ياهاجِـر القلب الذي ضمّك بأحضـانه [تعــال]
ودّي تسامر ليلتـي .. ملّيـت من جـور السنيــن

شفني ســريـت بـ حيـرتي .. أسـامــر همـوم الجـبــال
حتى الجـبــال همـومهـا فــاضــــت ويملاها الحنيــن

ملّيت أقــــول اني جفيــت .../ والحـب فيني لايَـزَال
ملّيت أقــــول اني نسيــت ... / والشوق فيني له ونيـن

هـمّـي تزايد .. والدّمِع قطّـر على خدّي و ســال
والجَـرح ساكن خافقـي .. شفني ترى حالي حزيــن

كِـل من يناظـر دمعتي يرسم على وجهه ســؤال !!!
وش فيها مـاليها الحزن ، ليه الأَلَم فيها دفيــن ؟!!

حتى الطِــفـل ياهاجري ميّل على أمــه وقــــال :
[ياماما يمكن عِينَها فيها وجع .. شـوفيـهـا زين!]

كِـل الأوادم يـا 'فلان' حنّت على حــالـي العضــال
إلا انت عنّي ماسَأَلْت !..! وش فيه قلبك مايليــن ؟!!