رد: طلب مساعده من الاخ جبل الله يطول عمره


السلام عيكم اختي مريم...

انا اعاقتي ضعف ابصار ....وقدمت على مركز التاهيل الشامل بحفر الباطن من سنه 2003

طبعا عطوني كتاب اراجع فيه الطبيب النفساني وكتاب حق لجنه طبيه وبعد الفحص من قبل اللجنه وبعدين ارسلو كتابي للرياض ...طبعا معناة بالمرجعات ودوخه الراس

وبعد سنه ونص جاء الرد بقبول الطلب واعطائي اعانه سنويه 1000 ريال وبعد سنتين صارت 2000

وقبل سنتين صارت 4000 بعد رفع الاعانه 100%

وهم يبون ان ضعف البصر يكون اقل من 50% يعني نظرك لازم يكون
ضعيف لدرجه ان النظاره ماتنفع

طبعا انا اختصرت الموضوع لك والا فترة مرت سنوات والحمدلله

دمتي بود

رد: طلب مساعده من الاخ جبل الله يطول عمره

تحياتي لك اخوي والله يشفيك ان شاء الله بالنسبه للعين اليمين نظري نسبته 3% وعندي ضعف في اطراف الشبكيه وعيني اليسار نظرها 2% ماشوف منها الا بدرجه بسيطه وبسبب اجرائي عملية ليزر نظري تدهور جدا في الليل صرت مااشوف واحاول انام فتره طويله حتى عيوني ترتاح من الالم بالاضافه الى ان عندي اعراض مبكره لانفصال شبكي في العينين لكن طبيبة مركز الاحساء تقول لازم تكون المتقدمه ماتشوف نهائيا يعني مو بس عندها ضعف نظر

رد: طلب مساعده من الاخ جبل الله يطول عمره

اختى مريم انتى اخذتي اوراق من التأهيل وسولك لجنه طبيه....اذا سولك لجنه طبيه واللجه ارفضت اوراقك

معناتها ماتقدرين لان الدكتوره الي باللجنه اهي تشخص حالتك بأنك معاقه او غير معاقه...

وان كان ماسويتي لجنه طبيه حاولي تأخذي اوراق لجنه طبيه من المركز التاهيل وتسوي لجنه طبيه

واللجنه الطبيه اهي الي راح تتعرف على وضعك بأنك معاقه او غير معاقه

ويرفعون الاوراق للباحث الاجتماعي ويشوف التشخيص مناسب للشروط الموجوده عنده او مايناسب.

واذا ناسب الشروط تشخيص اللجنه رفعوا اوراقك للرياض وبعد سنه يردون عليك بالموافقه...

للعلم هذا الي حصل معي قبل اكثر من 7 سنوات

يمكن الان تسهلت الامور ..

ربي يشفييك ويحفظك

رد: طلب مساعده من الاخ جبل الله يطول عمره

أنا اٌقول يحق لك ان كان مره ضعف او مومره

لاتسكتين يحق لك يابنت

تحياتي

رد: طلب مساعده من الاخ جبل الله يطول عمره

تحياتي لكم اخواني اخوي حزين العين لو سمحت ايش تقصد باللجنه الطبيه انا ماسو لي فحص مجرد اني اخذت اوراق من مركز التاهيل ورحت مقر اللجنه الطبيه واخذت من عندهم خطاب الى مستشفى الجبر وكتب لي الطبيب المشرف على حالتي تقرير ورجعته الى مقر اللجنه الطبيه وهذوله ارسلوه بدورهم الى المركز وطبيبة المركز رفضته يعني ماقبلتها مع ان الطبيب وضح حالتي وكتب ان عندي انفصال في الشبكيه بكل برود ردت هذي الدكتوره الظالمه البسي نظاره وانا الشبكيه اصلا عندي ضعيفه عيني اليسار مااشوف من اكثر من 13 سنه نور بسيط بس والحين انتقلت نفس الحاله للعين اليمين وضعف نظري ومع ذلك حالتي تدهورت بسبب الليزر واثر بالعكس على عيوني والى الان عندي مواعيد في المستشفيات كل ماروح لهم احط يدي على قلبي اخاف من فحوصاتهم وماادري ايش يقولون وزوجي مل من كثر مواعيد المستشفيات اللي عندي على كل حال الله ينتقم من كل ظالم في ناس قالو لي رسلي فاكس لمحافظ الاحساء وماادري شسوي متحيره

