: 0
: 1
تويت
ما أدري من وين أبدأ أو بأي شيء استفتح كلامي .
لكن كنت أتصفح المواقع ومره أخش نقاش جاد ومره أسوي خطمات لقافه ومره أسوي نفسي مثقف أقرأ الصحف والمقالات اليوميه بس حليمه مظفر ما اقرالها >>مير مادرت عنك ..
المهم وأنا قاعد أحربش وأفتش في الجرايد حصلت أمر ملكي بإعفاء الإعلاميتين روزانا اليامي وإيمان رجب بعد تورطهما في قضية المجاهر بالرذيله ..
ما أخبي عليكم بصراحة ربنا ، أنا ماصدقت الخبر وقلت مايسويها أبومتعب ..! >>أحلف
لكن تأكد لي >> وخلو بالكم من تأكد لي لأني تعبان عليها ههههههههههههههههههه
تأكد لي ياجماعة الخير إن الخبر صحيح وإنصدمت والله من أبو متعب وقلت ياسبحان الله أمر ملكي بجلالة قدره أمر ملكي >>
والله ومير يشلع فيني إلتماس في فيوز الذاكره ((الميموري)) وأنا اللي أذكر فتاة القطيف وقضيتها >>لا تتهور
فقد حصل معها مثل ما حصل مع الإعلاميتين ،، وصدر بحقها أمر ملكي يعفيها من طبيق الشرع عليها >>بريك ياولد
من جد حسيت وقتها بغصه في حلقي لأني أكلت قطعة تفاحه كبيره شوي بس الحمد لله شربت تويكس وراحت الغصه >>فاصل ونواصل
ولأني من يوم إني كنت صغير كانوا يقولون عني صريح بفقشها وأطلع اللي في نفسي وذلك من مبدأ حرية التعبير >> إيه هين
بصراحة ماهقيتها منك يا ملكنا ، وماني مصدق اللي قاعد يصير >> عمرك ماصدّقت new14
أنا مستغرب من شيء واحد بس >> وش جاب طاري الحاير ولا أنا يتهيأ لي إني سمعت الحاير ههههههههههه
ما علينا نكمل سواليفنا >>
أنا ابي أعرف بس ليش ليش ..؟؟ >>عصبت
أنا ودي أعرف ليش تتدخل السلطة العليا في مثل هذه القضايا التي تُعتبر أقل من عادية وكان الشرع أولى بأن يحكم فيها بما أنزل الله ..>>لا كذا زودتها
وفوق كل اللي صار أقول الله يحفظ لنا ملكنا ويبعد عنه البطانه الفاسده >> أظن كذا مافيه داعي للحاير
لكن أرجع وأقول ما هقيتها الله مير يسلمك ياخادم الحرمين ،، ليش ما أصدرت أمر ملكي بسرعة تنفيذ جميع القرارات التي صدرت سابقاً لرعاية المعاقين وتحسين أحوالهم ،،
واللي بعد يخليني أزعل عليك الله مير يطولنا بعمرك ليش نسيت المجلس الأعلى للمعاقين ..>>
وتبيني ما أزعل عليك بعد >> هيه هيه أصحى يا إبني
إلا على طاري الزعل ما تذكر قبل يوم تقول اصرفوا للمعاقين سيارات ..؟
أتحداك وش صار بعد ما قلت أصرفوا لهم ..؟ (وعلشان أبسط لك اكثر إختر الإجابه الصحيحه )
أ) مسكوهم الباب ..!
ب) عطوهم الخامس ..!
ج) كل ماسبق ..!
والله من معزتك عندي يابو متعب حبيت أفضفض لك شوي >>شدعوى قاعد قدامك هو
المهم بس تراني أتحرى منك يا طويل العمر وقفه أب مع أبنائه ليس لمجرد التصوير معهم ونشرها في الجرايد والتلفزيون وإنما لإحقاق الحق وإعطائه لأصحابه >>أبوك ياللغه العربيه الفصحى new14
بقي شي ماني قادر أفهمه ..!
قضية الإعلاميتين جديده ولم يمضي عليها سوا شهر أو كحد أقصى شهرين واستطعتم سماع صوتهن واستجبتم فوراً لندائهن ..
والمعاقين لهم سنوات ينادون بأعلى صوت ويكابدون ويعانون ويستنجدون بكم ولم تسمعوا ندائهم ..؟
هل السبب هو ؟؟ ( وعلشان أبسط لك أكثر إختر الإجابه الصحيه )
أ) خلهم يولون ..
ب) قلعتهم ..
ج) كل ماسبق ..
للإشتراك في المسابقة إتصلو على صفر مائتين ثلاث تسعات ..!
******
خربشات ابن جلال والله يستر من تاليها
تعليق