المنزلق هل يركب على هوندا اوديسي

[دلال الخالدي]

السلام عليكم انا عندي ابن معاق عمره 8 سنوات معه صلب مشقوق على كرسي متحرك وتعبنا جدا من شيله وتركيبه السياره ابغا اجيب له سياره فيها منزلق وقررت على الاوديسي لكن اذا كلمت شركات تجهيز الرافعات والمنزلقات يقولون الاوديسي مانقدر نركب عليها واذا وريتهم صور من النت لاودسي فيها منزلق قالو هذي من شركة هوندا نفسها ومدري احس فيه تلاعب لان سعر المنزلق ارخص من الرافعه اللي تركب على الاتش ون فهم يمكن يبغوني اخذ اتش ون سؤالي: هل فعلا المنزلق وتجهيز مكان للعربه في السياره مايسوونه المحلات اللي يركبون الرافعات وتجهيز سيارات المعاقين. واذا فعلا ماتركب وش السيارات اللي يركب عليها المنزلق لاني مابغا رافعه ابغا منزلق ومن يركبها وجزاكم الله كل خير

[ضوء القمر]

رد: المنزلق هل يركب على هوندا اوديسي

مااعرف شي عن السيارات للأسف

بس الآن مافي شي مستحيل لو تبي السيارة تصير طيارة سواها لك بس هلى حسب فلوسك وكم تدفع

يجي من يفيدك اصحاب الخبرة

موفق

[محمد العمري]

رد: المنزلق هل يركب على هوندا اوديسي

المنزلق تحصلون انواع (المنزلق قطعه وحدة) ويتصفط تحصلونها في بعض محلات التجهيزات الطبية وسعرها اقل من الف ريال اشتروها وشوفوا لكم ورشة حدادة تثبتها في السيارة ترهيم بالنسبة للهوندا الاوديسي فهي نازلة تحت من الأرض وعرض الباب الجانبي قرابة ثمانين سم
اما فان الاتش ون فما يصلح المنحدر فيه لأنه مرتفع من الأرض بالعادة يركبون له رافعه من الخلف ولا انصح فيه .