رد: طلب مساعده من الاخ جبل الله يطول عمره

اخوي حزين العين الدكتوره اللي ردت دكتورة مركز تاهيل الاحساء مو دكتوره اللجنه الطبيه طيب اخوي لو سمحت ابغي اسالك انت ايش عندك بالضبط وليش حولوك على طبيب نفسي

رد: طلب مساعده من الاخ جبل الله يطول عمره

اختي يمكن طبيب المركز ماقدر يشخص الحالة لذلك حولوك على لجنة طبية وهي اللي تقرر مساعدات الضمان والتأهيل

عموما انتظري رد الاخ جبل وان شاء الله بيفيدك

واذا كان بأستطاعتك تغيير المركز بمعنى انك تقدمي على مركز الخبر او اي مركز اخر لانه ربما اللجنة الاخرى تكون اكثر انصافا

والله يغنيك ويرزقك من واسع فضله

رد: طلب مساعده من الاخ جبل الله يطول عمره

رد: طلب مساعده من الاخ جبل الله يطول عمره

تحياتي لك اخوي حزين العين كتب لي الدكتور ضعف شديد في الابصار
3%العين اليمين و2%العين اليسار وانفصال في الشبكيه وضعف شديد في شبكية العين اليمين ومع ذلك رفضوه
شكرا لك اخوي تعبتك معاي

رد: طلب مساعده من الاخ جبل الله يطول عمره

رد: طلب مساعده من الاخ جبل الله يطول عمره

تحياتي لك اخوي حزين العين عرفت من زوجي البارحه ان اللجنه وافقت لكن دكتورة مركز التاهيل اهي اللي رفضت قالت تلبس نظاره وتشوف زين وهذي شبكيه يعني ماتنفع معاها نظاره ومالها علاج الا الجراحه هذا اذا نجحت وحتى لو نجحت العمليه فلها مضاعفات وانتكاسات الله يحميكم يارب هذي الدكتوره قاهرتني رافعه ضغطي هذي المره الثانيه اللي اقدم فيها مع ان حالتي مسجله ضمن الاعاقات اللي يعتمدها المركز وانا حاجتي للمبلغ نتيجة كثرة المواعيد في المستشفيات في كل موعد ادفع مالايقل عن 400 ريال ومع ذلك زوجي لايعمل واذاني من كثر الهذره وانا مااقدر اترك العلاج في المستشفى اخاف تصير عندي مشاكل خطيره وبعدين ماينفع الندم اخر مره كلمناهم قالو لازم ناخذ التقرير نرجعه لنفس الطبيب يوضح فيه الحاله حجج بايخه وسخيفه من هذي الدكتورهوالطبيب مايرضى ادخل له الا بموعد واوراقي نقلوها الى مستشفى الظهران عند طبيب ثاني وفي مستشفيات الحكومه اذا اخذت موعد ظل استنى ثلاث شهور على مايوصل موعدك والمركز هذا للمعاقين مافي فرق متزوجه او موظفه هذا كله ماله دخل المهم الاعاقه الموجوده انا ماادري شسوي مع هالمصريه يجون من بلدهم ويسودون عيشتنا في بلدنا
تحياتي وعذرا للاطاله

رد: طلب مساعده من الاخ جبل الله يطول عمره

هلا اختي مريم اسف ع التأخير لعدم دخولي المتكرر للأنترنت

بالنسبه لك انك انتى تستاهلين الاعانه

بس الله يعينك ع المصريه حاولي تروحين لمدير المركز وتشرحين له حالتك.

والله يوفقك اختى مريم