعدين تفلسين من اعانة العاطلين لن مدتها سنه بس ومن اسمك مع امك واسمك مع امك يجيكم شى دايم راتب دايم اما العاطلين سنه وتنقطع وبعدها مالك شي لا بالضمان ولا العاطلين الافضل مع امك

قاهر انا اصلا خلاص هذا اخر شهر لي بالضمان لاني بتزوج

بس امي تقول دام فيه زياده لاتشيلين اسمك اللايام ذي الين تجينا الزياده حقت الشهر
وبعدها شيليه يعني تبي تستفيد من الزياده عرفت ؟

وانا خوفي ان الايام ذي هي بيكون فيها التحقيق عرفت !

 

[عبدالله الغيلاني]

رد: زيادة الضمان والا اعانة العاطلين

الله يرزقكم من واسع فضله

 

[التفاؤل والأمل]

رد: زيادة الضمان والا اعانة العاطلين

الله يوفقك ويبارك لك بزواجك وربي يسعدك بحياتك الجديدة...

 

[مرزوق]

رد: زيادة الضمان والا اعانة العاطلين

شكرا جوانا والله يعطيك الصحه والعافيه