: 7
: 35
تويت
صباح الخير عليكم جميعا
انا من زمان لي فتره طويله و انا اشوف ردود و مواضيع عضوه مشاركه في هالمنتدى و عارف ان فيها لو الشيء البسيط من الاعاقه ولا يهمني هالشيء صراحه
و مستحيل هالشيء يمنعني من الارتباط في انسانه دخلت مزاجي ولا همني كثير و الحمدلله اذا ان حركتها مره ما تسمح عاد الشغالات ماليات البيوت و الخادمات
ما قصروا و ماهي مشكله , فكرت في هالشيء من جميع النواحي والله العظيم و خاصه هالعضوه ابي ارتبط فيها وانا الحمدلله ما فيني اعاقه ابدا و لله الحمد
و عمري داخل 30 سنه و موظف وظيفه حكوميه امنيه ما في داعي ذكر اسم الوظيفه بالتفصيل , حسيت بحنان و رغبة اني اكون مع هالانسانه و احساسي دليلي و
ماني مثل البعض قليل حيله او ماله نظره او ما علمته الحياه و اعرف الدنيا و خبرتي اكبر من عمري . و قراراتي ما فيه احد يتدخل فيها مهما كان .
سؤالي هو اذا صار ارتباط او الله كتب شيء في شخص ما فيه اعاقه مع انسانه فيها اعاقه هل ممكن مع الايام تصير تفكر او تهوجس ان زوجها راح يشوف نفسه
عليها ؟ هل ممكن اذا زعل منها في يوم من الايام او صار نجره بالبيت راح تفكر و تقول يمكن زوجي ما يحبني ؟ يمكن انا مو قده ؟ يمكن و يمكن من هالاسئله
اللي انا انقهر منها او اتضايق منها ولا ابيها تصير ابدا بحياتها مع العلم اني احبها لكن بسبب اعاقتها ممكن تتخذ الامور مجرى ثاني و تصير حساسه مني او من
حركه عفويه اسويها و هالشيء ما اطيقه و اكرهه ؟؟؟؟؟ العضوه هاذي انا واثق من ادبها وواثق من جمالها و عندي ثقه اني اعطيها مثل ما اعطي الغير معاقه
و لكن اللي موجود هالحين هو ( كلام الناس ) <<<<< هذا هو اللي موجود و اللي حاصل و نظرة الناس و انا ما همني اكبر شنب و عن نفسي الحمدلله اللي لسانه
طويل معي انا بالذات و عني انا بالذات ينقصر لسانه لو طوله مترين . والله العظيم و شاهد على النيه اني صادق و كلمت الاهل و الوالده و قالت من فتره الخيار
يرجع لك و هاذي حياتك و الحمدلله انها عطتني الضوء الاخضر اني اختار بنفسي رغم انه بداخلها تبي تزوجني و اشوفها بعض الاحيان تسوي تلميح لكن انا ما ابي
و ابي اسوي اللي يريحني و بمزاجي . واحد من اصدقاء العمل متزوج من وحده فيها اعاقه و اشوفه مستانس !! اقسم بالله انه يقول ان حياتي في سعاده !؟؟؟
المهم دخلنا في تفاصيل اكثر من كذا و خلاني اعرف اشياء مو محسوبه عندي و كلامه منطقي بكل شيء . طبعا انا تزوجت وحده و ما دخلت عليها بس سويت الملكه
و صراحه قابلتها في بيت اهلها مرتين تقريبا و صار بيننا اشياء و اضطريت اعترف للشيخ وقت الطلاق لانه حرام لازم يكون لها عده رغم اللي صار بيننا مو شيء
قوي بس اضطريت اقول للشيخ و انحرجت لان ابوها كان معي و الشيخ الله يهديه سأل ابوها اول شيء و قال لا يا شيخ ما صار شيء , و بعدها سألني و قلت له صار
و ضاع وجهي و المفروض ما اقول للشيخ و اقول لطليقتي بيني و بينها عشان تسوي العده بينها و بين نفسها بس ما فكرت زين , طبعا سبب طلاقي لان امها خبيثه و
فيها كيد و نمامه الله يكون في عونها و سبحان الله بعد طلاقي من بنتها بـ 3 سنوات صار لها ازمه نفسيه و الى الان
تتعالج الله لا يبلانا و يستر علينا و عليكم و على المسلمين و بدون شماته اعوذ بالله لكن شوفوا وشلون اللي يكون ظالم و دعاء الناس عليه .
اتمنى من الاعضاء و العضوات اللي عنده خبره في هالامور انه يجاوب على هالاسئله اللي ذكرتها قبل بكل صراحه و بدون مبالغه .
تحياتي للجميــــــــــــــــــــــــــع
تعليق